Lunch庇護工場~絲帶花

話說公司攪咗幾堂絲帶花班教人整絲帶花整好嘅製成品將會拎去做慈善用途...見佢有得玩又可以出丁點綿力幫吓人...何樂而不為呢!! 一於同啲同事GOGOGO....嘩...原來有FREE LUNCH...啲食物都算係咁咯....初頭真係以為美心三文治....點知佢係咁豐富...不過又真係太豐富喇...食唔哂....希望最後冇嘥嘢啦!!


其實絲帶花真係比想像中難....啲絲帶滑潺潺好易走樣同散哂....攪咗成粒鐘先整到兩朵花咋.....

眾志成城...你睇...每人整啲都整咗好多架...不過距離3百朵花嘅目標又近一步喇....整兩朵確係唔多夠嘅....認頭多十朵先....希望趕得切交貨啦!!

清清哋...

話說之前諗住蒸啲洋蔥水止咳...點知最後比啲彊茶攪掂咗我啲百日咳....之但係貪平嘅亞祖之前用咗$7.X買咗3大個洋蔥...家陣祗係蒸咗一個...重有兩個洋蔥未整喎....點先!! 又唔想嘥嘢...拿拿淋煮個嚟食先....睇怕最簡單都係呢個煮法喇掛!! 我至愛嚟蕃茄...加啲蛋....攪掂!!

其實呢...淨係食上面嗰碟餸呢...唔係唔得嘅....不過夾嚟夾去都係一碟嘢悶咗啲囉....再簡單啲...梅菜蒸豆腐...HAHA...呢碟嘢我都係聞所未聞....咁啱上網見到亞蘇食譜有介紹又試吓先....可能兩樣食物我都喜歡啦...感覺都唔錯喎!! 咁易整...大有番啅嘅可能!

為食一週

呢期又約吓啲朋友仔出嚟開飯....次次都飽到上心口...好似呢餐和花亭咁因為上次食完有COUPON (食滿5舊水可以用兩張二百蚊嘅現金COUPON)...張COUPON又話咁快到期...臨急臨忙同咗兩位朋友仔一齊去食....喺荒死蝕抵嘅情況之下要食夠5舊水...HAHA...其實食夠5舊水都唔算太難...最後食大咗....一共食咗6舊水添...真係超飽!!



過咗幾日又約咗另一啲朋友仔開飯.....朋友仔提意去MANGO TREE....確係得喎...不過朋友仔話ELEMENT分店靚啲又多啲嘢食...下次一定要去ELEMENT再戰MANGO TREE!! 下面隻大蝦...真係推介呀...超好味...不過又確係唔平....一分錢一分貨呢!

到咗星期六...重要食足一日添....話說前排同排骨人同肥C奶一齊睇街坊廚神...見到小儀介紹天后嘅拉麵同蛋包飯好似好好味咁...我哋就吹哂水咁話搵日一齊去....殊不知啱啱好呢個星期六佢哋比父母遺棄咗...WAKAKAKA...我哋3個可以去威喇!!第一站當然係去食拉麵啦...博吓佢重有冇週六限定嗰個攞獎麵嘛....當然...係冇哂啦...不過原味豬骨湯同黑蒜油拉麵都好好味呀..再加多隻糖心蛋....PERFECT!! 我哋重揀咗濃湯...超夠味.......唔好以為佢啲麵好細碗唔夠食呀....佢啲濃湯都幾漏架....我哋飽到上心口呀!!


食飽要做吓運動....不過我哋係去做口部運動...就係唱K喇....3條友唱足3粒半鐘....唱到聲都沙埋!! 由於時間尚早....我哋再HEA吓先啦....咁耐都冇去過香港中央圖書館...就去見識吓先....嘩....確係好大呀!! 堅喎!

晚餐有新成員加入呀...就係MEME一家喇....多啲人又可以食多啲款式! 啲蛋包飯又真係幾好味...不過價錢真係略貴...一次半次都OK嘅!!

之後食埋甜品..又係飽到上心口....

黏土功課の水仙花

呢期嘅黏土花COURSE又完咗喇...我當然又係例牌做唔切功課架啦...不過呢期已經追得好貼架喇....希望下個COURSE開之前可以完成埋LAST一樣功課"桃花"先!! 

