我的小小目標

今日有好多好吸引嘅團跑，不過最後都係選擇去青公自修一吓半馬，睇番紀錄原來我冇試過正正經經練習過—次半馬呢！未JOIN跑GROUP之前我都有目標架....2:15內完成半馬, 自從識咗班瘋狂跑友後, 我個目標無啦啦變咗2:00....真係多謝跑友們睇得起我呢, 一於試吓呢個目標先!

Yeah....原來只需努力做，我都做得到！雖然抆水咗少少，都總算兩個鐘內完成了！希望渣馬會有更好嘅時間啦!

尖東燈飾跑

好耐冇睇過燈飾喇, 今年識多咗啲跑友又JOIN咗團跑, 重有啲跑友攪燈飾跑, 真係幾過癮喎! 雖然尖咀不嬲都勁多人, 不過我哋盡量避開太多人嘅地方,都總算冇人走失! 成班人邊跑邊影相邊睇燈飾輕輕鬆鬆就10K...好玩!

 

 

第一次30K之旅

 

話說幾個月前同跑友約定30K之旅, 嘩!大拿拿30K喎, 開完張空頭支票都驚驚哋呀, 就咁又過咗幾個月喇...我呢最多跑到26K咋....咁30K之旅又幾時先可以完成呢, 唉!呢排重要病鬼埋添!

 

之但係我未死心架....真係好想喺12月完成呢個宏願, 好想話比自己知我可以完成30K, 更可以完成全馬呢!前幾日見到個GROUP有EVENT跑大棠加南生圍, 去大棠睇紅葉喎,而且個路線又夠30K ! 又唔錯呀, 一於去玩吓啦!

 

就係咁, 今日我展開咗30K之旅...唔係掛, 落雨.....好凍喎, 重幾大雨添...不過大家都好堅持跑落去!! 好在去到每一個景點都停咗雨, 可以影番幾張相留念! 去完大棠就去南生圍, 唔覺唔覺原來已經廿多K, 喺南生圍食個麵再回程...食飽上路特別有力, 回程都唔覺太攰呢! 跑到最後先發覺原來爭一K先可以夠30K呢, 幸好跑友陪我跑多一K完咗我30K之旅!

再嚟海鮮站...

呢個星期病咗成日玩自閉, 得星期五同星期六出嚟HEA咋....之但係瞓極都好似未回魂一樣....KEEP住瘟瘟燉燉, 食飽即閃....

 

次次年尾同卜友食飯都唔齊人, 今次都唔例外呢, 希望下次齊人啲就更好玩喇!

BBQ with running buddies....

一提起"跑友"呢兩個字, 好多人都會諗起跑步...其實呢...好多時我都係齋食唔跑架...好似星期五咁, 大伙兒齊齊去咗屯門BBQ, 其實都有跑步環節架....不過放工去到實在太趕唯有齋燒唔跑啦!

 

其實呢....我哋位位都係夾咗$160咁大把(一共16人咁上下), 之但係唔知點解可以買到成村人都夠食嘅份量呢, 最慘嘅係....我病咗成個禮物....去到又乜Q都唔食得咁滯 (我真係燒咗好少嘢咋, 好彩有燴魚同蔬菜可以食), 最後我哋個個又食又拎重要送埋比啲婆婆先清哂啲食物咋!!

綠茶紅豆蛋糕...

呢個蛋糕好想試整咗好耐, 尋日終於的起心肝整喇, 如果實驗成功又可以整比朋友仔食, 之但係可惜唔夠綠茶味，尚有好多改善空間, 搵多個食譜試吓先!

聚舊...

呢位舊同學真係好耐冇見喇, 闊別十年佢已經有兩位小朋友喇, 第一次見呢兩位小朋友當然要去小小禮物仔比佢哋啦, 加埋前一晚上堂整嘅CAKEPOP做見面禮,見到佢哋好開心呀!

 

呢兩個小兄弟好可愛呢, 哥哥斯斯文文, 細佬活潑可愛! 佢哋打兵乓波重好叻添呀, 期待下次再同你哋玩呀!

