吃喝玩樂公幹團＠星洲～DAY11

太好喇....今日可以番香港...今日上堂上到3點就閃得喇...真係超攰!!! 尋晚食肉骨茶嘅時候有同事介紹咗隔離檔嘅蝦麵都好好味...今日可以去試吓喎! 確係唔錯!!


yeah...捱到3點就番酒店攞行李再飛的去機場.....行李又overload喇....25.7kg...超重...好在比我過咋...若然要我執番啲嘢出嚟真係呢hea!!

唉....重諗住搭6點半機可以10點幾番到屋企...點知班機delay都不特止...番到香港又雷暴警告...到咗香港都落唔到機...到落咗機喇(嗰陣都參唔多11點喇!!)...啲行李又落唔到...足足塞住6班機嘅行李...參唔多12點先開始有行李load落嚟.....等佢慢慢load番啲行李都等到12點半先見到我件嘢咋...重要因為佢overload先可以第一時間碌出嚟....拿拿淋走去搭機鐵!! 好彩重有車咋....若然要等的士真係冇兩點都番唔到屋企呀! 真係超勁攰嘅一個旅程...由day1開始日日都朝7晚11 (晚晚最早都10點幾先番酒店....最夜都成12點幾...)....真係攰過平時番工....

吃喝玩樂公幹團＠星洲～DAY10

第10日...接近行程嘅尾聲喇.....都係要番工嘅日子...lunch又去咗食日本拉麵...今次好似辣過上次喎....不過依然好味!! 放咗工去咗食糖水....因為今晚8點先開飯....食少少嘢打吓底先!!


其實食完糖水我哋又去咗附近嘅supermarket shopping....買吓零食..麵同醬料...haha...真係去邊都可以shopping架!! 幾堅!! 食飽集齊人碼就齊齊去食肉骨茶...呢餐比較特別..因為約咗幾位去咗星洲做嘢嘅香港同事一齊食...不過...個個都唔識架...搭上搭咁就一齊開飯喇....其實幾位唔識嘅同事都幾熟口熟面....而且佢哋都算幾nice...確係唔錯嘅一餐!!

吃喝玩樂公幹團＠星洲～DAY9

玩完兩日今日又要番工喇....lunch又搵到個新地點....好味呀!!


晚飯嘛...冇影相喇...因為今晚我同姐姐再離隊....家因我哋嘅星洲同樹攪咗個飯局邀請各地嘅同樹一齊開飯...你知啦...又唔熟...唔好意思影相嘛....haha! 食飽飯我同姐姐就閃喇...因為我哋要趕下場....話說姐姐屋企人都去咗星洲join埋我哋一齊玩...而且佢哋重卜咗一晚"金沙"酒店住...據聞金沙個泳池好靚...我哋就乘機黐吓金糠入去參觀一吓....參觀泳池之前無意中睇到佢個水幕show...都巧靚架....至於個泳池當然好得啦.......

吃喝玩樂公幹團＠星洲～DAY8

今日繼續去玩.....又出去食早餐先....整番碗魚蛋粉.....

今日嘅節目好激....行山....大家都知星洲一年四季係分為熱...堅熱....超熱同極度熱....今日嘅天氣...都應該列為超熱....真係企喺度唔郁都係咁流汗....我哋呢個自殺式行為真係好堅.....唔中暑真係要去還神!! 其實呢度似家樂徑多啲....冇難度可言....最難咪就係要同太陽伯伯玩遊戲囉....


行完個山真係屎貢滯...我第一個宣佈冇電....係咁流汗真係倦死咗....都係要飛的去食lunch抖陣.....woowoowo...巧豐富....正!

下一個環節係再戰sentosa....因為我哋想去玩skyride...不過大家都未回到氣....時間尚早都係去飲多杯嘢...再坐一會...但願能再坐一會....

yeah....hea完一大輪終於醒神番....繼續玩喇....skyride我哋嚟喇....之前睇相重以為你小型賽車...oh....原來唔係喎(原來係坐右上角好似一塊板嘅物體)...幾易玩又幾刺激....連我呢個駕駛百痴都覺得好玩喎......我哋玩咗兩次先收手.....haha!! 其實要揸架車由山頂sir落山腳架....所以要搭呢啲吊車去山頂先...wooowooo...唔知典解...呢期有啲畏高...真係年紀大!!

玩完skyride就順便去沙灘hea吓...日落好靚呀.....


夠鐘睇show喇...其實啲煙花同水幕都幾靚架...不過典解啲演員要貢浮誇啲歌又貢老土架....扣分喇!!

玩咗成日真係勁攰...近近哋去China Town搵食啦....食吓點心都唔錯呀!

吃喝玩樂公幹團＠星洲～DAY7

今日係星期六...名正言順去玩喇...一於去universal studios玩啦....家陣交通好方便喺vivo city搭sentosa express去真係快靚正又平....搭車之前去toast box整番個早餐先....呢個蛋原來係半生熟架....加埋醬油同胡椒粉一齊食又幾特別喎(不過個樣就真係幾似嘔吐物囉,hahaha)!