講番今次份功課先...一宜都好想學水仙花架...見過其他人啲作品好靚好想學呢....今次終於可以學喇...YEAH!!! 學過先知...原來"靚"真係要付出代價....咪睇佢個樣花雪雪簡簡單單...查實鬼死咁多STEP先完成到佢...整完又要等上色...上完色又要等整下一個STEP...

好唔容易先整好一小朿花咋....

重要整埋根先得.....

終於插得喇....重要等啲彷真水乾...

玩到連支膠水都乾哂塘....救命呀...

步行籌款@南生圍

今日又同大家姐一家去威喇....話說屋企樓附近嗰間小童群抽會有個步行籌款活動....地點係南生圍喎...家姐又未去過所以又吹雞叫埋我去喇....其實我都好多年冇去喇....舊地重遊都好喎!!

第一站係去元朗舊虛...重以為有好多嘢賣嗰啲舊虛添...原來係入村行一個圈...不過領導亞哥又真係對呢度嘅環境好熟悉...聽吓佢講嘅知識都幾有趣!!

下一站就係南生圍喇..今日真係好多人呀...亦有唔少人喺度踩單車...排咗好耐隊先搭到横水渡...去到HEA一HEA影咗幾張到此一遊嘅相就要走喇....之但係....其實我哋來回都係搭横水渡....究竟何謂"步行籌款"呢?! 連MEME都話..."哎呀!! 我哋冇步行籌款到喎"...HAHA...我真係唔識答囉!!

鼻窿雞蛋糕

前排搣匙喺FB吹雞問有冇人想玩整蛋糕....又好喎....十次有九次都係一條冷....一齊去玩都唔錯呢....就係咁約咗搣匙同SISTER LAM一齊去做亞茂...由於時間關係....個海綿蛋糕已經準備好...今次主要係整芒草MOSS同唧花....原來MOSS蛋糕都唔算太難喎....都係第一次整....又幾好玩喎! 砌好個圓形就開始喞花喇...真係手仔軟喇!


終於攪掂喇....辛苦哂!

由於兩個家姐都唔多得閒食蛋糕...最後拎咗隻雞番公司劏...嘩!一如所料...真係太多MOSS喇....好漏...若然自己再整...一定將MOSS同蛋糕嘅比例掉轉囉!!

漫遊伙炭

之前上網偶然見到呢個藝術展....喺我已經違忘咗佢嘅時候聽到同事話去喎...我當然係9秒9叫同事帶我去啦....呢度地方太大, 太多BUILDING真係唔識路呀....好彩佢有導賞團.....跟住行都唔錯呀!


食完就去咗附近食雞粥...好耐冇去呢頭食嘢喇....飽飽呀!

日泰郎放題

星期六打算出老尖拎相機...係...又壞咗...真係吹啤...半年壞兩次....重要係新買....駛唔駛咁差呀....拎完機就上約咗啲朋友仔食放題....好似好耐冇食過喇.....之前同家姐佢哋食開嗰間又執咗....嗯...不過呢間都係一般啦....勝在有位唔駛點等!! 

白老鼠

重未好番呀...救命呀....究竟要咳幾耐先會好番架.....唉! 咳到冇哂癮...食乜都冇胃口......超頭皮!!


既然食藥唔WORK唯有試吓坊間嘅偏方啦....有燉洋蔥....啲洋蔥汁都OK唔難飲!! (HAHA...我淨係會選擇啲唔難食嘅方法架咋!! )...嗯...呢個有少少OK..效果唔算顯著咁喎.......

再試第二樣...彊茶....我喜愛呀....呢個....效果好似好少少喎......

所以今晚執多劑先...HAHA....齋飲彊茶有啲寡...加啲蕃薯先!!...YEAH...好耐冇食蕃薯糖水喇!! HEHE

i Am A mAn

一直認為修理家具、整廁所、擔擔抬抬嘅工作都係男人莫属, 嗯....不過自從做咗獨居老人之後呢啲觀念慢慢改變喇.....當然...大鑊嘢真係唔識HANDLE嘅都係第一時間搵救兵啦....不過日常生活好多鎖碎事都要學習去處理, 上述嘅男人嘢平時都已經做唔少喇...(大家下次再見到我手掌上嘅"怎"無需太驚訝呢!!)