 

大東山

 

星期四又清吓假先, 說好的大東山終於成行喇, 今次我哋喺東涌飛的去伯公拗包冇死喇! 終於搵到起點, 其實呢個山都幾甘架...對於我呢啲十年都唔行一次山嘅人嚟講真係見到都驚驚哋, 家因佢上山條路全石級咁滯,啲石級重要好高....真係驚PK! 而且...我哋冇人識路, 我其實勁驚迷路囉(好在佢一條路咋)! 不過中途有行山人話山頂好大霧勸我哋唔好上山, 我哋唯有轉戰爛頭營啦.....可惜呢日天氣真係麻麻(勝在唔熱囉,不過上到山好鬼凍又大霧乜都影唔到!)....去到我哋坐咗陣食咗少少嘢見到啲霧殺到嚟即刻雞咁腳走人...

終於碌到落山喇....落到山諗住搭巴士返東涌,點知巴士架架都客滿飛站,的士又架架都有客,我哋唯有試吓截順風車啦,點知又真係有位好心司機肯車我哋同埋另—pair行山人仕返東涌,非常感激呢位司機叔叔呢,唔係我哋都唔知要食西北風食到幾時！

由於同事話行完山腳仔腳加上又未夠鐘食飯大把時間HEA...最後齊齊去咗足君好齊齊按腳..HAHA...順便接埋肩頸, 超爽呀!

Run for Fun (24 round)

又JOIN團跑喇, 我呢啲懶人WEEKDAY唔JOIN團跑真係唔會跑架喇, 夜晚晚一條友跑青公又好似有啲危險, 跑第二度咩又唔多識路,JOIN團跑又可以試新路又可以一齊SHARE吓跑步心得都幾好吖! 本來今日係嚟RECOVERY RUN嘅,點知回程嘅時間啲院友又病發跑得超快! 結果我又係HEA咗喺中間唔快又唔慢嘅位...好在前前後後都有跑友唔怕盪失路啫!

三聖海鮮之夜

 星期一又約咗啲跑友去開飯, 今次去三聖村食海鮮,其實我都係第一次去三聖村呢, 由公司出發去三聖村足足粒半鐘呀, 又地鐵又巴士再要轉車...好在有跑友帶路, 8點鬆啲就去到喇!

 

一去到跑友們已經飯緊酒喇...嘩!支支都威士忌, 咁鬼激見到都驚驚地, 我飲咗一小杯勁加冰嘅威士忌都冇飲喇, 乜都未食就飲已經唔掂檔,重要係烈酒真係算罷啦...我都係安守本份食海鮮好喇! 啲海鮮係跑友喺旺角買入三聖煮架....又平又靚....飽到上心口呢!我哋重順道賀一賀十二月之星嘅生日...好高興喔!

 

Unicef Charity Run 2015

又係一年一度嘅Unicef Charity Run喇以往我都只係跟大家姐佢哋玩3K親子組, 不過呢期識咗成堆長跑瘋人院嘅院友....佢哋一個二個都玩半馬, 之但係跑半馬再跑3K又真係未必趕得切喎!難得公司有SPONSOR唔JOIN又有啲嘥, 最後退而求其次玩個10K啦, 其實上次玩10K已經係上年渣馬喇...跑咗兩次10K次次都要一粒鐘鬆啲先完成, 到今年渣馬玩咗半馬次後又唔想再玩10K喎! 咦咁咪冇仇報囉, 我真係好想試吓1粒鐘內完成10K喔! 其實呢期跟跑友跑得多咗, 加上次前上過跑步班之後開始留意自己嘅pacing...跑咗幾年都好似冇乜進步過, 但係我又怕扯蝦唔敢去咁盡, 真係好矛盾呢!

 

之但係次次同跑友跑完佢哋好多時都話我可以跑快啲, 我又真係半信半疑呢, 之後我又嘗試加速...又好似得得哋喎...終於....喺練習嘅時候可以穩定地喺一小時內完成10K.....

 

可以我太小參加比賽(都係嗰句啦, 我喜歡跑, 但唔太喜歡比賽!), 通過一年都係參加一兩個, 所以每次都全力以赴....今日就係咁喇....呢個10K....一心用爆肺MODE盡力跑....盡量KEEP5分左右嘅PACING....YEAH....成功了!終於可以喺一小時內完成10K賽事, 而且成績比想像中還要好! 52分14秒(有多冇少啲時間!) , 感恩, 亦好感謝跑友們嘅鼓勵同提點!

 

黑糖合桃蛋糕....

 

又嚟呃神騙鬼喇....今次整個黑糖合桃蛋糕呃吓LIKE先....雖然呢個係牛油蛋糕不過加黑糖感覺冇咁漏...嗯!呢期整啲嘢好似重複又重複咁, 要搵多啲新食譜攪攪新意思先! 唔係嘅話就算啲白老鼠唔悶我都整到悶喇!

