假期

臨近年尾又係要清假嘅時候,數吓數吓原來重有5日假期要喺下年前放咗佢,於是上兩個禮拜就開始plan吓有乜好做...不過答案係"冇"

,所以最後決定打散佢嚟放,由lee個禮拜開始至到12月31號每個禮拜都放一日假當係休息....查實計落都幾發,12月扣埋聖誕假,淨係番嗰十零日工就有糧出(重出埋bonus添

)!真發....

見lee排好似冇乜煮嘢食,趁住放假今日又玩吓煮飯仔先....

尋晚睇到雜誌啲蕃茄薯仔湯好想飲,所以頭先就煲咗一大湯碗...正!(我連今朝浸咗冇煮到啲冬菇都隊埋落去,雖則好似有啲九唔搭八,但係啲湯又好似真係甜啲喎!)

豆角煎蛋...買咗$2.5豆角都係整咗一半叻,加埋兩隻蛋成碟嘢都唔駛4蚊...超抵!(不過我想澄清,其實實物唔係咁燶架,唔知點解影出嚟好似好燶咁!

)

重有外援腸仔同雞翼!好耐冇食lee啲斬料喇....