平成二十二日本料理...

尋晚同咗幾位朋友仔去老尖開飯....成班大食怪去咗食放題......呢期嘛....對人對事對工作都係得"心淡"兩個字....悶悶的...老實講..真係冇乜胃口食嘢! 話時話...啲朋友仔成日話我食好多好嘢...連搓泥老師都咁講...haha...不過呢....有好嘢食同食得開唔開心滋唔滋味絕對係兩回事嚟.....我呢個煩人.....食嘢絕對係睇心情嗰隻....冇心情真係可以乜都唔食....就算有好美味嘅食物擺喺眼前叫我夾硬食, 都只會係食之無味! 有時好羨慕人家喺冇心情嘅時候可以大吃一餐去抒發悶氣....化悲憤為食量!呢點我一直都做唔到哦!!

我嘛...坦白講...近排食得最開心最好味嘅一餐...數落都應該係兩個星期前同屋企人一齊去灣仔食私房菜....難得齊人....而且一家大細食得津津有味開開心心....查實之前都同過另一班朋友仔去同一個地方食參唔多嘅嘢, 不過都冇呢種"滋味"嘅感覺....所以呢我至怕人哋問我去邊度有好嘢食...家因我食嘢係憑感覺憑心情, 同食物質素未必掛勾.....大部份食店食完之後我真係唔記啲嘢好唔好味, 有時幾乎連食過啲乜都記唔起 (除非真係好突出啦)...每次我都淨係記得同邊個食...食得暢快唔暢快..係架!!同我食嘢好多時都係嘥米飯, 牛o趙牝丹!....之但係若然大家重係要夾硬問我..."呢間嘢好唔好食...果間嘢好唔好吃..."嘅話, 咁我嘅答案....就祗有一個....就係......"ok 啦!!"

呢餐嘛....ok啦!!

澳門水舞間之旅

前兩日同咗位朋友仔去澳門HEA...都一排冇去馬交喇....今次終於去睇水舞間....其實今次真係冇乜行程...主要嘅活動都係HEA同HEA....到步食個LUNCH先....啲食物都幾精緻又幾好味...唔錯!! 一人一個SET至啱我哋呢啲有選擇恐懼証嘅人!

食飽就去酒店CHECK IN喇...今次住GALAXY, 順便去佢個人工沙灘到參觀吓先...嘩....真係....有啲失望呀....原來個沙灘好細吓....呢間嘢用呢樣嘢做賣點真係令人失望!若然夏天嚟嘅話...個沙灘都應該好迫吓....

參觀完酒店繼續出去HEA....都係周圍行又食吓嘢咁....之後番酒店HEA完再去酒店間賭場參觀吓....

第二日CHECK OUT完就去咗新豪天地喇...因為一陣要去睇水舞間呀...唔知食乜好....最後揀咗食FOOD COURT...不過都係食少少嘢咋....想去HIGH TEA 慢慢HEA嘛....

呢度都幾好坐....又可以HEA到夠鐘先去睇水舞間....唔錯唔錯!

又估唔到都好多人睇喎...重以為閒日會少啲人添!! 又比我想像中精彩喎...前一晚瞓得唔好重驚會恰眼瞓添...最後都冇瞓到...証明佢都冇乜悶場!

睇完本來去食晚飯架...不過HIGH完TEA都4點幾....未食得落喎....最後我哋嘅晚餐係....一人有一個葡撻...HAHA! 食飽又要趕船番香港喇...BYE!

BLOG友仔聚會

今次BLOG友聚會除咗係賀一賀新年重可以順道同二月之星慶生....作為二月喇星嘅我都唔敢怠慢整定啲小禮物回饋大家嘅利是同禮物先...HAHA....最後足足整咗25枝三眼仔....整到半夜2點幾....真係頭都暈.....不過見大家都好喜歡佢哋...辛苦啲都值得嘅!

廿幾人貢多....叫到會穩陣....呢間到會嘅質素又真係唔錯...而且食物嘅款式都好特別...重有我喜愛嘅醉雞..重要係冇骨啖啖肉LIKE爆....串燒同拍青瓜都好味....又有我愛嘅薯蓉...重有紅米飯....健康又好味...得呀!  掃完一輪又切蛋糕喇....有兩款呀....我食咗士多啤梨味...啲CREAM都有士多啤梨味架...唔太甜...OK喎.....今次又食又拎呀...真係多謝哂咁多位!!!

