尋晚喺我同大家姐喺沙田搭van仔,坐坐吓無啦啦聽到有個坐喺我哋後面嘅女子係度大大聲咁講"主耶穌基督會赦免你哋嘅罪, 佢為我哋釘十字架....."
但係個亞姐就越講越大聲, 重要repeat & repeat同一番說話, 車!原來佢唔係同人傾梗偈,淨係喺度自言自語咋! 我哋全車人都好無奈咁焗住聽佢講耶穌
不過唔知點解我住嗰頭成日都會見到有啲人喺度口噏噏自言自語, 我見過一個40幾歲嘅師奶一路等巴士一路口噏噏勁爆粗, 又見過一個20幾歲嘅女子喺巴士上面一路講嘢一路笑,初頭重以為佢傾梗電話,睇真啲先知佢祗係不斷咁自己同自己講嘢
大慨三個禮拜前嘅某一日,我夜晚7點幾喺沙田威爾斯門口附近見到個著住裇衫西褲嘅亞伯企喺度, 佢個樣重好似好可憐咁,佢望咗我一望跟住就同我講....小姐,可唔可以借錢比我搭車......
唔知點解雖然覺得佢個樣幾可憐,但係...由於童年陰影嘅關係(以前讀書間中學附近又係有個亞伯日日都冇錢搭車),而且又有啲趕時間....最後我都係同亞伯講咗句sorry就閃咗!之但係我閃咗之後又確實有小小唔安樂咁,唔知嗰個亞伯係咪真係要人幫呢!
不過lee個疑團喺尋日終於解開喇,我尋係又係夜晚7點幾,又係喺威爾斯門口附近, 又係見到著住裇衫西褲嘅亞伯企喺度, 又係好似上次咁.....望咗我一望跟住就同我講....小姐....可唔可以.....
今朝一早收到姐姐用yahoo messenger send比我嘅message....係一條web site 嘅 link嚟架, 我click嚟睇吓啦....好似有啲怪怪地, 個web site 有99%似yahoo個相簿,但係唔係display中文同英文,係唔知乜嘢文,最攪嘢係佢無啦啦叫我login....但係若果係姐姐喺yahoo share啲相比我睇, 照計我應該唔駛login架??
正當我非常拗頭之際,原來師奶仔已經用自己account loing咗睇梗啲相.....我就走去佢部機度八吓啦!但係睇嚟睇去啲相都冇姐姐架喎(啲人重係九唔搭八,唔知乜水嚟架), 再問吓姐姐先知原來佢之前都冇用過yahoo messenger send嚟比我哋....
姐姐話佢尋日又係收到個朋友仔嘅yahoo message, 跟住佢用咗自己yahoo messenger個account login嚟睇啲相(啲相入面嘅人當然係冇個識架啦!)....oh...唔駛問亞貴實係啲人想呃我哋啲account 資料啦(唔知撻嚟做乜), 重用埋姐姐個account呃我哋添, 賤格!雖然我冇login到...但係都好驚出事,即刻改咗個password 先呀!
尋晚我同大家姐去咗屋企樓下間茶餐廳食飯,叫咗一碟豉油王炒麵($26)同埋西蘭花炒排骨($28), 食食吓亞姐就叫我哋埋單先,由於時間嘅關係(當時已經係夜晚10點幾,間嘢準備落閘放狗), 亞姐單都冇比我哋睇就叫我哋比錢, 跟住家姐就拎咗張50蚊紙出嚟,佢正想拎個散子包出嚟攞4蚊比亞姐之際($26 + $28 = $54), 亞姐已經走番去收銀處喺度埋頭苦幹....初頭我同大家姐以為佢轉頭會問我哋攞番4蚊,但係佢又冇咁做喎!
查實我哋之前都有幫趁過lee間嘢,上次我哋幫趁個套餐($28 "餸"+ $4"飯 & 飲品")同一碟炒菜($24), 叫之前重問晒亞姐啲價格, 但係最後佢都係收咗我哋48蚊...張單亦都係非常之奇怪: $26 "餸" + $2 "涷飲" + $20"炒菜"...同餐牌寫嘅價錢完全唔同架!
諗番起上次嘅經歷,我就同家姐講：「可能$50蚊真係夠,話唔定重有錢找添...