同事生日飯....

每次約同事食生日飯都好艱難攪攪吓由每月之星變咗每季之星....難得食一次就食得豪啲, 今次去打邊爐, 啲食物確係唔錯, 不過又真係幾貴囉....攪到大家唔係好飽, 最後要去搵聰嫂食埋甜品先夠喉!!

GODIVA x The Ritz Carlton

年己又係清假嘅時候....一連4日放假真係超爽, 假期最後一日就去咗山頂散步之後就再去Ritz Carlton high team, 呢個tea 係GODIVA x The Ritz Carlton....啲蛋糕真係堅好味, 不過真係太漏食唔哂最後打包咗兩件同ME姐分享...最正嘅係..HIGH完個TEA夜晚又約咗啲朋友仔開飯...一日到黑食食食....飬猪一樣囉!

 

究竟係annual dinner 定係婚宴?!

 

星期日係同事BABE嘅大喜日子, 作為同事當然要到場賀賀佢啦...嘩!乜原來有咁多同事去? 真係好似annual dinner一樣咁熱鬧, 食吓嘢吹吓水又一晚...當gathering咁都幾好玩吖! Btw, 恭喜哂呀babe!

Hea遊大澳...

話咁快又年尾又係時候清飯喇, 由於之前留咗啲假要搬屋但最後都係放幾4日左右, 又因為搬屋想慳啲洗所以又去少咗旅行! 所以重有幾日假淨呢, 趁年底前清埋佢先!

 

咁啱啲同事都要清假一於齊齊放齊齊去玩, 第一站就係大澳喇....HAHA...其實...都係誤打誤撞無啦啦咁嚟咗呢度! 其實都有兩年冇嚟喇, 呢度都冇乜嘢變吖! 周圍行吓, 食吓嘢都幾爽吖!

 

梅子林Take 2

又嚟? 又跑? 又梅子林? 事緣係咁嘅亞祖係有老人痴呆架, 其實約呢班跑友嘅時候真係唔記得咗之前已經約咗人跑梅子林! 唔打緊啦, 反正上次跑夜晚睇唔清楚風景今日再去睇真啲! 其實有部份跑友今朝先比賽完10K 之後又陪我哋顛繼續跑多10K真係冇得頂! 而我就同其他唔需要比賽嘅跑友去比賽場地同跑友打氣兼影相!

 

真邪, 乜又落雨呀! 好在落一陣就停就係咁停吓跑吓就9K, 最攪笑係LAST一K有跑友提議去飲茶, 最後個個又真係一齊癲臭住去飲茶...超攪笑! 最後飲飽食醉先至番運動場拎番行裝走人(臭衫都吹乾哂, 連涼都懶得沖, 搭車番屋企再慢慢沖喇!)

我的鬼馬跑友們...

加咗個跑步谷幾個月最大收鑊當然係識咗好多志同道合跑友啦, 幸運地絕大部份嘅跑友都好NICE, 有啲跑友好跑得, 有啲就好有才華, 有啲就好鬼馬, 呢幾位就係跑得又鬼馬嘅跑友喇!

 

佢哋鬼鬼馬馬拉咗個神秘嘉賓一齊跑, 雖然最後神秘嘉賓冇同我哋一齊跑, 但總算集咗郵做個紀念吖!

 



11月之星生日飯...

今年好似凡得特別快, 話咁快又到11月, 無啦啦諗起今年未送小禮物比我啲好友喎, 就趁11月之星生日飯整個蛋糕仔賀賀佢一齊食吓餅啦! 就呢個啦, 整色整水加少少金箔都算呃得吓人吖....

 

朋友仔揀咗呢間食小炒同煲仔飯, 味道都唔錯呀, 不過煲仔飯都係傳統嘅款式比較好味呢! 其他餸菜都不過不失, 價錢實惠, 唔錯呀!

 

梅子林Take 1

前排約咗位跑友私奔, 由於大家都係懶忙嘅關係呢次私奔已經係個幾月前約定....終於都可以到咗私奔嘅大日子....點知落雨, 不過又好在好細雨啫, 一啲影響都冇, 唔吹水都唔知原來呢位跑友都幾攪笑! 難得可以一邊吹水一邊跑又唔太攰(好明顯呢位跑友係高手,就住我披醒跑真係辛苦哂HAHA)...

