又係黐飲黐食嘅日子喇....前兩日小淫蛙約咗啲卜友仔燒嘢食....我又走去黐吓金糠先....由於呢排天氣重食好熱吓....所以我哋都係等到太陽伯伯落山先開始燒喇....首先梗係要開個檀先啦....
你睇...一枱都係嘢.....好豐富呀......
燒烤場個view重好得添呀......
飲品都兩大筒....
嗯....食物方面....又確係豪情呀....有鱔(原來燒鱔係好好味架...個皮好脆啲肉又好彈牙...正...真係要推介!)...重有...帶子同扇貝....好新鮮好好味!
重有蝦....今次重整咗啤酒蝦...都係第一次食咋...又幾好食喎...冇乜酒味啲反而帶出咗蝦嘅鮮味(呢句"食評"係咪好pro呢..haha)!
重有小淫蛙親手醃嘅羊羊.....
重有ribs.............
yeah....係時候放火喇.....確係好大火....勁!
喺度真係要嗚謝一吓豬bie媽提供嘅飲品同卜咗個靚靚燒烤場比我哋玩呀!!....查實你嘅"貢獻"係相當重要架...hehe!
收到喇...收到喇....我係指朋友仔送比我嘅電腦櫈呀.....送貨哥哥仔又幾準時...點零鐘就送到....尋日order今日準時送到.....效率真快...抵讚!
不過哥哥仔只係負責送貨....安裝就要食自己喇.....
一拆開個箱已經急不及待砌好佢喇....砌到咁上下先記得影番張相比咁多位老細過目添.........
........hehe..........................
原本用梗嘅圓櫈終於可以退役喇......
係咪威好多呢.....................................
隨櫈重附送兩條可愛抺手巾...因為要籌夠錢先可以送貨呀....
最後...當然係要嗚謝一吓咁多位老細慷慨解囊啦....正所謂善有善報...福有油雞呀...多謝哂! 
話說之前諗住同小淫蛙佢哋再戰烹飪班架....之但係啲上課時間超唔掂檔....所以放棄咗喇....不過都好...終於有機會報番個紙黏土....其實我想報咗好耐架喇!! (又確係唔知乜解究, 我對各式各樣嘅泥都有性趣玩架喎...連番工嗰陣都鍾意玩鬼食泥嘅!!)
其實呢個course本身好平架咋...不過唔包材料....嘩!!....原來整紙黏土要鬼死咁多工具架...又唔平喎...啲材料重貴過個course呀....真係肉都痛埋!!我已經放棄嗰把六十幾蚊嘅交剪同十九幾蚊嘅白膠漿架喇!
由於第一堂老師有好多嘢要講解....攪到上堂冇時間整...所以要番屋企做功課下堂交...大家又估唔估到我整咗啲乜呢?有白色一粒粒嘅鼻屎....
有咖啡色嘅鼻屎....
橙橙哋嘅一碌棍........
同埋兩條綠綠哋色嘅棒棒......係咪好玄呢? hehe.....已經整到唔似架啦...重要大家估...真係辛苦哂........
呢盒唔知似乜嘅嘢...我足足用咗2粒幾鐘整架(真係參唔多3粒鐘呀...不過..整嗰陣真係唔覺唔覺就玩咗幾粒鐘架)...吓!幾粒耳鼻屎都整咁耐?! 原來紙黏土呢家嘢真係好講耐性同細心架....對我呢啲冇乜性耐又唔多細心嘅真係一大考驗!!
重諗一邊玩紙黏土一邊煲湯....不過玩玩吓爭啲唔記得咗煲湯呀....好在冇乾哂水啫...又幾甜喎好飲呀...............
前幾日約咗成班茂利同樹北上尋歡...話時話其實我哋成棚女人都係想北上揼吓骨同食吓嘢啫...無啦啦又攪咗單世紀大騙案出嚟..用咗個非常低b嘅藉口坤個同樹出嚟...最勁係重坤到佢帶埋回鄉證出嚟....再夾硬挾持佢北上....不過呢位同樹又受喎....重玩得鬼咁開心添...過程真係超攪笑! 欲知呢單世紀大騙案嘅詳情...麻煩大家亭一亭小淫蛙個卜...相信佢一定一字不漏咁擺哂上卜....小淫蛙呀小淫蛙...呢單嘢靠你揚出去喇!! hehe!!(其實係故事大長...真係唔想寫囉...出吓口術希望有人寫囉....)
言歸正傳....講番今次北上嘅行程先啦....我哋今次去咗落馬洲嗰邊骨骨佢....
本來想喺出面搵間茶樓飲茶架...不過星期日下晝...真係太多人等位飲茶喇....算罷啦.....都係去番骨場入面食算喇....環境又ok喎!
啲食物都唔錯....呢碟係涼拌青瓜.....
粥同炒麵....大家睇到碟炒麵咁有"動感"就知大家有幾"餓鬼"喇!
重有啲"巷巷"哋嘅點心.....
大家又估唔估到呢碟係乜呢?有人答係"蘿白絲酥餅"...當然係冇咁易估啦...其實係榴槤酥餅先真.....聽到都.....
個叉燒餐包幾靚...個包確係好軟淋淋...不過包面啲糖水就太甜喇...
呢個係燒雞翼嚟架....
呢個係杏汁蛋白....好味.....
呢度啲生果同雪糕係任食架.....食飽就卜咗間房揼吓腳...一邊食生果同雪糕.....一邊揼雀仔(oh...係腳仔先啱呀)...真係爽呀.....之後再揼埋身....c服哂..
揼飽骨就去醫肚喇...今次去咗小淫蛙推介嘅東北園.....
啲小食又幾好味喎......
先嚟一個皮凍....即係淆肉啲friend...幾好味....
呢個係羊肉串...一啖一口...正!
鍋巴猪肉...炸到好趣架....好香口....
呢個係韮菜蛋餃...入面冇肉清清哋又幾特別架喎!
水煮魚...成盤嘢好卜卜...好似好堅咁...查實食落又唔係想像中咁辣...可惜啲魚太多骨所以大家都有啲卻步!
蒜泥白肉....個汁幾好味.......
呢個係沙律嚟架....個汁酸酸哋幾開胃...啲菜又夠新鮮....
呢個係南瓜餅...有啲年糕feel...都唔錯!
呢個係農家菜...其實成碟嘢都好似蒸魚啲蔥咁...又幾得意...
最後就係甜品...拔絲地瓜(即係蕃薯)....成大碟真係食唔哂要打包喇....
呢碟係小淫蛙order比佢honey食嘅煎餃...睇落都幾靚仔....
呢餐晚飯我哋8個人食(係又食又拎先啱)...大家估唔估到每人夾咗幾銀呢? 比個貼士大家...呢餐可以用超抵嚟形容.....答案係....人民幣28大元....勁!
