黏土製作の麵包蛋糕第五回

Yeah...唔好比佢停...趁有mood就寫埋佢先...haha...其實整咗一排架喇...未有時間post....終於捨得整番篇卜喇....

終於焗好啲包喇...上咗色係咪靚仔咗呢? 佢哋係雞尾包嚟架....

重有佢個friend 菠蘿包....

同埋冇牛嘅牛角包...kakakakkaka.....

呢個有啲"玄"嘅係紅豆包...

呢啲係細個好鍾意食嘅奶油包.....

3隻熱狗...汪汪汪....

個樣有啲悶嘅法包......

成日食佢當早餐嘅腸仔包....

好甜嘅冬甩....有沙糖同古古力架....

足料漢堡包....成大舊牛肉....見到都飽.....

最後整多個雜果蛋糕做甜品先.....

其實呢啲係幫肥師奶整嘅功課(佢要整間糖果屋呀)...係!!!佢...係請槍架...haha!!

之但係啲搓泥功課硬係整極都未整哂...重有啲未做起呢...

幫啲麵包搵番個"歸宿"先....

本來老師叫我哋每款包整一個架...不過我整多咗啲士啤...所以個藍唔夠擺...好在之前去泰國入咗少少貨啫...呢個麵包櫃就係其中一件戰利品...啱哂!!

唔錯唔錯...起碼啲包包唔會"散收收"嘛.....

整番張大合照先......一二三...笑!

夠哂皮...一嚟寫咗4篇卜...好耐冇試過咁顛..HAHA...多謝收看!!!我都瞓先喇...早抖!! ZzzzzZzzzzzz....

Pixar

想去睇咗一排架喇...硬係的唔起心肝...今日終於約咗個朋友仔去睇....woowowow...去到真係比條"人龍"嚇親...成村人排隊買飛...好彩大家姐之前比咗兩張全年通行証嚟 (真係慳得一蚊得一蚊之餘重可以唔駛排隊...真係超爽呀!!)

人面有兩個場館架...啲畫同鑄模都真係巧鬼靚...重有小電影睇添呀...hehe!! 場館出面重擺咗我偶像巴斯光年...重有胡迪同成隊三眼仔...超得意呀!!!

睇完Pixar就搵咗個沿居民一齊開飯...沿居民就帶咗我哋去沙角村打邊爐...好耐冇嚟呢頭喇.....呢度依然都係咁抵喎...食物都質素都ok呀...70蚊任飲任食(湯底$45, share番都係位位$85咋)...真係飽到上心口!!!

木糠布甸

呢個復活節假期確係有點無事忙...本來假期嘅第二日冇乜節目諗住去shopping行街hea吓....點知大家姐打嚟問我有冇性趣整餅...oh...難得家姐咁有興緻....亞茂整餅呢家嘢當然係啱哂我性格啦...所以9秘9就應承咗喇...haha!

又估唔到大家姐咁偽高人膽大...一次過整兩樣嘢...佢就主力負責個芒果凍餅...而我嘛...就負責呢個木糠布甸...oh...又真係唔算難整...係整啲一層層嘢就真係需要多啲耐性....嗯...個賣相確係有待改進囉...整嗰陣偷食咗少少...味道應該ok架! 希望大家食完唔會中毒啦....

橋底辣蟹@銅鑼灣

前幾日同咗兩位朋友仔去食銅鑼灣嗰間橋底辣蟹...呢間嘢興咗咁耐我都係第一次食咋....大陸哩又嚟喇...haha

yeah開餐喇...整番碟炒蜆先啦..當然唔少得主角辣蟹啦...重有少菜...同埋椒鹽瀨尿蝦...好味.....不過硬係爭啲嘢咁囉...

爭啲乜?!咪就係甜品囉...hehe....去咗食"聰嫂"..又確係唔錯喎...巧滿足嘅一餐!!

黏土製作の麵包蛋糕第四回

星期日先嚟落雨...都係番喺屋企搓泥啦....今日唔整麵包同蛋糕住...整番幾個生果吔吓先....其實係要整定啲生果整雜果蛋糕同生果撻架!

先嚟一埋火龍果先...再切開先食到架!

乜有生果係貢樣架咩? 唓...你有冇食過雜果蛋糕架....上面啲哈密瓜咪係貢架囉!

唔駛講呢個就梗係哈密瓜個friend 密瓜啦!

重有由於時間關係已經將啲芒果切片再卷好喇...似唔似花呢?

重有士多啤梨添呀....

唉!貢夜都未捨得瞓...好明顯聽日唔想番工囉...救命!!

玻璃飾物製成品

 

唉...呢期番工真係忙到顛咗...以為過咗個3月就一天都光哂啦...典知4月重甘...人都顛呀....好在有啲手作仔調劑吓啫....哼!