 

跑友知我大鄉里冇去過梅子林同埋科學園所以就帶我到此一遊, 唔覺唔覺就跑咗17K, 印象中放工去跑第一次跑咁多咋...之但係可能一邊吹水一邊跑又真係唔覺攰喎!好玩! 希望下次可以再同呢位跑友再跑過!

青公之友齊齊跑

今日青公好熱鬧, 幾位跑友千里迢迢嚟青公團跑, 作為街坊點都要JOIN啦! 之但係又話今日立冬嘅, 乜解救熱到亞媽都唔認得架?! 冬天都成27, 28度真係人都顛, 最慘係跑唔夠15分鐘已經成身汗, 天呀!我啲濕疹未好番架, 跑12K又嚟料, 條頸啲粒粒即刻紅哂, 雖然得幾粒不過都好唔C服! 希望快啲涼少少就真係幾時跑都好C服喇!

 

話時話有幾位跑友一排冇見,希望下次再同大家一齊跑過!

蠔門夜宴@Hide & Seek

繼上次同呢班跑友食完海鮮塔之後佢哋嗰日已經再約定一齊食生蠔, 跑友搵咗個靚場, 又訂埋生蠔, 連白酒都準備埋真係冇得頂呀! 呢啲真係物以累聚, 為食嘅人總會遇到一班為食嘅朋友!

 

成班友仔除咗食得仲好飲得, 我飲到咁上下要以茶代酒呢, 亞媽教落任何情況之下都唔好比自己飲醉嘛, 女仔人家醉咗失儀嚇親人就唔好啦!

 

 

Run for Fun@寶雲道

星期二又JOIN咗團跑, 其實呢幾個月都跑過寶雲道好幾次, 不過次次都唔係EXACTLY嘅路線! 團跑就係咁好玩, 其實每次啲路線都唔同,可以同成班跑友周圍跑確係好玩, 每次總有新鮮感!

 

不過天氣開始涼, 夜跑係C服, 不過又真係好易攝親, 呢晚就係喺跑完拉筋嗰陣攝一攝即刻發冷, 好在可以即刻沖番個熱水涼, 沖完連飯都唔食就閃喇!

一個人的浪漫之旅...慢走26K

好耐冇跑長課喇(對我嚟講20K以上已經係長課喇), 之前因為濕疹唔敢跑咁多...到家家陣濕疹問題仍然存在, 比起之前稍稍緩和...加上天氣冇咁熱, 應該冇咁多汗就試吓照跑啦...

 

之但係整個十月, 每次想跑長課嘅時間總有跑友挑機話一齊跑(不過次次都唔過20K), 結果成個月都跑唔成長課, 好在喺10月嘅最後一日終於有時間可以跑吓長課喇!

 

其實跑友挑機攪到次次都跑唔成長課都係借口嚟, 坦白講其實我怕跑得太多傷腳呢! 我喜歡跑步, 但係對於比賽我只屬平常心志在參與, 甚麼披醒甚麼名次我不太在乎, 當然我都希望有進步不過唔會強求!

 

講到底我喜歡跑步就係因為可以隨時隨地無拘無束咁周圍走, 若果對腳受傷就好難再無拘無束咁跑喇, 而且受傷分分鐘要休息好幾個月呢....就算要應付全馬都好, 都希望盡量避免受傷! 

 

點都好啦...全馬點都要認真練習一吓, 長課唔敢太密, 暫時大慨兩星期一次應該可以應付到! 星期六終於可以跑到26K喇, 其實見到自己可以越跑越耐已經好開心喇, 若果首馬可以喺限時內完成已經非常感恩! 

蘋果批

好多朋友仔見我呢期成日POST啲跑步相問我係咪冇玩黏土喇....當然唔係啦....黏土有學架...不過又真係追唔切啲功課啫...好在呢期啲功課唔難, 希望下一個COURSE開始之前可以完成今個COURSE嘅功課啦!

 

其實除咗黏土重有玩其他嘢呢, 整嘢食當然係其中一樣啦! 呢個蘋果批真係超易整, 個撻皮好好味, 要番屋企試吓整先得!

梨撻...

之前去ABC Cooking Studio學咗整梨撻, 同事話想試, 當然冇問題啦....其實若然大家唔怕死又唔怕等我一等嘅話我又唔怕試吓整呀!不過, 呢個撻都唔算太難, 係有啲煩啫,太少整撻皮未係好掌握到佢個質感係點先好, 整整吓覺得佢好似乾咗少少所以加咗少少水, 希望整出嚟OK啦,至於味道就有信心應該OK嘅!希望同事們喜歡啦!

