成堆過期卜未寫, 就揀8想寫嘅嘢嚟寫先! 咁就當然係第一次參加嘅渣打全馬啦....成日聽人講西隧好甘, 全馬冇嘢食又冇氣氛.....真係好想親身去體驗一吓....至於今之嘅目標嘛....完成就得架喇....乜...目標唔係拾科咩(4小時內完成比賽)? 話咁易咩, 話哂第一次跑魔鬼賽道其實邊有信心吖, 況且我嘅目標向來都係要跑得開心啫, 快慢都好開心跑吓咪得囉, 快只係BONUS來唔強求啦! (我又唔係職業跑手, 比壓力自己好傻囉!) 練習就當然要SET TARGET啦, 我只係想認真練習唔好後悔啫...就連比賽前都減碳加碳都冇跟, 只係比賽前一日晚餐食咗飯咋!其實作為一個腸胃敏感嘅人, 我諗一啲都唔適合無啦啦改變飲食習慣, 好容易瀨嘢!一陣痾餐死仲大獲!
本身重未病好哂, 加上對成績冇期望一於用平常心去玩, 跑到幾多咪幾多囉.....對我嚟講冇壓力去ENJOY先係最好嘅成績(其實我真係好唔長進架....唔洗一定拾科先叫做跑過全馬, 只要盡咗力已經當嬴!
講咁耐肺話, 入正題....嗯!雖然渣馬對我嚟講冇壓力, 不過要我5點起身就好大壓力囉, 其實我好爛瞓架...叫我咁早起身我已經好抗拒..5點起身即係唔洗瞓, 就算平時團跑我都係瞓唔到, 又係瀨嘢! 唉....果然我真係一秒都瞓唔到...重要去跑全馬....好驚猝死呀.....
橫死掂死唔得最多上車啫, 冇奶油唔玩呀! 就係咁心口掛個勇字就好門口...嘩!5點幾成車都係人好型囉....又好好彩本身勁怕凍嘅我抽到第二組, 7:00先上線氣溫稍稍回升, 連手袖都喺起碼前除咗一啲都唔覺凍!
由於上年太遲上線攪到起跑勁迫, 今次又咁啱冇乜跑友同一組, 最後一條友攝吓攝吓攝前咗...1分鐘鬆啲已經可以起跑, 冇咗塞人爽好多....
跟住一直跑一直跑....經過啲乜喬物喬, 乜隧物隧...坦白講又唔算乜氣氛都冇嘅, 其實好多工作人員都好認真打氣, 水站又冇人叫大家加油, 冇想像中咁差, 當然只屬於好過冇系列....加上我都係第一次跑好有新鮮敏....而且二組跑到啲山卡啦位已經有成村人跑緊唔會靜英英,感覺唔太差! 至於膳食嘛....除咗勁多蕉同朱古力之外(好耐先有車尼茄囉).....真係算冇啖女食, 最後我食咗2條蕉, 3包GEL, 一小包KITKAT, 3粒鹽糖(除咗蕉之外其實都係自備)...食GEL食到口都WERE埋....咁西隧係咪又跑到死咁濟呢? 係....真係死咁濟, 慢慢長路冇盡頭好消磨意志囉....好唔容易先過咗西隧又要繼續上鈄.....重要勁塞...
其實一上鈄見到咁多人, 而且嗰陣已經跑咗參唔多32K對腳又作抽已經唔敢太快喇...披醒由5分幾跌到6分幾....又怕抽筋唯有慢JOG一陣, 好在隔咗一陣又冇事....最後用咗4:04:19完成比賽....
雖然未能拾科(4小時內完成比賽)，不過我一啲都冇失望。其實呢兩個星期都病咗，近乎零操練，加上尋晚又瞓唔到，今日可以跑足全程已經係意料之外，呢個成績都算係超額完成，好滿足！仲PB(做出個人最好嘅紀錄)咗24分鐘，加上跑友們嘅鼓勵，乎復何求呢！
好開心今日參加咗－場好有挑戰性又好玩嘅比賽，今次終於打破宿命可以喺渣馬PB喇。。。其實渣馬紀錄晒我嘅10K同半馬嘅PW(個人最差紀錄)
