聖誕"食"記

真係睇到啲相都"滯滯地"...呢個聖誕就係呢比呢埋食物包圍住!!!

24 Dec...雖則未開始放假...不過個心已經飛走咗啦....同咗啲同樹去"鍾菜"食飯...難得冇乜人喎!重叫咗乳豬食...真係威!!

終於捱到4點放工...hea完一輪就去咗小青蛙屋企...由於時間關係....我哋去咗佢屋企附近嘅"輝記"開飯....聖誕真係應該食"中菜"架....冇人同你爭嘛!haha...

食飽去咗散步...之後小青蛙又煮湯丸過我哋吔....佢重大派古古力蛋糕...又食又拎!!

又到聖誕...又到聖誕...到咗聖誕正日...家姐攪趴地...又食!!....小青蛙重特登焗多個蛋糕比我哋呀..真係超揀動...多謝哂!!!

又係一埋趴地食物....蜜糖雞翼同包包都好好味呀...hehe! 之後又同啲小朋友們玩"口不對心...辣辣壽司"....最後就緊係要玩送禮物啦!! 估唔到我都收到兩份禮物呢...真係多謝哂....haha....................................

到咗卜星day...又同啲家姐一齊食過...下晝去咗郎田食lunch...食放題...真係超飽! 所以之後去咗工展會行....勁多人呀....救命!!

夜晚就約咗幾個朋友仔睇戲兼食飯....都話食中菜架啦...打冷咪好囉...大把位..haha!

27號喇....今日玩bb蕉...去咗搣匙屋企...超正!我係指地點同食物..都超正呢...第一次貢富貴燒鮑魚.....重有至愛嘅鱔.....

燒鮑魚確係好食呢....其中食物都好味架....之後重玩交換禮物....當然唔少得小青蛙蛋糕啦! 好滿足......

X'mas Party 2010

又係敝部門一年一度X'mas party...今年加咗啲新菜式冇咁悶.....食物質數都好咗...抵讚!....其實...最正係斗零都唔駛比又有得食嘛...haha!

由於唔係太多人想玩交換禮物...所以今次冇咗呢個環節...取而代之就係玩遊戲"格價專家"....好玩呀...估唔到呢個game係咁"刺激"!!!超攪笑...四人一組估吓呢堆日用品同食物嘅價格...yeah!最後我哋嗰隊師奶兵團以一分之微險勝..真係嬴得好險!!

呢幾箱當然笨唔係"蕉"啦...係抽獎禮物嚟架....今次抽到200惠康coupon...6獎都唔錯呀...加埋玩遊戲嬴咗嘅禮物簡直係"豐收"啦!

StAnLEy哥...

好耐冇遊山玩水喇....放埋今日annual leave就清哂啲假喇....趁今日天氣咁好真係要出去走走! 今日就去咗探Stanley哥....真係好耐冇入嚟踎喇....Stanley哥...I miss U呀!

今日天氣真係好好架.....又唔凍...prefect!!

呢啲地方上次都有影....今次係舊地重遊....

行去卜公碼頭吹吹風好爽呀.....

"馬坑公園"個牌係咪有啲熟口熟面呢? 驟眼睇重以為係"馬灣公園"添...其實連個公園都好似...係咁行樓梯同行樓梯....最後行埋上山頂....望落嚟又真係幾靚架喎!

去赤柱當然會到此一遊啦.....

其實影咗好多相架...haha...成部相機都係呢啲相....好似有啲"邪門"...

行埋啲乜灘同物灘先閃...坐吓沙灘都好正.....

等我又玩吓"自拍"先...影咗攪掂...係架...呢啲都叫"自拍"架...haha!

藝術之旅

"藝術之旅"呢個標題未免有點浮誇...好難諗嘛...是是但但乜都一句啦....haha! 講番正題....其實尋日去咗"賽馬會創意藝術中心"遊咗陣....好有趣嘅一個地方...所以想介紹一吓 (可能大家都已經識...甚至去咗n次...係我呢個大陸哩先至唔識咋)!!!

其實呢度係由石硤尾工廠大廈改建而成...地方都幾大...重有好多嘢睇添...有唔同嘅藝術作品展覽同介紹....好似攝影...陶瓷....琉璃....油畫等等....

除咗有導師講解同示範...重可以試玩...不過尋日"低溫泥"嗰班full咗....唯有轉移陣地去睇琉璃坊啦....導師又示範咗燒玻璃....有趣!其實亞祖對整琉璃擺設都好有性趣架...不過呢度啲course似乎太貴喇....都係玩住cheap cheap工聯會先啦...haha!