大喜慶

終於齊人喇....星期六同咗啲家姐一齊開飯.....今次去食團購餐....其實我去過一次架喇...不過今次再去有啲菜式唔同咗喎....家姐佢哋都好LIKE喎....可能齊人食飯都寧舍開心嘅!! 好味!!

蘿蔔糕~後記

上上上唔知幾有上嘅上文提到...今年亞祖"市花行"咁學人哋整蘿蔔糕...有朋友仔問...."咁...究竟好唔好吃呢?!有冇發生食物中毒事件呢?!"


托賴托賴.....蘿蔔糕事件中係冇人中毒嘅.....(我要求好低架咋...冇中毒已經好開心!!)...試味時間到喇....雪凍咗底糕再分3份....同家姐一人試少少....就算難食都冇咁舔嘢嘛!! 又幸好....味道唔錯喎....查實若然舊蘿蔔唔太差...材料又夠豐富嘅話都應該唔太難吃掛....我淨係加多二茶匙鹽, 少許胡椒粉同麻油已經相當夠味!! (之前去學..師傅叫我哋落少少雞粉架...不過我又唔想大家食味精所以冇落!! 其實唔落都好夠味!!)

嗯....不過最關鍵嗰part未算pass呀....稍稍削咗啲, 又未至於散哂同勁一pat pat...不過真係好難煎得靚仔囉....係...我認...我認我太貪心落多咗蘿白, 其實刨完蘿蔔絲已經隔番啲水出嚟(重以為自己已經好"聰明", 點知...原來煮蘿蔔嗰陣佢自己又會出水, 蘿蔔多咗啲水又自然會多咗)...最後咪又係削咗囉....之但係第一次整都已經算係咁喇(重要係有點誤打誤撞咁整)...起碼味道唔錯(連我啲家姐都話ok架!!)....當然重有好多進步空間啦, 下次跟足啲再整過!!

以前唔明點解啲人要自己整糕咁麻煩...不過整完先知....其實自己落手落腳整又真係唔同啲喎...起碼足料又冇味精, 而且冇咁肥膩 (其實我切臘腸同臘肉嗰陣切走咗好多肥膏架..haha)...最重要嘅係用心整糕嗰份心意係用錢都買唔到架嘛...對嗎?

黏土功課の桃花

YEAH...終於做哂呢個COURSE嘅四份巧課喇...難得冇爛尾重可以嚟新年期間完成順便應吓節添!!

壓軸賀年花就係佢喇...桃花....


本來整十零朵花就得架喇...不過...好似整多啲靚啲喎...

就整多啲先....整多啲全開嘅花.....花開富貴嘛....

終於整哂喇...有葉, 花蕾, 三分開嚟花, 半開嘅花同全開嘅花....

又係我至怕嘅插花環節....首先要札好啲花...

再插落花盆度...由於整盆景...要整得"懶"有STYPLE咁....其實都係亂嚟架咋!!! 唔知大家覺唔覺佢啲樹枝好似太奀呢....

HAHA...又係呃神騙鬼嘅時間....抆番啲泥上去...係咪即刻粗壯哂呢...KAKAKAKA

係喎...前兩日經過花市行咗陣...有幸見到富貴子嘅實物...原本佢啲葉應該微微彎向下架...執一執佢先....

難得做哂功課...影咗合照先...YEAH!!

呃細路系列之三眼仔CAKE POP

一直都好想試吓整CAKE POP...典解?因為佢個樣呃得吓人囉...HAHA....係吖嘛...次次見到人哋啲CAKE POP都整得鬼咁得意....有時整嚟呃吓啲小魔怪都幾開心架!!其實家陣都有好多團購教整CAKE POP架...不過有啲賣相麻麻....呢個團購又好似唔錯喎..即管去玩吓先!!

之前都上網SEARCH過...大慨都知CAKE POP舊餡係點整...一如所料...都係將啲蛋糕整碎再加啲FROSTING將啲蛋糕碎搓番埋一舊....


戲肉嚟喇....點樣整個三眼仔出嚟呢...嘩!真係好佩服創作者嘅創意....簡單得嚟又幾似喎!! 三兩吓手勢已經整到個形出嚟喇...

加埋啲眼再晝埋個咀就攪掂喇....好攪鬼呀!

