黏土花花の生日小禮物 (6月小喇星)

好耐冇update過啲黏土功課喇....係咪以為我冇已經玩呢?!haha...查實呢期都係學緊整黏土花, 不過呢期唔係飛咗去玩就係飛咗去工幹攪到成日走堂....呢期重走足3堂...真係蝕哂呀!! 其實我家陣整緊三色瑾同睡蓮架....遲啲再寫卜!!

嗯....其實呢篇卜我都掙扎咗陣先寫架...因為我習慣送咗份禮物比人先寫卜架...想保持神秘嘛!不過 ....今次呢其實有份禮物係未送架....之但係....屈指一算恐怕要8月先送到喇....為免hea太耐過哂氣先post....家陣update咗先啦!!


睇唔睇得出呢兩盤係乜東東? 無錯...就係鬱金香喇....

兩位6月喇星...一人一盤.....

我重整咗張生日card仔架.....happy birthday呀兩位!!

荔枝雪葩

呢排又無啦啦挑起條筋....整吓甜品.....尋晚就整咗荔枝雪葩.....本來今日想整埋綠茶macaroon試吓架...不過由於時間關係冇整到lu....下次再整!!


漸漸發覺除咗做小手作之外...烹飪都係一樣令人relax嘅活動!重可以順便請吓屋企人同朋友仔食嘢...不錯喔!!

可一不可再的...口金....@.@

Yeah....終於可以用埋張就夠期團購coupon(查實呢張7月尾先到期).....唉...我都想他他條分開玩架....不過7、8月都要被放逐去工幹冇時間玩...唯有快快手用埋佢費事嘥嘢! 今次又玩乜呢....嗯...其實我都諗咗兩日先幫趁呢個手作仔架....因為呢個係'口金'course...'口金'即係乜東東....即係人手縫製用嚟放散子嘅小包包囉....實不相瞞啦...亞祖其實對縫紉呢家嘢真係唔多like...不過又想八吓人家點整口金.....見佢平平哋一舊水唔駛就去玩吓啦....整得樣衰都係嘥幾十蚊唧.....

去到第一樣嘢又係揀....要揀布.....次次都選擇恐懼...救命呀! 好艱難先揀到塊面布同底布咋, 之後就要剪紙樣....剪嘢no problem!!


跟住嘅step就慘咯...係咁"連連連連...."......我已經用最簡單嘅平針嚟連架喇...用回針嘅方法恐怕天光都攪唔掂!

好唔容易先攪到呢個地步....最後就係要上埋個口喇....嗚嗚嗚望見家鄉喇....真係一路整個心一路"媽媽"聲呢....

又足足攪咗3個鐘....外表都可以呃吓人嘅...不過打開個包包就見到入面啲線突出嚟囉...haha...上面張相咁啱影得唔夠清楚咋......

包包兩面嘅圖案有分別架....剪有嗰陣已經度定位....所以啲公仔先唔會比我剪到一岩一忽咋!!

西瓜雪葩

部雪糕機好耐冇出關啦．．．今日終於開齋喇．．．希望６月再有機會再整荔枝雪葩啦．．．過咗又冇哂荔枝架喇!!

JCCAC手作市集

 

JCCAC．．．之前有位朋友仔帶過我去．．．一直都想再去參觀參觀．．．難得佢呢兩日都有手作市集．．．雖然星期六落狗屎邊度都唔多想去．．．經過一輪掙扎最後都去咗一遊．．．呢個市集又確係幾大．．．好多嘢睇吓，又真係好多手作嘅quality都好好．．．有啲重好有創意！佩服！


由於全部都係hand made嘢，大部份都唔平雖則有啲嘢好靚都唔多捨得買!!HAHA睇吓將來有冇機會學吓．．．自己整出嚟嘅滿足感重大呀!!不過唔買唔買都買咗少少嘢．．．買咗拼貼材料同一條手鏈．．其實條手鏈中間係串咗兩個兩毫子架!!(個兩毫子係人手加功過．．磨咗表面而且有點彎曲，有趣呢!!)

6月喇星飯@老上海飯店

尋晚約咗幾位朋友仔開飯賀一賀6月喇星....今次去咗食上海嘢....

我哋明明叫咗鍋貼架喎...典解(左下)嚟咗個疑似生煎飽嘅?!

本來想叫拔絲香蕉架...不過冇蕉食....唯有改拔絲蘋果啦!

今次又食又拎呀...關生順便派薑醋...一人一盒....因為有位朋友仔冇嚟....我就貪心哋接收埋嗰盒孤兒仔...haha!!


