玻璃飾物

前排有位朋友仔問我有冇性趣玩呢個團購...嗯...呢個有啲似我之前玩工聯會嗰個玻璃飾物製作班....記憶中....嗰個course係比我列入blacklist架呢(當當都係界玻璃再唔知點砌埋佢...確係唔知想點...連其他同學仔都有同感...個個都話悶爆!) ...不過見佢啲製成品又好似好樣啲....唔知有冇唔同...所以都係去試試啦!!

噢....真係一樣架....唔同嘅只係啲玻璃靚少少囉...不過都係唔知點砌....歸根究底都係因為亞祖對呢啲手飾設計冇乜天份亦冇乜性趣吧....漫絛目的咁將啲玻璃疊埋就算喇.....



製成品有啲out of control....玻璃...我都係喜歡砌馬賽克多啲呀!

扭波波之....三眼仔...

 

又嚟呃細路喇...繼上次三眼仔cake pop之後...今次又係整三眼仔呀...不過呢次嘅三眼仔係唔食得架...因為今次係玩叨扭波波呀!其實今次真係名符其實嘅"黐金糠"呀....基本上呢個係meme學校攪嘅課外親子活動嚟架....因為大家姐嗰日有啲嘢做搵咗我湊亞me....所以我又有得玩喇!


查實扭咗一陣大家姐都到咗架喇...不過我賴死唔走繼續扭咋..haha..幾厚面皮!! 話時話扭波波又幾好玩架喎!不過就真係唔可以太驚佢爆....我其實又唔係驚佢爆嗰嘢....祗係唔想前功盡啫!

 

漫遊kimchi國~DAY 5

唔覺唔覺又到咗旅程嘅最後一日喇....未食石頭飯喇....嚟呢度醫肚先!重有個蝦伴飯.....我都係LIKE石頭飯多啲!ae

之後就去咗三清洞一帶行喇...本來想去睇韓屋架...不過行錯路重要落雨呢咁HEA...兜嚟兜去都搵唔到.....搵到嘅時候都夠鐘閃喇...可惜~~

算罷啦...下次再行過....都係番民宿攞埋啲行李閃罷啦! 不得不提....間民宿除咗靚仔次外...連接待我哋嘅嗰位哥仔都幾好人架....帶我哋搭車不特止...見我推喼推到一仆一碌就好見義勇為咁幫我推埋喼!! 真係唔該哂! HAHA...終於到咗機場喇....其實我習慣去到雞場就將所有錢都散盡先閃(當然唔係淨好多先係咁啦...又唔會夾硬洗哂佢嘅!) ...去到雞場要幫同事買洗面foam, 所以一定可以散哂啲錢啦! KAKAKA....散淨"亞公"幾千ＷＯＮ.....食埋個餃就參唔多千金散盡喇！！財散人安樂.....可以安安樂樂番香港喇！！

漫遊kimchi國~DAY 4

話咁快又到咗第四日喇....今日LUNCH好豪情呀...我哋去咗鷺梁津海鮮市場....對呢餐真係充滿期待呀....出發前都睇咗唔少卜架喇...個個都嚟呢度食餐好...而且啲COMMENT十個有九個都有讚冇彈...而且價錢唔算貴! 真係好想嚟試吓....

嘩...好壯觀嘅魚市場....果然名不虛傳喎...朋友仔話有個檔口係睇卜嗰陣有人推介(因為嗰檔有"煲冬瓜"講播...一於搵番嗰檔啦...HAHA...我哋重扮勁學人講價...又得喎...本來一萬WON3隻鮑魚比我哋講到1萬WON4隻...HAHA....買堆蟹, 八爪魚同螺....5萬WON有交易....真係幾抵!!
揀完海鮮就緊係要拎去煮啦.....除咗八爪魚係刺身之外....其他就拎去蒸......好味呀!

食飽LUNCH就去SHOPPING喇....先嚟惠化站....買咗一堆手信再坐企HIGH 個TEA先...個窩夫好好味呀...不過周圍都太多食食煙喇....好臭煙味!! 食完拿拿淋走人去下一站....NEXT STATION就係鐘路一帶喇....估唔到呢度又幾好行喎....再喺度添啲SKIN CARE先...嘩!呢度買嘢比勁多SIMPLE呀....闊綽過明洞多多聲!!注定 喺度又洗一筆喇!!

今晚真係有啲趕呀....因為我哋要去樂天SUPERMARKET買手信呀....快快手食個晚飯再去SUPERMARKET!! 呢餐都幾有特式....初頭以為普通菜包肉啲FRIEND啦...又估唔到佢啲菜又真係堅靚仔而且有好多唔同款式嘅菜.....原來佢係將啲肉同飯都用塊菜包住嚟食架...食食吓食哂啲飯呀....超飽!