其實我已經係超級懶....唔係忍無可忍都唔理....好似屋企掛褸嘅個衣架咁爛咗七七四十九年都唔理....星期五終於到忍無可忍嘅地步...去咗銅鑼灣間IKEA睇吓有冇平平哋嘅掛褸衣架.....又係真有喎....之但係....見到又點呢....我搬得郁嗎?? (冇嘅佢都係6KG...大慨12磅囉...我嘛....重佢8倍咁上下啦.....呢舊嘢嘅高度都係到我心口咁上下啫.....點都拎得郁嘅唔死得!!)...之但係....拎得郁又點呢....識砌嗎?? 嗯....呢個....真係考起喇....未砌過喎....見佢個款都好似幾簡單.....應該得掛....就係咁猶豫咗一陣....死就死啦.....試吓都唔駛死嘅!! 

就係咁...由銅鑼灣抬咗呢舊嘢番屋企....一打開個盒...超迷網....好在佢真係算簡單...STEP BY STEP跟住砌又OK喎.....係爭啲力水接駁啲鐵柱啫!! 以為有排整....最後唔駛半粒鐘攪掂喇....而且佢重提供埋啲小工具....我事前準備定嘅工具都冇用過....

 
砌完真係好開心呢...而且...真係要講句"THANK GOD"...因為唔夠力水將啲鐵柱駁埋....條鐵柱又唔太粗好難用鎚仔揼....最後隨手拎咗本厚如字典嘅聖經卜落去...兩嘢攪掂咗!! (SORRY SORRY....不過我真心"THANK GOD架!!下次唔敢喇!!)

祈福黨

比多次機會你....希望執埋呢幾劑唔好再咳喇....真係人都顛!! 行又咳....坐又咳...企又咳....連瞓著都咳醒....無時無刻都係咳咳咳....煩爆!!話時話....呢期又發生乜事呢...典解周圍都有人病同病人架....有傷風感冒....又有奇難雜症...連入廠都有....真係令人擔心!! 希望大家都早日康復....家宅平安....

出關....

自閉完一輪....呢個星期又出動食吓飯.....唉....不過都係勁咳...做做吓FACIAL都勁咳...真係連FACIAL姐姐都比我嚇親.....去開飯咩....食少少辣嘢又超咳.....真吹啤!! 話時話...呢度真係9年去嚟過喇....次次都成村人排隊...好難等到佢呢!!


尋日就去咗同啲卜友仔開飯賀一賀二少奶牛一....今次唔敢亂食嘢喇....再勁咳恐怕真係會嚇壞啲朋友仔呀!!

日日KEEP住食....

中醫西醫庸醫乜都睇過....唔死得不過又唔見得有幾好.....明明成個聖誕同新年假都係休息....明明前日好番好多....點知前晚因為一嘢"失眠"又打回原形...由零開始!! 又要繼續啪丸.....呢轉感冒已經昂然踏入第三週喇....究竟幾時先好番架?! 沮喪!! 

我明明日日KEEP住食....典解我個藥箱重未變首飾箱架??

黏土功課の富貴子

呢期真係超乖...啲功課追得好貼吓....不過都重未追哂呀! 趁今日放假完成埋呢份功課先...你睇...呢啲似乜東東...提子?子就子喇...佢係富貴子呀...

呢盤嘢重大盤過兔仔花呀....札起花同葉都花咗粒幾鐘....插都插咗半粒鐘，真係粒粒皆辛苦！

呢盤花３６0都有啲嘢睇架....點擺都得!!

 

除夕、元旦

2012年嘅除夕同2013年嘅元旦....真係平淡過平淡...安靜過安靜....真係難得連都唔想出(呢期氣弓溫太低..一出街又勁咳兼流鼻水...真係想屎!!) ....除夕出外...都係同啲家姐同小魔怪開卟趴地....整咗啲法式焦糖笨蛋一齊食....倒數完就番歸!!

元旦嘛...繼續宅....又玩吓煮飯仔先.....

好想食梅菜蒸肉餅呀...又試試佢先...