話時話....呢晚我真係講嘢多過食嘢....究竟係太耐冇見呢班朋友仔...抑或...我真係有太多嘢想講呢?!

macaroon ...part 3

今日放假...心血來潮又整吓macaroon....若然整得唔太差嘅話可以拎比啲朋友仔試吓....今次焗得比上次好呀(原來屋企個焗爐溫度同上次上堂個焗爐應該好唔同...我喺屋企要焗參唔要焗多10分鐘先得!!)...不過就唧得麻麻...貪字得個貧...唧得太密有啲黐埋咗唔夠靚仔!!


之前上網見到啲人整檸檬醬好似幾簡單...順便試埋...個醬有蛋所以啲色水好sharp喎!

加埋個檸檬醬又幾colorful喎....

有啲餅唔夠靚仔...好艱難先搵到7粒送比朋友仔咋(不過有啲都唔小心比我壓爛咗)...haha

macaroon....手信...生日禮物....今日變咗聖誕老人哦!

自製相簿

又嚟團購喇喂....後日夠期喇....今日快快上埋個堂先...呢個course話要上3粒鐘...點知...最後上咗4粒半鐘....確係抵!!! 講咗咁耐...究竟今次攪邊科呢...其實今日係去整相簿架...不過本相簿淨係可以擺兩張相架咋...都攪咗4粒幾鐘...真係辛苦哂!!

一嚟又係要揀...揀布...真係好迷網...啲布花呢花碌真係好難揀....又要揀cover, 又要揀background....揀5塊布...真係頭都大埋!

 

是是但但揀完布就開始整喇....嘩...都真係幾多step!!


重以為呢啲course會好hea....點知今次又真係好認真咁整...不過都幾有趣...


呢兩個相框就係貼係內頁架喇....其實唔多襯囉...haha...花多眼亂真係唔識揀有嘅pattern!


haha...真係想像唔到原來製成品係貢架....

再戰macaroon...

今日又再整macaroon....呢期老人痴呆恐怕轉頭唔記得哂點整....快快手喺屋企整多次先....其實整呢家嘢難在掌握焗嘅時間同火候...今次番屋企整....預咗未必成功! 還好...衰唔哂...外表呃得吓人...不過入面唔夠上次咁煙un...而且太多氣泡咁....下次要再努力!!

HAHA...淡黃色macaroon....睇落幾似雞蛋仔喎!! 下次有時間再試吓整埋個檸檬醬先....酸酸地冇咁漏嘛!

多災多難の Macaroon.....

前排又認購咗啲團購coupon整手作仔....不過一路都未有時間上堂...嘢嘢都等到參唔多到期先報...呢個下個禮拜又到期喇....今日拿拿淋上堂!! 呢次係整Macaroon....其實真係幾好奇典解呢舊嘢要賣到咁貴呢? 重好多時整到舊嘢甜耶耶....haha....講到冇樣好又去上堂?! 係呀...都話好奇咯...唔比咩!!

之前都聽聞Macaroon唔難整...oh....又真唔太複雜喎.....(可能係易學難精啦!!)

典解"多災多難"...唉...本來佢哋可以再靚仔啲架....點知...我將啲餅漿唧好哂之後...無啦啦有陣怪風吹咗張紙過嚟...有幾粒揩畫花咗...又有粒比人哋個餅盒畫花咗...超級多災多難...本來我難得早到可以坐前啲聽書...點知遇著對面同隔離兩位超級雞手鴨腳亞姐攪亂檔....隔離位亞姐更加係一絕.....真係吹到啤一聲!!


由於成本關係...呢個course冇教點整中間啲牛油忌廉...淨係比啲果醬比我哋抆落啲Macaroon....雖則唔夠正中...不過呢個新嘗試都幾特別!

其實可以整到8粒架....不過怕太甜有啲冇抆jam喇....

食後感: 其實呢個食譜唔錯呀...易整之餘製成品唔算太甜....唔抆jam都好好味....外脆內軟重帶點煙un....你睇有fan屎好喜歡架.....要再整多轉喇!!

東歐苦難乞兒阻咒の旅~序

原來參唔多成個月冇update個卜喇....想放棄嗎? 非也!! 寫咗咁耐又典會輕易放棄呢! 查實....去完呢趟"東歐苦難乞兒阻咒の旅"之後...真係覺得身心皆疲.....haha....其實今次確係有史以來最辛苦亦都係最難忘嘅一個旅程, 原本以為住唔慣hostel, 點知最冇問題反而係呢樣!! 可能係途中發生嘅阻咒同詭異事件攪到思緒比較混亂....總係提唔起勁寫卜....不過...我會寫的!等我吧!!
今日東歐嘅團友再集齊人碼到荒島抄番哂啲旅行相...原來5條友夾夾埋埋一共影咗25G相......諗起執相都驚驚!! 幸好有豐富嘅一餐定吓經啫....辛苦哂小青蛙!!