尋日終於完成咗我個搬竇大project.....攪咗幾個禮拜終於攪掂喇...yeah.....查實之前確係幾煩架....又pack唔切啲嘢喎...又呢樣又嗰樣....最得人驚係無啦啦玩打風...打唔成風又驚佢落雨...好在尋日都尚算好天...不過就焗咗啲啦....攪到我哋一身都係濃濃嘅"女人味"同"男人味"!
話時話喇....典解...我搬屋又關佢樹嘅, 重開好開心咁..?! 不過佢又真係喺我哋搬嘢搬到悶悶哋嘅時候帶咗唔少歡樂比我哋嘅.....當然除咗佢之外重有其他人幫手啦......好在大家姐叫咗兩位大力士嚟幫手...唔係真係攪唔掂!
成堆嘢都執咗好耐架喇...不過...其實都未執哂...其他嘢等家姐幫手埋尾喇...呵呵!
啲嘢pack好就擺喺門口先啦....要排隊搭lift落樓呀.....
查實....好似唔係好多嘢啫.......
不過呢...唔知典解...我哋好似封咗成條冷巷咁嘅...."真係好少嘢咋嘛!!"
搬哂啲嘢出門口之後...我嘅舊居好似比人洗劫完咁呀.....
同比賊佬打爆格係冇分別架......
重要一地都係垃圾.......................
搭咗幾轉lift終於搬哂啲嘢落樓下....本來我哋諗住搵架貨車架...不過適逢尋日係星期日+父親節....冇哂車喇.....都冇辦法啦...唯有叫兩架"雞記"頂住啦!...係呀....各位爛賭嘅朋友佢們...你哋睇...我連麻雀枱都搬走埋...haha!
不過....當司機嚟到一睇就話"兩架車唔夠啦"....唯有叫多架啦....又係搬嘢嘅時間喇...
千辛萬苦....(我係指我家姐啲朋友仔們)...終於搬哂啲嘢喇.....唉....又要對住另一個癈虛....救命.........
.........................
真係年紀大機械壞呀....其實尋日我都唔係搬咗好多嘢啫...佢哋個個見我揸雞都冇力...都冇叫我幫手拎重嘢...頂多都係搬吓啲紅白藍同一箱箱嘢....我主要都係負責睇嘢同揸lift啫....典解今日會咁攰架....重好似比人打咗幾鑊咁...周身骨痛...真奇怪!...不過....唔知係咪未適應新環境呢...尋晚明明攰到屎咗都瞓唔著....夜晚晚2點都未瞓著....無無聊聊咁起身玩tune電視啦....終於....知道點auto 搵番啲台喇....不過....攪吓攪吓先醒起個有線解碼器好似失咗踪呀....真係幣傢伙!!!
繼上完一輪西餐班之後....我哋幾條茂利再接再厲.....不過今次唔玩西餐喇....學人"搓my breads...." 係breads呀...唔好讀錯!
呢堂係第一堂呀....今次係整兩款包包呀...法包同全麥方包.......
師傅首先就示範吓點整法包啦...一嚟就要搓吓粉先.....
師傅係咁搓呀搓....撻呀撻.....
要整到起舊粉有彈性....好似呢個咁....可以攤到舊粉好薄先得架.....
示範完就輪到我哋自己整喇...都係4-5人一組...分組整啦.....
就係咁搓吓搓吓......撻吓舊粉.....
得喇...yeah........
之後就mark番個number....我哋係第二組呀....將舊粉擺埋一邊發吓酵先啦....
之後就要搓埋舊麥包.......
都係好似頭先咁又搓又撻....不過.....硬係攪極都唔多似樣.....
師傅話加咗啲麥粉會好難搓...所以最後都係拎舊粉團去部機到攪吓先....
終於得咗喇.......
師傅就用佢之前搓好嗰啲粉團....示範吓點整包嘅造型....
師傅今次整全麥方包呀......
再教吓我哋點整法包......
師傅教完就到我哋自己整喇...首先要將舊粉團切到開一舊舊....
再啲小粉團搓成法包咁......
之後師傅再要嚟個包中間界幾刀....再唧啲猪油喺條痕度...再拎去焗...
之後再整埋啲麥包先...都係將舊粉切成開幾份先.....
再搓到佢好似波波咁....波兒波兒波兒....
今次整吓其他花款先....師傅真係好有心機逐group教....組組都唔同花款架....呢堆就係我哋嗰組整架喇......
你睇...我哋啲包....已經發到好似猪頭咁...不過呢.....呢個樣呢同色水呢....其實呢...好似呢.....嗰啲呢......消化不良.....嗰啲....嗯.....諗到有啲唔開胃添
....
好...師傅示範嗰啲法包焗好喇....佢重好好心機咗切開....再搵啲牛油揸喺啲麵包度.....睇到已經好想食喇...............
再拎去焗多一嘢....
熱辣辣超好味呀!
我哋嗰啲法包都焗好喇....
呢個就係師傅整嘅方包喇......真係可以當枕頭呀.....
新鮮出爐真係超熱呀....要攤一排先切得呀...我哋就等派米...係派包先啱!
我哋整嗰啲包包得咗喇....正!
成堆包拎走....真係可以拎去玩搶包山呀.....
後記:其實搓麵包都幾好玩....不過由6:30玩到10點真係好激吓....食飽飯番到屋企又12點幾確係好攰吓! 係呀...唔知典解呢堂有兩個師傅教...不過...兩個師傅嘅性格真係好唔同....一個超好...一個超爛...十問九唔應....一應就串串貢...唔知想典....希望下堂佢唔好咁嘈啦...so bad!!
