好耐冇見喇....係咪以為我放棄咗黏土呢....其實我啲功課整咗一排架喇(當然係真係斷斷續續咁整啦)...之前又懶得滯冇post出嚟...家陣一次過寫啦!
就係呢堆嘢喇....全部都未上色...所以睇落有啲怪怪哋!
又係考吓大家智慧嘅時間喇...唔知你哋估唔估到呢堆鼻屎係乜東東呢?
首先估吓幾款海味先啦...用嚟做嫁娶禮盒架....嗯...呢樣莫非係"小強"嘅"屎".......都真係幾似....不過......其實佢哋係海參嚟架....
呢個應該幾易估掛....無錯......係魷魚嚟....
呢個又係乜呢?肥嘟嘟咁..其實盤菜都要用佢架..所以整多少少..佢就係蠔豉喇!
呢個真係要靠啲想像力...haha...係合桃呀...
好....到盤菜喇....呢個恐怕都估到掛.....係...."蝦"嚟架...典解係白色嘅?都話未上色咯.....都唔聽書嘅......哼......
重有之前整過嘅....瑤柱....
當然重有盤菜唔少得嘅....雞同燒鵝啦.....不過係斬開咗架....
呢個青bb又係乜呢....冇錯...就係西蘭花喇.....
oh...春天來了....乜無啦啦有咁多花架? 其實佢哋係紅蘿蔔花嚟架....用嚟擺落個盤菜度做裝飾架......老師話有盤菜好多材料都係啡色好"寡"喎........
呢幾隻異形又係乜呢....之唔係唐老鴨隻鴨腳囉.....
其實影佢哋都好難架....啲嘢太細粒好難影closeup...成日對唔到焦...激屎人!
其實有部份功課都係趁尋日喺屋企standby support嗰陣整架....下晝重鼠咗落街睇咗陣波添....好在冇收到電話啫...hehe!
...正!
)...呢啲咪就係輿論壓力囉...問你屎未...haha...!!
