"由頭到尾都係我錯".....

今日下晝....做咗個半年一度嘅聲討大會....照肺環節確係在所難免...我只可以講...應該係掩住良心咁講﹕「由頭到尾都係我嘅錯，我明白佢有佢嘅壓力，如果鬧完我，可以減輕痛苦，我願意承擔更多。」....唉....希哥....睇怕撐你呢句說話嘅人唔多....不過...我係其中嘅一個!

cake 1 cake

前排報咗名上公司攪嘅整餅班, 當然都係包出面嘅場比我哋成班茂利玩啦...今次我哋去咗位於旺角嘅cake 1 cake玩整餅....

今次我哋係整黑森林蛋糕......

由於整餅期間唔準影相....我淨係可以影呢個製成品咋!得唔得先?! 不過....其實呢...由於時間嘅關係....個海綿蛋糕係老師一早整定架.....我哋only負責片開個蛋糕、"抆"cream同埋整啲裝飾咋....玩得到喉唔到肺! 若然可以一站式自己焗埋個蛋糕一定好玩好多!......

pack得靚靚咁就送貨喇...送去邊?咪就係做外賣仔拎個蛋糕比肥師奶囉....我應承咗請佢食架嘛.............

後記:呢個係小魔怪們嘅feedback! haha.......

花生穌

頭先傾完個電話...心情真係沉咗幾沉...唉....希望個朋友仔吉人天相啦.....攪到個人down down地添....要搵啲嘢開心吓先.....嗯...其實都係見睇吓相...見到佢..佢...佢...哋三隻嘢.......心情自然會好番少少......

彤彤....好識搶鏡啫....

兩個靚女....睇吓邊個肥咗又靚咗先!

彤彤: 「梗係我靚啲啦....我有好多靚衫架....整個"花生穌"過你睇啦!」

唉...又有人送花比我喇....都唔知掉去邊好...真煩!

09年街坊裝一套....我係咪著得好fat呢......oh....唔識字添....係"fit"先啱!

呢個look係咪好有小劃家feel呢....好藝術架我!

偉記燒烤樂園

今日約咗幾個朋友仔去bbq........我哋今次揀咗呢間嘢?本來想揀啲環境幽美嘅地方架...不過...今次真係人丁單薄咗啲....搵個就腳少少嘅地方算罷啦! 不過...就脚得嚟都要喺元朗飛的...搭十零廿蚊的士就到......拎埋張的士收據比偉記重可以claim到10蚊(只包去嗰程, 走就要食自己喇)......都ok啦!.....

食物方面....都係嗰啲啦......佢重有蕃薯同粟米架.....啲蕃薯又幾甜喎!

呢張相....幾有燒炭feel.......

其實...比較特別嘅係呢度耐唔屎會打鑼叫人出去拎糖水, 生果同涼茶....不過數量有限....派完即止...你睇...呢個就係"輪米"嘅盛況...好熱鬧架....

食咁參唔多11點就散喇....不過....我同咗個為食嘅朋友仔就吔埋糖水先捨得閃.....

我就叫咗個豆腐布丁芝麻糊....都幾特別...不過...我都係鐘意傳統嘅芝麻糊豆腐花多啲...朋友仔嗰個楊枝金露都幾靚吖...真係飽哂....好滿足!

係呀...頭先又有個朋友仔話我"面青口唇白"喇...佢已經唔知係第幾個用呢個形容詞形容我個衰樣架喇...其他形容詞重有"病壞", "黑眼圈超勁"等...唉!睇嚟...我真係要好好檢討吓.....要建立番個"健康形象"先得喇!

Oh....What's that?!

現在報時....而家係零晨兩點廿分....夜鬼亞祖未瞓.....我....我.....我....頭....頭.....頭先見到大廳嘅窗外.....有幾團綠色光飄過(都好大團吓)....重要係營光綠嗰隻.....好sharp足足十秒有多...肯定冇眼花.....我都係第一次見咋....

嗯.....我望出窗外....啲光就冇咗喇....再望吓隔離左右...全部關哂燈瞓哂架喇喎...唔係係有人玩梗閃燈, 不過嗰幾團大光....都好難用啲普通燈仔or電筒攪到出嚟架喎....(應該唔會抵死到夜晚晚兩點幾玩啲咁難度高嘅嘢掛).....我住廿幾樓架....街啲燈點射都謝唔到上嚟掛....放煙花都唔會咁近窗啦...又冇聲....借問聲.....有冇啲科學係可以解釋到頭先見到嘅光係乜嘢呢? 曹宏威博士你喺邊呀? 非常驚嚇中.........有怪莫怪....細路仔唔識世界...我...我...我"浪"完衫就瞓架喇.......PLS PRAY FOR ME!!!