食飽又去作戰喇...嘩!去到樂天個SUPERMAKRT....已經有成堆香港人喺度狂掃食物...唔知重以為呢度饑荒!! 個個唔係掃麵就掃MARKET O...真係超誇張! 當然...一場嚟到我都掃咗少少啦....其實都幾矛盾...明知香港乜都有....不過一場嚟到...買又唔係...唔買又唔係....頭皮掃啲生面口嘅嘢博香港冇啦(HAHA...不過今日去阿信屋睇...真係連嗰啲不知名嘅零食都有...真係吹漲!! 唯有安慰自己 "喺韓國買一定係平啲嘅"...HAHA...超低能!

漫遊kimchi國~DAY 3

 

第三日....一起身又係食....呢度係好多旅遊書同卜都有推介架...就係"土俗村人參雞"喇....一嚟都已經有一堆人排緊隊....今日重要鬼咁凍(得0至6度咋)....企喺條街到排隊確係 好甘呀! 好在又唔駛等好耐啫....有得食喇.....呢度啲泡菜係任食架....我哋叫咗一個招牌人參雞湯...一個人參烏雞湯...唔錯唔錯!! 不過真係太多喇....食唔哂呀!


食飽就去景福宮喇....你睇....呢日真係好好天呀...印象中...應該係最好天嘅一日....個天好藍呀....影相都靚啲!

之後就去咗南山村喇....嗯...冇想像中咁多嘢睇.....不過....

其實我哋嚟呢度至不在觀光....係想嚟玩穿韓服扮吓大長"兼"架....我上網隔過價架喇....呢度10000WON有交易算平架喇...(唔駛錢嗰啲又要限昤限刻...我哋應該玩唔到架喇...都係洗少少錢攪掂佢啦!!)....其實我哋有廿分鐘行出去影相架....不過出面凍冰冰我哋換完衫影咗幾張相就閃喇....

玩完大長兼就繼續下一站"東大門"喇....一場嚟到...走去清溪川睇睇先....嗯....其實又真係冇乜特別...我諗夜晚嚟有啲燈飾會靚少少嘅....



之後繼續行吓啲商場先....順便醫吓肚....

由於太早食晚飯...番到民宿嘅時候有啲餓...一於落樓下買宵夜食...HAHA....超大食哦!

漫遊kimchi國~DAY 2

旅程嘅第二日係星期六嚟架...同行嘅朋友仔話星期六下晝喺弘大附近有啲手作仔嘅市集架...所以我哋呢日嘅行程就係去梨大同弘大一帶喪行喇....第一站就緊係LUNCH先啦....實不相瞞....懶惰嘅我哋每日一起身嘅第一餐已經係LUNCH時間架喇...HEHE.....我哋喺梨大附近食....


食飽就開始行喇....一嚟就緊係行吓商店街先啦.....我至喜歡睇飾物架喇.....行得攰攰哋就坐低飲杯嘢先....抖完再行.....行埋梨大先.....

行完就搭地鐵繼續去弘大附近行....呢個就係市集喇....唔算好大...不過好多小飾物都好別緻....都有少少斬獲架!! HEHE

行到咁上吓就去埋附近嘅"TRICK EYE MUSEUM" 亦即係"錯視展"...又係喪影時間....超低能呀....

玩咗成日又係食餐好嘅時間...呢間海鮮燒烤店係旅遊書推介架...真係唔錯...百鬆啲蚊一位就有得任食海鮮....其實第一轉已經比咗好大堆海鮮比我哋....食一轉已經飽哂......抵!

漫遊kimchi國~DAY 1

 

對上一次去韓國已經係十多年前嘅事....記得對上一次又係同呢位朋友仔去....不過上次就係跟旅行團...今次就選擇自由行...HAHA...兩個茂利自由行...真係有啲難攪...連我呢條懶蟲都不得不臨急抱佛腳....拿拿淋上網刨吓卜睇吓有乜地方去有乜嘢好食有乜嘢買等....

話咁快又出發喇....今次搭夜機...其實聽見夜機都驚....搭3粒鐘機一定冇覺好瞓....5點幾落機.....真係勁攰! 好在個PACKAGE包埋一程車送我哋去民宿....到咗首爾機場就見到有位男子舉牌迎接我哋....


好在今次住民宿...咁啱佢有吉房可以比我哋晨咁早CHECK IN....YEAH...可能瞓醒先去玩! 話時話...雖然話呢度係民宿...其實呢度地方好大吓已經都好乾淨....不過就隔涉咗少少....位於"麻浦"站.....搭地鐵去明洞就要花廿分鐘車程喇!!

