預祝生日快樂...

肥師奶就嚟生日喇....今日齊齊食LUNCH BUFFET賀賀佢牛一....超飽喔!

齊來煮飯仔...

星期六有幾位同樹嚟咗我屋企玩煮飯仔....由於呢日要留喺STANDBY SUPPORT...我祗好喺屋企等佢哋, 佢哋就去荃灣食TEA兼買餸, 呢檀嘢真係幾抵, 海鮮好新鮮, 咁多餸都係位位七十幾蚊咋!

 

嘩, 食得喇...樣樣都係咁好味, 有豉椒炒蜆, 清炒菜心, 清蒸鮑魚, 魚尾豆腐蕃茄節瓜湯, 蒜蓉蒸開邊蝦,蒜蓉蒸粉絲貝扇, 自家製燒肉, 心太軟(可惜失手變咗心太硬呢)同雲呢拿雪糕...真係超飽呢!

又煮飯仔

好邪..本來約咗個朋友仔一齊玩煮飯仔....齊齊報咗4個COURSE...點知最後....個個COURSE都唔可以正正經經咁一齊上...每次唔係我勁遲到就係佢勁遲到...再唔係就一係佢到唔倒一係我到唔倒....

呢次...佢到唔倒...我唯有吹雞搵人頂啦....好唔容易咁終於搵到人頂喇...又估唔到呢位朋友仔都有興趣玩煮飯仔....佢重可以拎埋啲"功課"番屋企比佢老公品嚐呢...HAHA!

啲材料確係好豐富...不過呢個師傅比較特別...好喜歡玩試味...嗯...不過衛生情況有待改善! 一於當時運髙乜都睇唔到....

 

我就緊係懶得拎番屋企啦...凍哂邊好食呢...一於當SET DINNER食埋先走...呢餐有龍蝦湯同煎牛柳....正呀!(雖則係實習班, 不過都唔駛整好多嘢....我淨係煎咗塊扒咋...HEHE)....

好時沙爹

前兩日啲同事話出嚟晚飯, 咁啱呢日我住嘅大廈因為要維修電力系統11點就要停水停電,真係驚驚哋食得太夜趕唔切番屋企呢! 幸好同樹們都相當體諒揀咗間快靚正嘅持到水準喎,上菜依然都係咁快,8點幾已經食飽, 9點已經番到屋企喇!!

10點幾已經攪掂哂可以準備瞓覺添喇....不過又真係N年冇試過咁早瞓(病都冇咁早瞓HAHA!) ...HEA到11點鬆少少先瞓(其實又點會11點咁SHARP真係熄燈吖)...見攰攰地又碌上床試吓瞓, 重以為會典幾粒鐘先瞓到....點知...又真係瞓到喎!勁!! 之後重有兩日係咁呀, 希望都係可以咁早就瞓到啦!HEHE!

咖啡小蛋糕

不嬲都唔係好飲到咖啡，　飲完喉嚨會唔Ｃ服所以絕小飲！雖然飲唔到咖啡，不過又好喜歡咖啡嘅味道，無論糖抑或係蛋糕，好多時都會揀咖啡味。呢期喜歡整蛋糕，今次終於輪到咖啡味，又話ＬＩＫＥ又咁遲先整？因為啲小魔怪唔係個個都ＬＩＫＥ嘛，以前整蛋糕整得冇咁密，每次整都想整啲適合大家口味嘅蛋糕。呢期個個星期都整咁滯就冇所謂啦，今次唔啱食下次再整另外一啲啱食嘅比你。

不過，最後結論係，原來對於小朋友或中朋友嚟講，唔係臭嘅都會食囉。HAHA!

My secret garden...

真係估唔到呢盆嘢竟然引起大家一點好奇，真係以為呢樣嘢唔算太特別。其實呢個團購賣咗一輪，買呢個團購嘅主要目的係想學吓栽種知識！係架，雖則幫老豆種咗啲蘭花十幾年，近期又幫同事打理緊幾盆紫羅蘭，之但係我對栽種其實真係一知半解。啲花可以撑到今時今日都係因為佢哋生命力夠強呢！哈哈！

太好喇，原來個ＣＯＵＲＳＥ真係會教一啲基本嘅栽種常識，原來花盆底冇＂窿＂嘅盆係可以放啲石春嘅花盆最底層，上面放一塊網再喺網嘅周圍填滿水苔（用嚟阻隔啲泥跌落石春層，阻礙排水），最後先加泥。ＨＡＨＡ。。我真係連呢啲基本常識都冇呢！

 除咗學咗栽種知識之外，呢盆盆栽都係收獲之一呢！

一部電話的啟示

前幾日....部電話無啦啦傻傻地....好似就死就死咁...死狀就係勁食電....猶記得對上一部電話都試過類似情況....同上次一樣....部電話熱到好似發高燒咁....真係好驚佢好似啲小朋友咁....發燒發到燒壞腦......由於部電話實在太熱祗好關機比佢抖抖....

