haha...唔知大家有冇留意...對上一次post黏土製作の節日蛋糕...其實只係"第一回"...乜解救一嘢跳咗去最終回呢?! 都係嗰句啦....由於時間關係...啲節日蛋糕變哂送比人嘅生日蛋糕...都係保持少少神秘感大家生日先post啦!
咁...最終回又有乜嘢好post呢...haha....呢個....我諗暫時冇乜機會送比人...我都想快啲送比一眾未結婚嘅朋友架...大家努力哦!
重記得佢哋嗎? 擺咗好耐喇...今日終於用得著!!
估到呢個係乜嘢蛋糕嗎?
佢有3層架...最高嗰層係"心型"蛋糕嚟架!!
yeah...開估...佢係結婚蛋糕嚟架...亦都係最難整嘅一個蛋糕哦!! 由抆cream到唧cream都非常難度高呢....呢個版本已經係整咗好多次...不過仍然有好多瑕疵...抆cream抆到一撻撻...連唧cream都唧到大小不一....唯有整啲葉遮一遮佢啦!! 至於對結婚公仔嘛...嗯...其實都幾樣衰架...都好...起碼襯哂嘛...天生一對的醜樣!! 放心...若然他朝有日送得出呢個蛋糕比啲朋友仔...我一定一定會比多啲心機整, 一定會靚個呢個嘅!!!
繼上次黃子華搭小豬之後....尋日又嚟一日跑兩場....今次先去上環睇話劇...睇話劇之先開吓餐先!
唉...方向白痴即係方向白痴...由上環地鐵站行到去上環街市再出動用埋google map都係行錯路...搵咗一大餐先搵到佢咋!!!!!!!
都係比較喜歡佢嘅咸牛肉包...好味!!
呢套話劇係由九把刀嘅小說改篇....嗯...坦白講...只屬一般呢!!
之後就去老尖join另一班朋友仔開飯喇....齊齊去食越南嘢!!之後就飛去睇concert喇!!
咪就係睇林憶蓮囉....佢嘅唱功仍然了得...不過....典解有好多好歌都冇唱到嘅?! 我想聽"願"呀...重有寂寞流星群...為何他會離開你...重有朋友仔最愛嘅...愛情i don't know呀!!haha!!
尋晚又同咗幾位朋友仔齊齊開飯賀一賀9月喇星嘅生晨.....朋友仔話想食私房菜...最後就卜咗呢間喇....我就幫大家揸咗主意揀咗個鮑參翅肚海鮮餐....
由於有位朋友仔唔想食魚翅, 所以將個"生拆蟹肉扒金山勾翅"改做"螺頭花膠冬菇燉雞腳湯"..........
呢幾碟就係"天下第一雞"....."花雕蛋白蒸海蟹"....."原隻鮑魚扣山珍海味"同埋"招牌三式蝦"....................
重有"金銀蒜粉絲蒸元貝", "瑤柱扒西蘭花", "清蒸游水海斑"...最後整多個"飄香炒飯" 就真係超飽喇!!!!
食埋個"生果拼盆"先!!
嗯...重有呀...我...真係好想好想澄清一點呢!!!朋友仔們....其實...你哋喜歡同唔喜歡以上食物我都冇"揀著"架...(食物質素我真係控制唔到...而且我好明白大家口味未必相同呢, 你哋覺得好食或者唔好食都係個人意見, 我真係冇介意過呢!)...我介意嘅係當問哂所有人去邊度食....揀咗去邊間食再卜埋枱...去到坐低開始食嘢嘅時候先有人話我知...全完唔想去呢度食之類嘅說話哦!! (記得嘛...每次我都會問大家有冇任何意見...請早揚聲嗎?!)
註:純粹想澄清呢...唔想再有任何不必要兼無聊嘅小誤會而已....(睇嚟我都要去好好進修吓中文寫作技巧喔!)
9月雖然都幾難捱....不過都總算過咗一半...(係架...我真係日日倒數緊架....唉!家陣呢個走勢...睇嚟...連十月都唔慌好過.....
)...