係...呢堆嘢就係之前上嘅玻璃飾物製作班嘅功課....有一條頸鏈...

兩條頸鏈...佢啲色係漸變架.....

耳環兩對......

一堆一粒粒嘅玻璃珠...未知想整乜....

重有一堆不知所謂同奇奇怪怪嘅圖案....都係唔知想點....

總括嚟講...呢個course都係見識吓算啦...唔多好玩囉(次次番去都係"界"玻璃同界"玻璃...然後再將啲比我界到奇奇怪怪嘅玻璃砌埋一碟再拎去叮....都幾無聊呢!!!)...都係搓泥好玩好多!!haha

黏土製作の麵包蛋糕第三回

Hi...又嚟喇....啲包包重焗梗呀....呢個膚色已經"健康"番少少喇...重爭啲後期加工呀.....比多少少時間嚟添啦....

由於時間關係....整住蛋糕先啦....haha...有趣....啲step好似整真蛋糕咁....首先都係要整個蛋糕底...再抆/唧cream...最後加埋啲生果同裝飾.....(當然...所有物料都係唔食得架啦!!)....呢個係黑森林蛋糕嚟架!

而呢個就係士多啤梨蛋糕喇....

其實個士多啤梨蛋糕係"心型"嚟架...係咪巧"浪漫"呢...hahaha!

究竟個蛋糕有幾大? 就係貢囉!!!!

泰國喪買兵團~dAy4

終於可以寫埋個泰國遊記喇....好快又玩咗3日喇....玩埋今日又要番香港捱驑仔....唉!!都係唔好講埋哂啲"衰嘢"...寫番啲開心嘢先!!

晨早起身又食番個早點先...食咗3日真係有啲悶.....

食完咗早餐就盡埋最後努力去shopping....我哋務求洗哂銀包入面嘅一分一毫...質爆個喼為止...haha!! 小青蛙話想番啅水門...想買多幾條裙仔...而師姐就想去林真香買多少少手信....所以我哋就向住呢兩個目標進發....其實中間我哋重去買咗少少護膚品添囉...haha!! 啲錢洗乾洗淨就去開飯喇....今次去咗Ember食....好味!!

食飽就番酒店再飛的去雞場喇....點知去雞場都一波三折呀...一嚟就搵唔到大的士...我哋以為好易搵所以冇晨早卜定囉!! 最後要分兩架的士....去到雞場又玩失散...跟住又overload要喺個喼度摷番啲嘢出嚟hand carry!! 最後又因為退稅hea得太遲...攪到要9秒9衝入閘...超驚險...真係一上機就瞓著咗喇!!瞓醒又食喇...haha....

 

泰國喪買兵團~dAy3

好快又到咗第3日喇....晨早食個早餐就出門口喇...不過有兩位團友今日就閃喇!...剩番我哋4條蛋散咋...不過我哋會繼續全力以赴...買到爆喼同破產為止嘅!!

食飽飽就出發去翟度翟喇....又好在呢幾日都天陰陰(頂多都係落幾粒雨咋)...呢啲天氣先可以行到咋...唔係熱屎咗喇...所以...今次我哋行咗3粒幾...參唔多4粒鐘先收手...真係破紀錄呢! 最開心係居然比我見到啲搓泥accessory...超開心!!!

由於行完翟度翟有n咁多袋嘢再加兩大箱香薰...所以要飛的番酒店擺低啲嘢再轉戰水門食雞飯....今次試咗另一間嘢...不過一般咋..下次都係搵番人妖姐姐好啲!! 食飽嘅我哋又繼續作戰喇...原來呢頭有好多shopping mall架...不過間間都係賣衫褲鞋襪之類....而我哋就主力睇小朋友衫喇....真係好靚又好抵呀....連平時冇幫啲小魔怪買衫嘅我都忍唔住手...買咗啲裙仔比Meme同肥c奶呀!!!

行完水門又再去Siam嗰頭high tea喇...久違了嘅冷檸茶一樣都係咁好飲!

飲飽食醉又去shop過...今次目標係番啅NaRaYa同行supermarket!! 又有唔少斬獲喇!

買完嘢又到晚飯時間喇...其實都唔知係晚飲定宵夜喇...成10點先去到China Town....我哋去咗T&K食....啲螺原來係燒熟佢架...又幾特別...好味!今有翅一兜...菜一碟...我至愛嘅生蝦...同小青蛙至like嘅"c陷"

食完飯就梗係去吔埋甜品啦...粗粗哋整碗燕窩嘆吓...再外賣多個芒果糯米飯...之後去埋林真香掃手信就打道回府喇!!

番到酒店重有節目架...就係分贓喇...啲嘢一袋二袋真係有排分呀!