lee幾日咁鬼凍....除咗食同瞓之外真係唔知有乜好做...好似前幾日咁做完facial又同咗亞美去銅鑼灣開飯....本來諗住去食buffer架...點知我哋實在太遲喇...食得嗰一粒鐘又好唔抵唯有放棄啦....最後去咗阿拉麵館開飯...哈!我哋又去玩大食比賽....冬天凍吖嘛...咪食多啲囉!!
其實我哋都係叫咗幾碟小食同一碟炒飯啫
....鎮江淆肉幾好食架...
熱辣辣嘅小籠包亦唔錯....
重有粉皮, 蒜泥白肉(lee個啲肉鞋咗啲...確係麻麻)...重有我至鍾意嘅醉雞....其實lee味餸同苦瓜嘅原理一樣, 都係喺姐姐、師奶仔薰陶之下先至愛上
, 之前真係掂都唔掂架, 好怕啲酒味...家陣反而覺得啲酒味都幾香...
加埋個炒飯真係飽到上心口.....由於太飽嘅關係...個飯最後都係食咗一半咋....
食飽梗係瞓啦....好彩前排亞美幫我買咗張暖毯...咁啱lee幾日都鬼凍....家陣日日都攬住張毯瞓....好爽呀.....
今朝真係凍到死.....真係想瞓晏啲....不過....今日約咗肥師奶去燒嘢食晨早九點幾就要起身....重要去山卡啦嘅小欖燒嘢食....真係凍屎人呀...真係吹到個頭都痛痛哋呀
...(今日市區都係得番11度咋....啲山卡啦地方真係唔知得幾度)
.....
今次係第二次嚟....原來肥師奶同過啲同學仔一齊嚟過...重懶醒咁話"我嚟過三次啦...."....車...好叻咩!
由於慌死蝕抵嘅關係...我哋12點都未夠就去到, 其實時間尚早加上今日勁凍真係冇乜人....家姐佢哋重話諗住燒到8點先閃...幾十蚊食足成日.....好堅....
一嚟緊係要開咗個檀先啦....有個哥仔起埋爐唔駛咁煩啦....
我哋一去到....肥師奶就第一時間拉咗我去個小型遊樂場玩...不過啲設施又確係殘殘哋又爛爛哋....有改善嘅必要
....
其實lee度啲食物確係一般...所以家姐佢哋早有準備....自備咗啲食物...
lee條爛容容嘅魚係烏頭嚟架....又幾好食架喎.....
重有大眼雞....都好得架.....
重有煨番薯同菜....個菜皇加咗啲姑同蝦乾....都幾香架....
魷魚都好好食.....
我就同肥師奶同排骨仔食完又去遊樂場玩, 玩完又食...食完又玩吓啤牌....唔覺唔覺都hea咗6粒幾鐘....我hea到6點就閃喇.....不過最堅嘅係....唔知點解二家姐、二姐夫同平時食好少嘢嘅大力都不停咁燒同食.....燒足咁多粒鐘又食足咁多粒鐘....真係堅!好有食力...揀正係我偶像!
好慘呀
...今日遇到個古惑嘅騙徒呀....呃咗我一百蚊去買一碗腐竹雞蛋糖水呀....行騙手法同補藥黨一樣! 我lee啲少睇警信嘅亞婆咪受騙囉....冇陰公呀亞婆錢都呃....
事原係咁嘅...話說我今朝做緊嘢嘅時候喺百忙之中抽咗個空出嚟擺番尋晚打邊爐嘅相去share drive....攪掂咪send隻貓比啲同樹叫佢哋睇囉....點知...唉!其中一個email address錯咗(咁我又確係好低能嘅)...send咗比條九唔搭八嘅茂利...條茂利重周叫人睇相...最變態係又有條友睇完啲相再打比個同樹問佢尋晚打邊爐玩得開唔開心!!lee啲行為確係好冇品呀...下次茂利落call我實hea佢呀(公報私仇lee家嘢係咁架喇)! so bad!!!
就係咁....無啦啦惹起一片民憤....就係咁....尋晚餐飯由$138變咗$188(騙徒就趁lee個機會乘虛而入).....最後重比人強搶咗兩張紅衫魚.......為咗平息民憤唯有放低兩張紅衫魚速逃啦!
正當我以為事件已經平息嘅時候騙徒又再出現...本來$70一個lunch....無啦啦又收咗我一舊水
....嗚嗚嗚嗚嗚!! 最後騙徒就將lee一舊水玩劫貧濟富....叫咗個tea一人一碗糖水!
lee碗腐竹雞蛋糖水成舊水架(原價係$10)...咁大個女都係第一次食成舊水嘅腐竹雞蛋糖水咋...真係威!!
通緝呀...著綠色外套...藍色牛仔褲嗰位女子就係騙徒喇(哈哈...今次抵比我表啦)..大家見到佢要小心啲!!隨時比佢騙財騙色架.....
今晚放工又約咗幾個同樹去西灣河......燒炭........就係lee幾位同樹喇...大家都好睇唔開呀....約埋一齊去後行燒炭.....係咁食同食.....肥死啦....唉!後生女乜咁睇唔開呀....
一嚟就玩燒炭....燒雞軟骨同雞腎...
重有鱔片....由於太大火嘅關係.....燒到啲竹簽著哂火呀....救命呀...火燭呀....
lee個細火燒嘢就啱喇....lee個係鴕鳥肉嚟架....
齋燒炭梗係唔夠啦...再打埋個邊爐就啱啱好...魚湯底...啲湯好味呀!!
個脆鯇同墨魚ball....兩樣都好好食....
有羊肉同一堆吸盤(八爪魚)....
重有瘦身姑同桶蠔....
lee個係推介...好食呀.....唔知乜叉嘢牛頸脊....$98一碟...
食飽再隊多碗豆腐花...超勁飽....後面嗰碗係超級臭嘅榴槤甘露...真係好q臭呀....食完碗嘢啲人唔好同我講嘢呀....
又打邊爐又燒炭...兩個禮拜打咗3次邊爐, 今個星期日又約咗肥師奶佢哋燒嘢食...重話要燒足一日....嗯!我諗...我應該就嚟爆蒼而屎呀!!