 

Just Go...

無心插柳嘅一次跑聚, 本來想喺青公玩一個人的浪漫21K, 之但係無啦啦有跑友嚟一齊跑當然更開心啦, 跑友重破紀錄地跑咗16K, 哈哈原來我係魔鬼教練呢!迫跑友跑多咗...HAHA

大閘蟹round 1

 

遲來的大閘蟹, 終於可以同屋企人食番餐喇....都係同朋友嘅親戚訂, 有折扣又靚仔! 都係嗰句啦...無論係大閘蟹定打邊爐, 都係屋企食最爽!

 

重陽團跑

重陽節登高是常識吧, 約跑友一齊半行半跑上山頂真係幾爽, 太陽伯伯終於變得溫柔, 加上沿路有樹蔭, 一啲都唔覺得曬!

 

而且大家上到山頂即刻變哂遊客咁款, 又影相又買嘢食....輕輕鬆鬆休息一陣再落山....難得跑山頂感覺都可以咁輕鬆....

 

 其實呢日我都整咗啲咖啡小蛋糕比跑友一齊食呢, 好在佢哋都喜歡啫!

西九黃昏跑

 

講咗一排終於可以同跑友一齊去西九跑一轉重可以去睇日落, 其實我本身好鍾意睇日落再加埋跑步真係冇得輸呢! 去到西九擺明變遊客係咁喪影, 又跑又跳又擺POSE超攪笑! 查實JOIN咗幾個跑步GROUP, 每GROUP都各有特式, 啲跑友都一樣好玩! 感恩識到咁多啱玩嘅跑友仔, 希望真係可以同大家長跑長友!

 





後記, 唔知點解得隻GARMIN個GPS唔多準, 攪到原本15點幾K變咗14K,重要條跑跑吓條路指咗落海...吹啤!

伯爵茶小蛋糕...

 

其實呢款蛋糕都整過好多次喇...不過呢次純粹因為跑友們整嘅, 平時痴飲又痴的士真係唔好意思呢, 唯有整番少少蛋糕仔回饋番大家啦....希望跑友們喜歡啦!!

 

番本日式放題

HAPPY FRIDAY....睇戲+ 晚飯...."我的少女時代"...不錯哦! 之後又去勁食喇...又係吹水嘅時候, 邊吹水邊食嘢確係正.....

海鮮塔@焱鍋堂

前幾日約咗跑友齊齊去食海鮮塔, 其實星期一要番學架....不過我又為食最近怱怱上咗半堂聽完書就閃喇....好彩去到都趕得切, 可能一齊食喇....超正!

 

除咗海鮮塔之外是晚另一重點就係11條友飲咗7支酒! 嘩....我真係之所未有咁wing, 好在重識番屋企! 呢次真係名符其實得飲飽食醉!

 

 

 

青公之友...

自從兩個星期前醫生話我有濕疹之後叫我停跑兩個星期, 我真係唔多夠膽跑街, 頂多去搵城城跑吓跑步機重係最多10k, 好喇過咗兩個禮拜....都未好番囉....不過確係有好轉, 趁呢期涼涼地...就試吓出去跑吓先啦....又咁啱星期六朝早有跑友問我有冇興趣join團跑, 我緊係join啦....超正! 不過星期六晚落雨而且堅大風...其實好凍吓....不過就係因為咁凍所以又跑快咗少少囉...haha....跑完我就衝番屋企沖番咗熱水涼, 之後再join跑友一齊開飯!乜解救嘢嘢重點都放咗喺"食"嗰度嘅?! 嘿嘿....



 



Happy Meal....

 

呢期番工確係堅唔開心....好在重有啲朋友仔可以一齊食飯吹水開心吓.....好耐冇食過好味嘅水煮魚喇, 呢度嘅水煮水確係唔錯,食完個咀都麻痺埋, 其他嘢一樣好味! 重有最愛之一醉雞, 好滿足!

 

 星期五又同啲傻瓜同樹開飯,八吓食吓又十點, 不過又未傾夠繼續去Pacific Coffee齋坐吹水....到十二點落閘放狗先捨得走....

 

 

 

隔又日又嚟....天氣涼涼地火鍋真係特別正!呢期勁食....就嚟肥死喇!



