黏土花花の生日小禮物 (7&8月小喇星)

真係老人痴呆....唔執相都唔知...原來7月喇星份禮物未寫架!! 乘機補番先(haha...成個月前!! 由於7月喇星剛為人母...所以整咗呢盤花送比佢....


見到康乃馨就自不然諗起..."世上衹有媽媽巧"...haha....

至於8月喇星....一人一盤玫瑰花...." 玫瑰玫瑰最嬌美 .... 玫瑰玫瑰最艷麗 ", 襯哂你哋哦!!


兩盤玫瑰花顏色唔同架.....兩隻我都喜歡....粉紅色夠清......

紫色嘛....不杇都係我"飛佛"!!

希望大家都喜歡啲花花啦!!

8月喇星飯@火鍋本色

又係食喇星飯嘅日子....呢次去咗打邊爐.....銅鑼灣嘅火鍋本色...都不錯喔! 個醉蝦又少少酒味...唔錯....

其實唔只咁少架...掛住食唔記得影相咋.....食吓傾吓....開心呢!! 9月再食過!!

 

 

 

 

 

馬拉go之旅 (day 8 & 9)

星期六....又集齊人碼去玩喇....今日我哋卜咗架van仔去馬六甲一遊...由於路程遙遠晨早就要出發喇! (一程車要2粒半鐘..來回要成5-6粒鐘呢)....去到第一站就係食肉骨茶喇....重叫咗幾個餸...有豬手....麻油雞...醬油雞...

之後就係觀光時間...嘩....熱屎咗啦....我已經做足生理同心理準備....背心短褲涼鞋上陣....最終都係熱屎咗!!


行陣又食吓...呢個雞飯....幾特別(不過啲飯粒...真係唔多好味...怪怪的!!)

食完雞飯再去shopping mall....其實係想去嘆冷氣囉...haha...之後又係食....食晚飯喇....都係隻蟹最好食!!

玩到6點幾就打道回府喇....參唔多成9點半先番到酒店! 拿拿淋走去吉之島睇吓有冇靚榴槤賣(諗住買比肥c奶同家姐食嘛!!)...頂...一粒都冇剩! 超失望!! 真係有啲遺憾呢!!

第二日瞓醒就飛番香港喇!!

馬拉go之旅 (day 7)

無驚無險又上哂training喇....今日可以乖機抖抖....由於馬拉嘅治安聽聞麻麻.....一條友唔敢四周走 (其他人今日要繼續上堂呀..)...所以都係近近哋喺酒店隔離嘅商場shopping....其實佢有3個商場黐埋架...確係好大...可以慢慢shop等埋其他人放學一齊開飯!! 有冇收鑊?! 大家唔係懷疑我嘅掃蕩力掛...hehe!! shop完食lunch嘅時侯收到姐姐電話話佢哋早放....一於番酒店等埋佢哋再一齊出去!!

等齊人就齊齊飛的去咗the curve商場...由於我太攰..一條友走去骨骨先....其實人就shopping....之後就齊齊去開飯....今日都係食西餐...又係勁飽!!

 

 

 

 

 

馬拉go之旅 (day 6)

yeah...yeah yeah...終於捱完喇....上哂堂人都輕鬆啲...難得博到大霧.....一於小休幾日...玩多陣(好彩貪玩留多兩日咋...唔係八號風球冇飛機搭呢hea喇!! )....星期日先番香港lu....

呢次應該係last一次training喇掛.....都係食食食貢樣囉....上堂嘛....呢兩日啲堂真係相當"癈"...嘥哂人力物力....吹啤啤!


晚飯去食小炒....不錯喔!

馬拉go之旅 ~ day 5

馬拉嘅交通...真係唔多掂....勁塞車....前日由公司番酒店用咗足足一粒鐘(本來車程祗需十耐廿分鐘)...今日...破紀錄...1小時15分...7點先番到酒店! crazy!! #^*$@$%#$&!@..t...其實我哋就係因為呢度成日塞車...攪到朝朝要晨早起身仆去搭"校巴"....7點45分就要搭車....所以7點15分就要食早餐....即係6點半就要起身梳洗...真係人都顛呀...好彩我淨係捱4日啫....快啲過埋聽日就好喇.....

今晚我哋又去豪食喇....去咗食中菜....有龍蝦...不過最貴嘅反而係豉汁蒸鱔....重要等佢粒幾鐘先有得食...真係火都嚟呀!
 

馬拉go之旅 ~ day 4

又係食嘢...其實日日上堂都冇嘢好做....番工食lunch又有tea...放工番到酒店都6點幾....行一陣又開飯.....




呢餐又係勁飽....行多陣又去食雪糕.....學姐姐話齋....其實我哋出trip都係搵命博架...我哋次次都冒住增肥爆倉曬到似賓賓嘅危險架....

馬拉go之旅 ~ day 3

玩咗兩日....今日就正式開工喇....oh, 應該係正式"上堂"先真呀....晨早(真係好早吓....7:15)就喺酒店食完早餐就搭"校車"番學喇!



lunch就人人有飯..."盒"食....又係嘅....公司附近根本冇乜食肆....有飯盒食已經好好喇!! 而且...3點幾又有tea食....包唔會餓親!!

由於喺公司由朝早hea到放工...正所謂有錢冇"訂"claim....晚飯一於豪食啦...不過豪極都係位位九十蚊港紙有找....超抵呢!

馬拉go之旅 ~ day 2

喺同事嘅帶領之下....今朝過咗一個好充實嘅上午....晨早8:30去咗玩瑜伽...之後去踩單車...食少少早餐之後再去游水...重玩埋水中體操....堅呀! (踩單車同游水我都得...haha....好匪夷所思嗎?!)...其實呢...單車呢方面....有兩座位單車..一前一後..前面有人幫手踩就ok架喇....游水嘛...啲水唔過頭我都夠膽行落去浸架...haha!

呢個lunch都係去番尋晚間中菜館食...點心都ok....

終於有間似樣嘅酒店喇....



呢期馬拉玩齋戒月...夜晚7點半後啲回教徒先開飯...我哋要食就趁手喇...唔係有排等!!

馬拉go之旅 ~ day 1

又係寓工作於娛樂嘅時候喇....又要去training....不過今次唔去星洲去馬拉...都好吖轉吓地方冇咁悶! 由於今次都幾齊人所以我哋提早一日去玩吓先....難得去馬拉...一於卜個resort玩吓...呢個golden plam tree resort都幾新吓....環境都唔錯呀!


比啲近鏡大家睇....

日落日出都係呢個樣...好靚!!

 

由於去到都下晝3點幾...烈日當空都好難玩戶外活動...所以今日都係周圍參觀吓....聽朝再去玩!! hea完就去食晚飯喇...呢間中菜館不錯...而且價錢合理!

Hello Kitty OZ 世界

又係一年一度探kitty嘅時間喇...由於上年week day去感覺非常良好...唔駛買貴飛之餘又少啲人...所以今次搵星期五去!! 呢次重搵埋meme一齊去....3隻小魔怪都好期待!! 出發前緊係要醫肚先啦.... 


食飽又同麥兜玩咗陣先搭車出發....

由於今次兩大三細去....成本太貴...所以我哋淨係買咗3個遊戲入場劵share玩....佢好多遊戲都可以2個人一齊玩架....有啲遊戲我足足玩咗3次呀...不過...3次都輸囉...haha!.


玩完又去開飯喇....去咗銅鑼灣....食意粉屋...重可以去搵埋聰嫂食糖水....正呀!