雖然係自己整..不過呢....我成日覺得呢啲嘢都係好睇唔好食嘅....整咗6支送咗5支比啲小魔怪....留番一支試味...又估唔到冇想像中咁難食喎...HAHAHA....恕我直言...我一路都覺得呢啲嘢應該係"難食"架.....不過...食完之後就改觀喇....甜就真係甜咗少少 (不過都唔算甜得太過份!!).....個餡都算正常喎...都係濕濕哋嘅朱古力蛋糕....出面就係一層古古力咁囉...OK喎...可以再整嚟送禮自奉呃吓大人同細路! HAHA

蒸糕bell....

上年新年前學咗整蘿白糕...好似唔太難...一直都想試吓番屋企再整...不過始終啲唔起心肝....見呢排臨近新年啲蘿白又幾靚仔....一終試吓整....整蘿白糕都要幾多材料架....不過我乜鬼都冇....又唔想買一大堆嘢有排食...最後問咗啲家姐攞啲材料....有蝦乾, 冬菇, 瑤柱....

佢哋出雞我都出番少少豉油啦....蘿白一大個.....

嘩...估唔到成個過程最煩係切切切同切囉....又要刨蘿白...超煩....好唔容易先切哂啲嘢....炒香佢先!!

最後都係炒埋一碟....好快就杰撻撻喇....

蒸

擺落個錫紙兜度再拎去蒸一蒸先....

要蒸成50分鐘....攪掂...試咗少少味道好似得得哋...不過試嗰陣未攤凍有啲"削"嘅感覺....希望攤凍咗啲質地都OK啦!!!

餸頭餸尾...

之前睇肥媽個節目..佢成日去人哋啲屋企摷人哋個雪櫃睇吓有乜餸頭餸尾再將啲嘢炒埋一碟...HAHA...睇完之後我就諗起自己個雪櫃...雖則我唔係成日煮飯...不過次次買餸都買大咗(一個人份量真係幾難攪呢!!) 又唔想煮一大碟留過夜...基本上次次都係食幾多煮幾多...盡量一次過食哂啲喇!! 所以有時都會淨番少少未煮嘅材料...不過又唔想次次食番同一款餸...所以又再買其他嘢嚟配搭...結果新買嘅材料又可能煮唔哂..HAHA..沒完沒了咁煮落去....今日誓要要清一清雪櫃先!!

咁啱今日整蘿白糕有少少蘿白, 臘腸同臘肉剩番....買咗5蚊豆卜加埋落去....細個嗰陣都成日呢個餸....好懷念嘅味道!

熟口熟面嘅西蘭花就係上次煮剩嘅...加埋喺冰箱嘅陣年牛柳粒(居然未過期)...煮埋一碟啱啱好....煮咗咁多餐...今次啲份量終於"正常"喇....唔駛飽到反肚..HAHA!

海洋公園自由行

兩年有多冇去海洋公園喇...呢期好似有啲新嘢玩喎...咁啱今年嘅生日係星期日...可以約埋啲小魔怪一齊去玩!! 嘩...連個入口都唔同哂....重以為去錯地方呢!


 其實今次我係想去睇企鵝架...如願以償喇...YEAH...啲企鵝真係好得意.....重有可愛嘅海豚同海獅...雖則啲表演十年如一日...可能睇極都唔厭呀....睇吓動物又玩吓機動遊戲又一日.....玩完真係攰到爆....好彩第二日放假啫....


之後緊係齊齊去開飯喇....去咗荃灣食泰國嘢...都唔錯喎...不過太攰冇乜胃口...反而想食甜嘢....隊埋杯麥噹噹雪糕真係超滿足呀!

趕...

平日放工番屋企煮飯都已經好趕吓...呢日重要有嘢做...7點先番歸...去埋SUPERMARKET買餸番到屋企已經9點喇...再唔食嘢又胃痛架喇....我見咁趕....整啲近乎唔駛點煮嘅嘢就啱哂喇...我淨用咁幾分鐘係蒸咗啲豆腐咋....搵唔到醬油膏唯有用蠔油,豉油,糖,水同麻油溝咗汁啦...又OK喎!


本來想煮葡汁雞翼順便整埋舊洋蔥架喇....連醃雞翼嘅時間都冇...囉有食齋啦!! 最後整咗葡汁蔬菜....食多條菜都好嘅!