好友相聚

朋友就係可以喺你最唔開心嘅時候出嚟食飯吹水散心....對於工作, 死心喇.....好在重有好朋友二話不說就出嚟食飯睇戲!!好感動好開心....去邊?食乜?一啲都唔重要喇! 多謝你哋!

運吉的....

 

濕疹未好...未有得跑街....咁十月一號呢?又見到你? 係...我係有去....係去送跑友一程...噢!應該話係去同步友打打氣....佢哋有佢哋嘅青公路, 我有我去搵城城! 夜晚再join佢哋齊齊食飯! 其實成餐飯最開心係可以同跑友傾吓跑步經, 有資深跑友教路真係袋唔錢$落袋, 希望快啲好番可以試吓用跑友教嘅方法跑吓! 跑步機始終唔係太好跑, 速度又被限制, 都係跑街開心好多!

另外, 又到咗一年一度嘅渣馬報名喇....次次報都鬼死咁緊張....又報錯時間喇....呢啲事情都唔只發生過一次....報嗰陣手都震埋, 死唔少細胞喔! 不過報到都已經好開心....最開心係我今次都好勁呀....可以幫同事報埋十k....yeah...我啲跑友同朋友仔個個都報到....可以一齊gogogo喇!

我和城城有個約會...

雖然大夫話濕疹唔好做運動, 不過....若果流汗又唔會太大動作呢...應該可以吧!做運動又要唔好流汗可以去室內做做GYM吧! 順便收吓bye bye肉都唔錯呀....坦白講...我都有偷偷慢跑呢....慢到粒幾鐘先跑到10K...真係超慢!

 

其實近排有幾位女性朋友不約而同whatsapp或者PM我話我知佢哋都想開始跑吓步做做運動呢, 聽到佢哋咁講真係好開心呢, 話哂跑步都係健康運動, 可以影響到身邊嘅朋友對跑步有興趣確實覺得高興(就算唔係因為我而對跑步有興趣我都一樣覺得好高興!) 期待同你哋一齊跑呢!

 

BTW, 有樣嘢都好想澄清一吓, 不過有點尷尬呢! 近日有唔同嘅朋友仔都問我"嘩!咁多男跑友有冇識番個男仔呀.... 嘩, 乜同啲跑友影相HI得咁貼嘅....呀XXX成日搭爹喎, 係咪咩啫".....唉!其實我想講, 我真心只想跑步呢, 當然我都知道有啲男跑友應該係隅跑步於溝女, 之但係對於我嚟講大家都係跑友層面囉, 我笨唔係要拒人於千里之外, 將來嘅嘢真係冇人知, 不過呢刻真的"我沒有我沒有沒有...."...大家不用想太多, 不嬲我都係隨遇而安, 一啲都唔進取!大家放過我吧!

 

P.S. 澄清嘅嘢一次夠了, 同鬼一樣, 你信有就有, 冇就冇, 係信就信, 唔信就算, 我從來唔會喺卜度講大話! 完!



 

法式甜梨撻＆甜梨果醬＠ABC Cooking Studio

星期六約咗跑友去整＂梨撻＂,難得ABC Cooking Studio 有promte $280一堂咋....乜話$280好貴? 唔貴喇...其實就算去學啲團購course都3舊水喇....最平嘅工聯會都要參唔多兩舊水喇! 咁究竟ABC Cooking Studio有乜咁吸引, 其實呢間嘢係由日本引進嚟架, 佢聲稱所有用料來自日本, 而且小班教學(4人一組成本確係貴好多),  最緊要嘅係...跟佢整嘅製成品真係堅靚呢! (當然都好味啦!) ....

 

其實講嚟講去咪又係好奇心, 想去試咗好耐, 無奈正價太貴($4XX)一堂起碼要JOIN6堂...真係要千千聲先上到堂架, 咁你話$280係咪好抵呢! 今次整嘅係梨撻, 都唔太難喎, 味道唔錯, 樣都幾靚仔, 可能番屋企再整過!

 

 

 

卜友仔生日飯...

卜友仔個個都好忙, 次次約都有難度, 難得約到我實到, 不過濕疹真係要戒口, 咁啱約咗卜友仔去海鮮站食晚飯又唔想掃大家興, 我諗住去到食菜便算, 點知最後反而要卜友仔就番我, 食焗飯....真係唔好意思呢!我要快快好番再同佢哋食餐好！