算罷啦...辛苦嘢都無謂提...講番啲開心嘢啦....除咗吃喝玩樂之外...搓泥都好開心呢!! 呢期有朋友仔問我典解唔見我pose啲功課出嚟...重問我係咪偷懶呀!! 冤枉呀大人....其實我個個星期都有keep住做功課架...不過都係做唔切之嘛
...查實...人哋呢期興整黏土蛋糕送比啲朋友仔嘛...做功課嗰陣咪順便整多兩個蛋糕拎嚟送禮囉!! 晨早pose哂出嚟冇哂神秘感嘛!!!
hehe....9月喇星終於收哂啲蛋糕喇....終於可以光明正大貢pose相喇!!yeah!!! 其實...我係一次過整咗4個蛋糕架....之但係...個個都唔係miss教嗰啲樣囉...haha....其實整蛋糕可以比較隨意啲....自己可以點整都得!!嚟啦...整張合照先! 大家睇唔睇得出佢哋爭啲乜呢? (HAHA...唔講應該唔覺囉!!)
佢哋哋爭咗啲"光油"囉...油咗光油係咪醒神啲呢佢哋....
咪以為個個都係一樣樣呀...其實每個都唔一樣架....考考大家眼力搵吓有乜唔同!
呢個MeMe嘅其中一份生日禮物嚟架!!
其實有兩個size架...呢個係大少少架....
今晚送比Mr Kwan嘅小禮物..size都係稍大嘅...
呢幾粒車尼子真係粒粒皆辛苦....好在最後都可以完整無缺貢送出!!yeah!!
今年中秋節都係去咗荒島食餐飽....同得小青蛙開飯又可以食好嘢喇...大大粒翡翠螺...帶子同牡丹蝦...重有雜菜湯...厚切牛扒...黑毛豬....龍蝦....最後重有雲呢拿雪糕做甜喎....食足7粒鐘(夜晚9點食到凌晨4點), 真係堅過法國大餐!! 飽到上心口呀!
前日係Meme3歲生日呀...日前兩年一樣....都係喺佢屋企開個小小生日趴地....
yeah...做主角喎...梗係要著番條靚裙仔啦....
party係食...盤菜架....haha...就嚟中秋嘛...好明顯係當埋做節囉!!當然唔少得生日蛋糕啦...大家姐靜龜龜同小青蛙訂咗個蛋糕呀...你菠蘿味架...好味!!
嘩...有巧多禮物呀....表哥表姐一人送一份比MeMe...真係好大手筆喎!!
其實上星期日睇完呢個show已經好想寫篇卜....終於hea到家陣有時間同閒情寫吓喇....典解貢想寫呢個concert? 因為...有嘢好寫?! haha..一半啦....查實我都係想講呢個concert 確係意想不到地好睇呀!!!
唔知點解..身體啲朋友仔聽到我話睇許志安concert都係比同一個反應"吓...好悶架喎!!"(又真係唔只一個係咁講喎!!)...可能都因為呢啲反應...冇期望反而有驚喜(坦白講...我都係去聽歌啫...雖則唔係佢fan屎...都有聽過吓佢啲歌....我相信應該ok唔會悶屎掛!!)
結論係: 正如我喺fb所講....我睇咗一個好奇怪嘅concert...每當許志安唱一首歌...我隔離位朋友就不其然問我呢首歌叫乜名...坦白講..有8成嘅歌我都答唔出個歌名...之但係...可以識背⋯⋯哂佢啲歌詞跟住唱呢!! 其實許志安嘅CD我真係一隻都冇買過...不過佢嘅歌一直默默咁陪住我成長...對我嚟講好多歌都印象深印...即使n年之後再聽番都依然動聽!! 再加上車沅沅..鄭嘉嘉(唔好問我佢係邊個...新人嚟我do唔識架!!)...王宛芝....葉德嫻同Big 4嘅精彩演出!! 很好看呢!!! 超愛!! (好明顯係懶...成段嘢都係fb度抄架咋...haha)
或者呢啲就係譚校長...鄭秀雯效應...佢哋嘅歌一直陪伴著我成長, 總係有種解不開嘅情意結!!喜歡哦!!
話咁快又9月喇....今年好似過得好快貢喎!!一到9月就有個小小小喇星生日喇....我唔係想"小"貢多嘢架....人哋巧斯文架嘛...成日小小聲邊好聽呢!其實今次個小小小喇星係一個小朋友嚟架....佢今年3歲嘛...加埋咪有3個"小"囉...
小男孩都係離不開車車同波波...(好似大男孩都係喎!!)...佢就like車車喇!!
今次真係獻醜喇...基本上唔知點入手....最後都係胡亂咁整....加上時間緊迫...真係一額汗呢!!希望大家重認得佢係Thomas 啦!!!
整多張生日card搭夠!!
朗朗....希望你唔會驚咗佢...更加唔好質落口食咗佢..haha!! 祝你生日快樂...快高長大....身體健康....聰明伶俐....學業進步...聽聽話話哦!!!