之後又參觀咗朋友仔做"配音"工作嘅地方....其實做"配音"一啲都唔容易....咬字清楚固然重要啦...重要有"揀情"...又要對"咀型"...亦要懂得互相合作....有時連對白都要諗埋(真係少啲創作力都唔掂)....確係粒粒(字)皆辛苦!!佩服!!佩服!!!

飲樣~

尋日係表哥嘅大喜日子....真係好耐都未試過全家出動去飲..真係要著靚啲...haha...不過...典靚都唔夠Meme嚟啦....出門口前都要試足兩套靚裙仔先出門口....重set哂頭添...

小model好似唔多pro喎...郁嚟郁去好難影呀...

ooh....原7點已經入哂席....相都影唔到張...唯有自己搵嘢影啦....

hea完一輪終於開飯.....

其實都係嗰啲嘢啦...haha...我哋包咗大半枱....影相都唔會太唔好意思!

影嚟影去都係食物...冇乜新意...都係擺多啲靚女相出嚟罷啦...haha!

馬賽克(製成品)

放假先貢凍...唔通個天都唔鍾意我....明明諗住搵個地方hea吓架嘛...家陣咁凍真係邊度都唔想去....最後淨係出咗街shopping咋!!

shopping完就番屋企繼續攪埋個馬賽克功課喇....上回講到我走咗包粉番屋企....首先加啲水落啲粉度溝開佢.....上次係老師開埋比我哋架...今次都係第一次溝架...不過個款都好似...應該ok....嗯...佢個款其實都好似係"紅毛泥"啲friend!!

跟住就將啲泥抆落啲馬賽克磚上面.....乾咗再用濕布抺走黐喺磚上面嘅泥....

攪掂喇.....呢個係相架嚟架......

個信插都抺乾淨喇...係咪靚仔咗呢?!

又影番張全家幅先......

馬賽克(六)

歡樂嘅時光真係過得特別快架...話咁快就上完六堂馬賽克班喇....真係意猶未盡呀!其實之前都有少少擔心趕唔切完成第3份功課架...幸好最後都整得哂....連上面有啲 "吉位" 都填埋(雖則整得有啲頭皮)......簡直係超額完成呀!!

呢個就係上次未影相嘅相架喇....

上次得兩朵金花嘅信插今日極速完成咗喇...其實上面嘅紫籃色係代表天空(本來想用啲細磚砌靚啲架...不過真係唔夠時間喇)....下面兩朵金花同黃色嘅background係代表一片大草地....藍天白雲+綠色草地....加啲幻想力都幾靚架...haha.....

不過呢其實佢哋未抆泥架...唔夠時間抆啦...費事抆完啲泥乾唔切....濕淋淋咁拎啲嘢番屋企.....好呢hea呢!

所以....一於學人走粉...oh...係學人拎走包"鬼食泥"先真...番屋企慢慢抆...hehe!

大棠親子遊....又關我樹?!

話說十月某一晚...我如常咁去大家姐度黐餐....大家姐無啦啦問我12月11得唔得閒...咁早問實得啦! 原來呢日係Meme學校攪嘅親子燒烤...大家姐諗住預埋我...其實由Meme至排骨仔....兩歲至十二歲....親子活動呢家嘢都係預咗我嘅....當然亞祖非常樂意啦....通常都有得玩又有得食嘛...而且...亞祖又確係幾喜歡同小朋友玩....喜歡佢哋單簡又開心(其實小朋友真係好易滿足...haha)...

就係咁...呢個星期六晨咁早8:30就喺我屋企樓下集合...個個都好準時喎....連Meme都起到身...勁! 今次重搵埋肥表姐(肥師奶)一齊去...一行5人真高興!!坐旅遊巴好快就到大棠喇........第一次去咋....環境唔錯喎!

呢度都有幾多嘢玩...可以摘士多啤梨...騎馬...騎牛車...餵魚...餵羊同撈金魚等(呢啲活動當然要自費啦)...不過我哋太hea嘢...淨係玩咗騎牛車咋....

hea完一輪終於可以開始燒嘢食喇....Meme就專責食同食.....嗯...一個爐要3家人share...真係慳水慳力咗少少...重要得兩粒鐘燒...真係唔多夠...(不過佢都冇趕人...最後我哋都燒咗3粒鐘有多....haha)

燒到咁上下開校方面就安排咗啲親子遊戲....啲game都幾攪笑...Meme都玩得好開心呀....不過啲相喺大家姐度....未有得post住....其實....Meme淨係玩番梘泡都已經好開心...佢都係第一次玩咋......

4點就回程喇...番到屋企都5點咁滯...梳洗一吓就去咗深水埗開飯喇....今次去咗泰潮食....食咗海南雞...馬拉盞炒通菜....蝦餅....粉絲沙律...雞翼同冬蔭公....再去松記隊多碗糖水...真係超滿足.....