其實壞電話呢家嘢....我相信大家都試過...家陣啲電話壽命真係一年起兩年止....壞機又真係唔需要大驚小怪!! 之但係我記得上次（大慨兩年多前）壞電話嘅感覺就好似世界末日一樣。由於屋企有固網電話......嗰刻真係覺得放咗工就好似與世隔絕一樣......用唔到whatsapp好似冇哂朋友斷六親咁樣......感覺非常不安，好冇安全感，重喺度諗係咪放咗工要即刻買部電話！可能你會覺得呢個諗法好似有點誇張，不過是真的，一來部電話已經過咗保養，若然拎去整要比錢的話我諗真係買過部冇咁嬲，而且嗰種不安嘅感覺的確係令我好想好想快啲買過部新電話呢！幸好上次有位好心同事幫我reset部機之後就冇事喇！

之但係前幾日再出現同樣情況......你估我今次又有乜嘢反應？即刻去買電話？發哂顛搵人求救？哈哈，統統都錯！......原來今次嘅感覺已經完全不同哂，當然今次都係要熄咗機先啦......長開真係恐怕佢爆炸！不過今次感覺真係相當平靜.....嗯......冇世界末日嘅感覺（我屋企依然係冇固網電話的，放咗工我都一樣繼續熜電話的。），亦唔覺得冇斷六親冇哂朋友冇發顛連搵人求救嘅動力都冇，冇不安亦唔會覺得冇安全感！反而有樂得清靜嘅感覺！

突然間頓悟，或者無論平安同不安嘅情緒都未必關乎你身處喺乜嘢環境，更加唔關乎有冇電話用，有時無論你身處喺幾惡劣嘅環境都好，祗要你心境平靜，仍然可以感到平安！感恩，因為現在嘅我真正感覺到平安！希望睇到呢篇卜嘅你都一樣心靈都係咁平安！

最後發現佢就係死機元兇，番到屋企換咗舊電池就攪定了！！

是日早餐 + 午餐

冇錯呢堆嘢祗係今日嘅早餐同午餐...HAHA...真係滯哂! 早餐据牛柳同德國咸豬手又真係幾堅架....做乜咁堅?! 其實今朝一早起身就去咗上西餐班....睇完亞SIR示範就可以試味...一人一碟....重要好大碟吓....未到LUNCH 就已經隊咗咁多嘢落肚喇...

上完堂又約咗二家姐佢哋去漁屋食LUNCH....記得前排同位朋友仔食晚飯本來想卜呢嘢架...不過佢實在太FULL好鬼難卜最後放棄咗....今次終於有機會試喇.....啲食物質素又OK喎...基本上叫乜有乜重比足份量, 確係唔錯!!LUNCH重可以食4粒鐘, 慢慢食唔駛咁趕...超飽!

蜂蜜蘋果muffin

星期六又嚟整吓餅, 今次攪攪新意思...試吓用擺啲蘋果落啲muffin....當然個食譜都係上網搵架啦.....不過我都係鐘意整蛋糕仔多啲....喜歡蛋糕'鬆軟'嘅感覺...下次整番蛋糕仔先...HEHE!

你總是心太軟...心太軟...

坦白講, 古古力甜品我真係好一般,因為加咗古古力嘅甜品通常都係超級漏, 加陣真係冇以前咁鐘意食甜嘢...真係食唔到咁多呢 (有時見好耐冇食先會去甜店叫一個半個食吓).....又話唔係好LIKE又做乜要整呢? 事緣係咁嘅....因為啲傻瓜同樹話過兩個禮拜想嚟寒舍玩煮飯仔...作為主人家嘅亞祖都要做番啲嘢嘅....同樹話想食心太軟...嗯...好似唔太難....不過...都係試吓整穩陣啲.....

整個細細哋試吓先.....質感爭少少.....重有進步空間....不過....真係太漏喇....整唔到咁多嚟試...到時再打天才波吧(HAHA....到時失敗咗都要質佢哋食哂先準走呀!!)

