尋日約咗幾個朋友仔去杏花村house warming...難得去杏花村一趟順便去TC打番個白鴿轉先! 其實TC已經摺咗9年...家陣係IVE先啱...無獨有偶...我讀過嘅托兒所, 幼稚園同小學都已經全線結業重拆埋添...難得今次有個機會比我番一番以前讀書嘅地方"懷勉"一吓!
實不相瞞...亞祖一向讀書都唔叻...又討厭番學...由其係小學同中學....準時番學放學...黑板之餘重好似坐監咁....而且讀文科嘅我最憎背書...一到考試真係苦不堪言! 不過自從讀TC之後呢啲"討厭"番學嘅感覺都消失得無影無跡...甚至開始"喜歡"番學添...大家以為怕坐監嘅我一定會經常走堂啦...你咁諗就錯哂喇! 番咗3年TC...我走堂嘅次數真係5隻手指數得哂! 無他嘅...真係"喜歡"番學嘛...喜歡唔駛死背書...喜歡同三五知己一齊番學放學食lunch...喜歡放假嘅時候同啲同學仔去camp燒烤睇戲唱K...喜歡一齊做/抄功課....喜歡成棚日經常喺"拉記"門口圍圈商討"玩樂大計"...
漫漫長路呀....原來番學條路都幾長架! 太耐冇番喇....加上校舍曾經裝修過...眼前所見嘅地方確實有點陌生...
你睇...以前邊有咁靚架! 有埋coffee shop添! 重有高科技電子產品...連去廁所都要"嘟"咔架, 真係威呀.....
雖則外貌變咗好多...不過....再行入面都有啲地方係冇變嘅...見到呢條樓梯又諗起考試...因為考場就係樓上嘅大禮堂...重有飯堂...."拉記"嘅走廊...不過...以前"拉記"嘅門口已經封咗喇! 重有呢個令我覺得討厭嘅藍球場...何解呢個"藍球場"令我咁討厭?! 嗯...記得year 2嗰年...要做個爛鬼group project...啲group member就用抽籤嘅形式決定...唉!好明顯黑仔嘅亞祖梗係抽到支爛籤啦...3男一女嘅組合....記得有次...喺飯堂開開吓會...有位死肥仔居然提議停一停抖一抖...重叫埋其餘嗰兩位group member一齊打陣藍球先!頂! 一打唔知打咗幾耐...真係吹漲...最終...個project嘅program我負責寫咗9成...成係想爆粗! 不過...正所謂唔打唔相識...之後...其中兩位group member都成為咗我嘅好友! haha!
當然重有以往經常去咗computer room同課室啦...呢度有選班長同開party嘅回憶!重有較另類嘅"有人舉櫈事件" , "熄mon事件"都係喺computer room度發生架! 至於我嘛...對呢堆爛爛嘅locker有另一啲回憶呀....因為year 3嗰年...比人爆鎖...我個密碼鎖真係不堪一擊呢....嗰次損失咗一本$6x嘅OS教科書之餘重連累朋友仔損失咗一隻公仔哦!孤寒嘅亞祖冇咗本書當然係冇買番啦(因為學期都過咗一半)..唯有喺"拉記"借書度日啦!
都話老人家長氣架啦...由其係"想當年"嘅嘢...真係好多嘢講架嘛! 唉...懷勉咗咁耐都攰喇..之後就去咗友人嘅屋企hea同打麻雀...好明顯...十年都唔賭嘅人一定係輸啦...重要打打吓打都瞓著咁滯..haha! 之後就去咗越嚐開飯...價錢唔算貴..食物ok啦!
...唔啱睇就咪睇啦! 
