四對converse@法、瑞 - 後記

成日話寫"後記"其實都唔知寫乜好....嗯....都係貫徹番呢個卜嘅宗旨....繼續寫啲"無聊"同"低能"嘢啦.....哈哈...........

唔知大家有冇留意...我哋餐餐食飯唔多唔少梗有啲可樂....ice tea同啤酒呢.......查實.......亞袓除咗飲可樂同ice tea之外.......都有飲吓啤酒架.....不過....真係一啖起兩啖止果隻.......其實飲飲吓又覺得ok喎.....有啲重幾好飲添.....喜力...都係第一次飲咋! 唔知係咪嗰邊好熱呢....飲啲冰凍嘅啤酒真係好爽架 ......(由其係沖完涼飲冰水真係好正架...).......不過......就係咁呢期比啲朋友仔笑我變咗酒鬼....嚟....飲!....勝嘅!

其實我哋好多時都係食完晚飯就番酒店架喇.....所以通常都好早就番到酒店...咁..我喺酒店又有乜攪呢....係....都係食同食...食吓零食...飲吓忘情水....除咗睇吓電視...我重有另一個娛樂...就係..."吹"...吹乜....就係...吹呀吹讓這風吹....用風筒吹吓衫同襪...唔知大家又有冇留意...我哋整個trip啲天氣都幾好吓...吓吓廿幾三十度...我哋幾條茂利重以為嗰邊涼涼哋...帶咗好多長袖衫...真係一件都著唔到....所以亞袓唯有狂洗僅存嘅3件短袖衫.....不停番著番著再番著....晚晚喺度玩洗衫...真係由內而外嘅衫都要洗...又驚啲衫唔乾"噏"住...所以晚晚就用風筒吹乾啲衫....真係吹漲!

咁...呢隻匙羮又係乜東東呢....其實....佢係証物嚟架.....係亞袓"撻嘢"嘅証據呀....話說有個朋友仔成日買yogurt番酒店食....不過餐餐都冇匙羮用...有一日食lunch嘅時候佢見到用梗嘅匙羮就忽發奇想....想撻咗隻匙羮....由於亞袓坐嗰個位方便撻嘢...所以...我就....我都係被迫架....唔好拉我呀......

歐洲地方...啲人真係嘆啲嘅...一到星期日就個個都唔駛做咁...真係幾乎所有舖頭都關門架.....真係想買支水飲吓都搵唔到架....加上我哋次次都去埋啲小鎮...真係便利店都冇間...不過好在有佢咋.....COOP(不過佢只係喺瑞士先有咋)....佢真係冇得頂架....除咗無處不在之外...連星期日都開(有啲地方重開到半夜12點......咁先難得呀....)...而且...價廉物美! 大家若然去瑞士玩嘅話...確係要搵吓佢呀!

我哋次次買嘢飲都係搵佢架.....大大支水都係港幣十蚊都唔駛...抵啦!

真係抵佢發架....成棟buliding重有銀行添...真係我偶像呀!

乜又有匙羮呀...係呀....呢啲匙羮重係唔駛錢有得派架.....其實喺瑞士有間表行有得免費派架....拎張coupon去就得架喇....張coupon喺間表行都有得拎架....而且唔同地方嘅匙羮都唔同架.....有埋地方名同嗰個地方嘅地標架...不過可惜我哋好遲先發現有呢樣嘢...淨係拎咗兩隻咋(早知我就唔駛走去撻匙羮啦)!

查實....亞袓確係好痴呆吓....其實五年前去過一日瑞士架....嗰次個領隊都有教我哋拎匙羮...不過我完全唔記得咋...認真抵打! 呢隻就係上次我拎番嚟嗰隻"流森"匙羮喇...有花橋個樣架.....個包裝好似以前靚啲添....家陣得個膠套包住隻匙羮咋!....就係"Bucherer"喇....認住佢呀...去瑞士嘅話記得去拎呢個免費嘅紀念品呀!