由於太有罪惡感嘅關係...今日下晝特登跑咗成粒鐘先可以的鼓起勇氣整佢呢 (出街食唔知佢點整冇得講...自己整知道佢係乜嘢材料真係好唔同....諗起點整都真係淆哂底呢), 我諗一舊心太軟嘅卡路里比起一個6吋清蛋糕更勁, 一個6吋清蛋糕夠我分幾份比埋我啲家姐一家大細食....所以每次整清蛋糕都非常"安樂"架....起碼一人食少少分薄啲嘛....HAHA!

富泰燒烤樂園

好耐冇同屋企人BB蕉喇....難得齊哂人呀.....家陣燒烤有燒烤場真係好方便 (之但係我都係鐘情啲山卡啦嘅郊區燒, 就算燒烤包都好似硬係有風味啲!!)...當然啦...一家大細又冇車....唯一選擇都係燒烤場...呢度啲食物都算OK架喇,款式算多...重有蕃薯...連粥都炒麵都有....味精都唔錯添啦.....若然連糖水都可以提供埋就真係PERFECT喇...HAHA!

生日飯@北園酒家

呢餐都應該係今年"啦屎"一餐生日飯啦....呢餐同咗班傻瓜同樹食...我哋一行12人卜喺北園酒家卜咗間房...又可以打麻雀又可以唱K....淨係睇佢哋打麻雀已經好夠娛樂性...佢哋個個都好勁架....齋睇都好"展張"喇.....堅呀! 打到8點左右就開飯喇....樣樣食啲都已經超飽....飽到連壽包都食唔落.....食飽再HEA多陣就已經參唔多12點.....又要閃喇!!

白兔仔又唔錯喎....唔太甜....個奶皇煎堆仔都好味....唔太漏...加埋碗紅豆沙真係超飽....可惜酒樓攪錯咗啦...本來一人一個椰皇燉蛋白變咗淨係整咗一"個"椰皇, 其他變哂紅豆沙....不過紅豆沙都好好味....好滿足!!

燕麥曲奇

呢期每逄WEEKEND都時間嘅話都玩吓整餅,自己鐘意整之餘啲小魔怪們都好喜歡吃....雖然我每次都避免用泡打粉同梳打粉呢啲化學材料...不過甜品始終係甜品麻....都好難用"有益"嚟形容...為咗減低罪孽就搵啲稍為健康少少嘅食譜嘗試吓...睇吓大家喜唔喜歡....嗯!我估用"燕麥"做材料大家應該會接受到.....

實不相瞞....麥皮呢家嘢我不朽都唔食架....記得我幾歲人仔番托兒所嗰陣已經好憎食麥皮架喇....以前番托兒所有好多嘢食架....不過我至怕就係食麥皮....最慘係有時臨放學先隊碗麥皮嚟...重要係食唔哂唔準走嗰隻,嘩! 呢啲咪嘟做比死更難受囉.....我真係次次對住碗麥皮喺度誓願...食9年都食唔到一啖...次次都要留堂食麥皮....每次亞媽接放學見我遲遲都唔出嚟就知嗰餐一定係食麥皮....我嗰陣得4歲左右咋....家陣重咁記得! 真係百份百嘅童年陰影!!

雖然係憎...不過麥皮呢家嘢又真係有益嘅...而且我都係憎佢加咗水嘅texture(折墜啲啲形容..啲質地好似"痰"一樣...好Q肉酸)...平時我都成日食麥方包架...所以我今次就整啲燕麥曲奇....由於驚佢太"齋"....我喺啲曲奇度加咗啲紅莓/合桃令到佢冇咁悶.....

雖則佢哋個樣悶咗啲, 不過味道都OK,難得啲家姐同小魔怪都喜歡...太好喇...重驚屋企嗰大半包燕麥SELL唔出添...家陣可以整多轉一了百了...HAHA!

生日飯@韓雅林

難得今次生日飯諗到想食啲乜, 呢期我都興起"韓"風(不過只係對於食嗰方面..嘿嘿)....於是走去OPENRICE摷一摷有乜好介紹....呢間似乎好多人LIKE喎...而且地點都幾方便....朋友仔都讚成試吓呢間.....

8隻餓鬼係咁叫嘢食.......不過又真係唔係想像中咁好味呢.....年糕最失望....唔夠入味.....其他食物都係一般啫...而且服務態度麻麻!!連朋友仔都話呢度啲食物差咗呢!! 唔打緊啦......下次再食餐好嘅!