最後由6點幾瞓到下晝12點先起身....嘩....精神哂喇...YEAH...可以出去玩喇!! 第一站就係明洞....首先要醫肚先.....第一餐就係食粥喇...咪以為食粥好平呀....幾十蚊碗架...不過又真係好大碗..而且好綿好杰....都幾好味架.....好似食糊仔咁....超包!!

食飽就去行明洞喇....嘩...真係不得了....估唔到一到步就破產!! 買咗超多SKIN CARE...由肥師奶到家姐們....一人少少都買咗一大堆呢!! 破完財就去觀光喇....下一站係首爾塔....



我哋重去咗個啤啤熊博物館...確係幾無聊....得幾隻啤啤比較"得意"咋....


睇完啤啤就上個塔度睇睇先....噢...呢日個天好唔係好清喎....睇得唔清楚嘅....嘥料!

行完首爾塔參唔多11點喇.....為免冇車番民宿....都係搭車走人先....好彩民宿樓下有間24小時開放嘅食市....而且啲食物都唔錯喔!

玫瑰花蛋糕後記之....可大可小....

今日去咗二家姐屋企將個玫瑰花蛋糕解剖, 其實上面啲花瓣都食得架...係古古力嚟....不過太漏喇...放棄咗....淨係食蛋糕算啦....拎走朵花先切餅....查實佢係古古力慕絲蛋糕嚟架...下面嗰層係清蛋糕....上面嗰層係古古力慕絲....啲古古力古古力慕絲好濃而且唔太甜...味道唔錯喔!! HAHA...係咪切得好型呢....知唔知點解切得咁型?

係呀...MEME都未食...緊係要留番比佢啦...小朋友食細份啲...CUT起中間部份比佢....再砌番朵花花先....細細件大家姐佢哋實食得哂啦!!

玫瑰蛋糕

又嚟團購喇喂...今次一行5人齊齊去做亞茂整餅....首先緊係整個蛋糕底先啦...再整古古力慕絲...將啲古古力慕絲倒落蛋糕度就攪掂個餅底喇....

再嚟最花時間同心機嘅整色整水時間.....整朵玫瑰花都好花時間架....碌花瓣都碌到手仔軟.....

好唔容易先砌好佢咋.....好彩番到屋企都冇散哂...只係啲花瓣冇哂力軟軟咁...即刻隊佢落雪櫃先!!

後記: 嗯....其實今日個老師真係麻麻.....又冇HEART又冇禮貌....連整個SAMPLE教我哋都慳番....齋噏當秘笈...一於認住呢間嘢...真係冇下次!!另外。。。。頭先連吃飯都一肚氣呢。。。。叫咗啲嘢冇嚟。。。三催四講都係咁。。。啲朋友仔食飽我啲嘢都未到。。。。最後。。。激氣到ＣＡＮＣＥＬ　ＯＲＤＥＲ走人喇。。。好耐冇試過食嘢食到咁激氣！！吹啤！！

1000Yen燒肉店

前排二家姐佢哋買咗呢個團購....又嚟一齊開餐喇.....呢間食店喺佐敦都算就腳.....而且食物方面都有幾多款式選擇....唔錯呀!百鬆啲蚊仕飲仕食3粒鐘(不過食5點嗰輪先係食3粒鐘咋...食8點嗰輪都係兩粒鍾)....確係抵呀! 不過我就喜歡佢燒嘢食嗰陣加張牛油紙喺爐面....燒嗰陣可以令到啲食物冇咁乾之餘感覺都冇咁熱氣...唔錯呀!

至憎嘅....酥皮系列....

 

星期五又去咗玩工聯會COURSE....今次係整葡撻同蝴蝶酥...OH....聽師傅講咗一陣....舔嘢啦....又要整酥皮....自從幾年前整過一嘢之後....就知呢家嘢幾煩...一啲都唔想再整.....天啊.....唉!一場嚟到....整就整啦...還好....師傅教咗個簡易版酥皮....用冰水開粉唔駛一嚟就要將舊粉雪九年....當然整吓雪吓都係少不免...不過呢次算整得快喇.....2個半鐘就完成兩樣喇....嗯! 不過....呢位師傅似乎有啲趕收工FEEL...都係比較喜歡學開嗰位.....CENTER都係唔好亂轉哦!


一舊酥皮整兩樣嘢...一邊整葡撻個酥皮, 一邊整蝴蝶餅....其實喺啲酥皮上面加啲糖再卷埋佢就已經係蝴蝶餅嚟架喇...焗完就食得....相當方便!


HAHA....貪心咗....諗住加多啲糖好味啲...點知冇人睇火...焗燶咗少少.....

葡撻嘅效果就比較好啲...

至憎整酥皮嘅我...睇嚟....呢兩樣嘢都應該唔會再整架喇...BYE BYE....有緣再會!!