搭sentosa express幾分鐘就到universal studios喇...oh...落雨添...好彩唔太大雨...重涼爽啲添!! 又估唔到呢度啲遊戲幾激架喎...好玩呀! (最正係呢度人唔算多....排隊時間比較快....不過lunch就開始多人喇!!)

喺universal studios玩到3點幾...有兩位同樹要走先喇(佢地番香港喇).....送佢地搭車再去行吓沙灘先....吹吹風....好舒服呀!

食吓嘢坐吓......吹吹水好快又5點喇....


啱哂喇....一面坐singapore flyer一面睇日落...可惜今日天色麻麻日落唔算好靚....不過夜景都好ok呀....(呢架嘢坐半粒鐘架...可以睇哂日落同夜景)

之後又食嘢喇...去咗Fullerton食朱古力buffet...呢間酒店外型好靚架....當然入面都好得啦.....食物都ok喎...不過太漏喇...食唔到好多嘢....之但係吹吓水hea吓都好舒服!

吃喝玩樂公幹團＠星洲～DAY6

旅程嘅第6日...YEAH...終於捱到星期五喇....同平時番工一樣casual wear輕鬆好多.....lunch食餐好先! 估唔到酒店樓下都有好嘢食....有間日本拉麵唔錯架....我叫咗佢拿手嘅 "black spicy叉燒拉麵"...好味!!

難得一日早少少閃得....夜晚我哋去咗夜間動工員"night safari"遊一遊....夜晚行涼涼地都幾舒服! 行之前喺門口嘅餐廳食咗嘢食!!

又估唔到今晚睇到好多動物....難得有啲搵都唔駛搵自己行出嚟haha...good ar!! 行吓行吓又11點喇.....超倦!

吃喝玩樂公幹團＠星洲～DAY5

嘩...悶悶悶...典解個workshop貢悶架....加上夜晚瞓得麻麻...真係眼瞓到呢....好難先捱到lunch咋....今日去咗食意粉...又唔錯喎!


夜晚就去食地道大排檔......呢度主打賣海鮮架.....


魔鬼魚好味喎...encore....重有螺....沙爹....蝦麵.....菜....

食完晚飯9點都未夠...一於繼續玩.....woowooo...去飲吓嘢先.....sky bar....風景唔錯哦....重好涼爽添....正!

吃喝玩樂公幹團＠星洲～DAY4

星期三....lunch去咗大排檔食嘢...其實熱辣辣都唔知食乜好...嗯...一於以毒攻毒食碗喇沙辣爆佢...haha!!


放工都係食同食啦...小青蛙個朋友仔介紹我哋食印尼嘢....都幾特別喎!

食飽做乜好...梗係....又食啦...hahaha...未食甜品嘛...係...我哋係顛架!! 第一次去TWG  high tea...啲甜品都唔錯呀....由其係啲雪糕...有淡淡茶香又唔太漏....真係good呀!!!

吃喝玩樂公幹團＠星洲～DAY3

行程第3日...繼續係番工嘅日子....唉!命苦...已經去到星洲架啦....典解我上啲workshop咁"認真"同"刻苦"架....明明隔離嗰team啲人好悠閒架喎! 確係生成辛苦命...冇嘢好講囉!! 都好...可以行先一步嘅同樹們去搵位先...呢間海南雞飯真係超多人...又難怪嘅....平平哋又幾好味嘛...hehe


yeah....放工又食餐好喇....呢次試吓"珍寶"先...主打都係辣椒蟹, 胡椒蟹, 麥皮蝦...不過似乎no sign board啲蟹好味啲喎! 反而啲麥皮蝦呢度就出色啲!

由於有另一個同樹今日先到...又要再到此一遊!!行完真係有啲腳仔軟呀....

吃喝玩樂公幹團＠星洲～DAY2

尋晚....又失眠...都預咗架喇....通常到埗第一晚都係瞓唔著...公幹就更加係十次有十次都係咁....所以尋晚係碌咗成晚冇瞓過架! 唉...今日重要番工....喺酒店食飽早餐就起行喇.....上堂真係悶到呢....瞓咗幾覺之後就食lunch喇....去咗食日本嘢...都係set lunch啦....之後就再隊咗碗糖水.....又估唔到lunch時間咁多人食糖水架....成間糖水舖都係人....堅!!


yeah...捱到5點上完堂喇....集齊人碼去開飯喇....開飯前探吓佢先......woowooww...雖然未多識用部相機...不過頭皮咁影都ok喎!

行完就去咗開飯喇....唔覺唔覺都幾激架喎...有喇沙...咖哩魚頭...

之後重隊咗少少雪糕...真係少少咋...我同姐姐share....飽到反肚!!

吃喝玩樂公幹團＠星洲～DAY1

哈哈...將呢11日嘅生活當"遊記"咁寫似乎有啲過份....不過....正所謂寓工作於娛樂(查實係苦中作樂)亦未嘗不可!!

4月15...星期日無啦啦要飛去星洲....其實.好耐冇去星洲"公幹"喇...坦白講...11日真係太...太太太長喇...真係唔願去....好彩有小青蛙同姐姐一齊咋...唔係悶都悶死!! 我哋約咗喺機場等....去潮樓食飽飽就上機喇!!


飛去星洲要成4粒鐘咁滯, 真係坐到pat pat都匾咗! 7點幾終於到咗酒店....嗯...呢度得個大字....舊舊哋又殘殘哋....好彩過幾日換酒店啫(不過都要捱成個week)!!

擺低行李就開始我哋嘅"行程"喇....飛的去咗克拉碼頭...去咗no signboard食辣椒蟹....我哋見到有4人餐喎...啱啱好4個人....再加多啲曼頭(用嚟點辣椒蟹啲汁)....好味....食飽就番歸準備第二日番工喇!!

百日宴

 

我都係第一次參加百日宴咋.....好耐冇見呢位朋友仔喇.....佢個b就更加係第一次見....巧展張呀!!

嘩....巧型巧得意呀!


重有超人look....亞b好乖好叻叻呀...呢度咁多人咁嘈...不過佢一啲都冇扭.... 真係喊都冇喊一句(頂多都係匾咗一陣咀咋)....重笑住影相!! 連我抱佢都冇詐型真係個個人都跟架!!利害!!

除咗亞b叻之外都要讚一讚朋友仔May....佢真係悉心籌備呢個百日宴架....真係連汽球同蛋糕都細心挑選架!! 加埋扭波波, 玩印水紙同魔術表演...真係節目豐富!勁呀!! 以前每次參加朋友仔嘅婚宴都會覺得好揀動....原來百日宴都一樣令人揀動架....May May祝係幸福快樂哦!!

迪迪尼熱爆之旅

尋日特登請咗一日假諗住同大家姐一家帶埋肥師奶同排骨仔去迪迪尼玩...殊不知出發前一日無啦啦腸胃炎鬼咁唔舒服....嗯...又唔想掃興繼續照去啦!!

一嚟就緊係要去食早餐先啦...麥當當....yeah...可以食吓通粉喇....食飽就搭地鐵去迪迪尼喇.....第一站就當然係toy story啦...未去過嘛....又估唔到個"u"型車又幾激喎!! 真係嚇到心肝仔卜卜跳...真係唔敢擘大眼玩呀!! 全程合埋眼.....


再玩埋小熊維尼同咖啡杯之後就去開飯喇!! 不過食飯嗰陣發生咗段小插曲....話說當時正值lunch time, 大把人喺嗰間快餐店度搵位....於是我哋分頭搵位啦....我同肥師奶就企喺附近分頭等位....我好肯定當時方原幾里都係冇人等位....好喇....等到咁上下肥師奶等緊嘅嗰枱人就走....無啦啦....有個年約十五,六歲嘅鬼仔楝咗喺肥師奶隔離! 於是我就代肥師奶同個鬼仔講..."我哋等咗好耐架喇....張枱我哋要6個位....冇空位比你架...." 個鬼仔冇理我...淨係頭皮答句ok繼續等(我當然唔知佢重等乜q嘢啦!!)

最後肥師奶等嘅嗰枱人真係走喇....點知...個鬼仔(係死鬼仔先真呀)...唔聲唔聲就坐咗落佢....嘩!! 乜嘢世界呀....當然...我同肥師奶都不甘示弱齊齊坐埋落去啦....個鬼仔就開始發顛鬧我哋....大家姐見我哋唔對到就急急走嚟幫拖坐埋低啦....點知嗰條死鬼仔更顛...又大嗌...我哋話"我地等先架"...佢就話"我唔care" (重係叫到竭斯底里嗰隻)!...真係黐孖筋架!! 死鬼仔見唔夠我哋嚟(話哂加埋meme我哋有4個女子...至於啲男人去哂邊....嗯......)....就話搵侍應投訴....正所謂先下手衛強...大家姐就緊係搵個侍應備案先啦...(其實我見到隔離枱有位女子由頭到尾真目睹成個過程....真係當睇戲架....望住死鬼係都不禁搖哂頭.....當然唔會expect人哋會幫拖啦...).....說時遲那時快死鬼仔就帶另一個侍應嚟幫拖....不過...我哋呢邊已經有3個侍應等睇戲....最後...就緊係邪不能勝正....侍應帶個死鬼仔搵第二個位!! 真係一肚氣呀!


食飽又繼續玩...

玩完又繼續食.....朝10晚10....真係攰過番工呢!!!

抵死!

係...我係話自己"抵死"架...明知食得多又頂唔蒲都繼續食...食食食...最後又咪攪到腸胃炎....家陣食藥食飽佢囉....鬧完....下次又食過...haha!!! (大佬呀....星期日要飛去星洲喇...重要去捱+玩11日....快啲好番please)!