悶悶哋又寫吓啲陳年卜先...呢日係大年初二....如前文所講....呢個悶爆嘅新年亞祖除咗喺屋企玩吓手指同無聊嘅馬賽克之外...就係搵吓啲朋友仔開飯喇....不過....事實又再一次証明...亞祖真係冇朋友架....搵咗幾條茂利....最後得一條友"穌"我咋....正所謂..."baby...你就是我的唯一...."
朋友仔提議去Apple Green食....又好喎...未去過去....試吓都好!
新年梗係要食餐好啦....齋睇menu....價錢好似略貴....不過都幾大碟.....而且味道確係唔錯! 不過....唔知係咪呢間分店太新呢.....得小貓三四隻嚟幫趁咋!
呢碟係唔知乜q嘢芝士片之類嘅嘢...都幾特別....
朋友仔話想食薯條...叫埋先.....好味!
好大塊扒....好在share....唔係真係食唔哂....好好味....其實佢都煎得幾熟...不過都唔韌呀...連舊菠蘿都好好味! 正!
新年難得有幾日假....唔興拜年嘅亞祖確係相當清閒同無聊....不過....除咗約朋友仔開飯同開飯之外.....都有其他細藝嘅! 莫非又係搓泥?! 非乜...呢期有新攪作....就係佢喇!
知唔知係乜嚟? 有冇聽過"馬賽克"呢? 其實即係用啲懶係colorful嘅磁磚砌啲懶係colorful懶係有格調嘅圖案出嚟....攪到啲本來平平無奇嘅爛鬼磚懶係有藝術色彩咁囉....今次小試牛刀...裝飾呢個木製嘅音樂盒先...size細細易攪啲嘛hehe(當然...大家都唔好expect我可以砌到什麼有格調嘅圖案或者攪到啲乜嘢藝術色彩出嚟啦
)!
啲磁磚嘅顏色同個盒嘅sample係唔同架...顏色同圖案就要靠自己去配搭同設計喇!
都幾好玩.喎拼吓貼吓啲磁磚......足足消磨咗一個下午....不過.....啲搓泥功課就未郁過喇....要加多幾把勁先得喇........
咁呢篇嘢嘅topic同呢個音樂盒有乜關係呢....因為....音樂盒入面嘅歌就係"世界真細小"囉...."人人常歡笑不要眼淚掉".....好聽!
年廿九....好緊張呀....第一次約卜友仔出嚟開飯呀....平時喺卜同facebook見到嘅"搣匙"終於可以一睹佢嘅廬山真面目!考展張呀...haha......當然開飯呢啲嘢....要搵多幾隻飯腳啦.....有小青蛙...火星人同佢朋友亞Mark...
呢度就係火星人推介嘅"四姐川菜"....呢間係私房菜嚟架...係咪好有"屋企"feel呢!
作為私房菜....呢個menu都算多嘢揀喇....
查實....一聽到食四川嘢都相當淆底....自問唔食開辣嘢...真係有啲驚食唔到呀....不過....又ok喎....反而唔覺得太辣....(可能老闆恐怕一般人食唔到太辣, 唔整咁辣掛?!)先嚟幾個涼菜先啦.....呢個係口水雞....佢啲食物辣得嚟又幾香架喎衰鬼!
蒜泥白肉.....都唔錯.....
呢個係四川涼麵....咪睇佢得啲麵同麵好似好寡咁...其實個醬汁好香好好味呀...
再嚟幾碟惹味小菜....有辣有唔辣....
呢排啲天氣濕淋淋咁....真係攪到人都閹悶啲....星期日重要落狗屎攪到街都唔想出....喺屋企無啦啦挑起條筋...應該係挑起咗條"黐孖筋"...無啦啦想玩吓煮飯仔...oh...sorry...實不相瞞....其實...我屋企係一粒米都冇架...應該係現"煮餸仔"先啱!
前排去泰國買咗幾pack咖哩番嚟....終於捨得整喇!
我呢啲老人家唔食咁激烈...要煲番個冬瓜粒湯"中和"吓先....
喺屋企除咗玩煮餸仔...重可以玩吓執屋同大掃除...節目真係"豐富"!!
佢..終於可以蒲頭喇..呢個鐘係上次去瑞士買架...遺忘咗佢添!底部吊喺度嗰個公仔係咁fing嚟fing去...影得唔清楚添!
話哂就到新年..頭頭皮皮都搵個揮春番嚟掛吓...全屋最有新年氣氛就係佢喇!!haha
重有呢孖幾年前買嘅kitty大吉....可愛呀!
新年除咗有"大吉"之外...重要有"桃花"嘛....呢幅畫係肥師奶嘅真跡嚟架....不過....典解寫咗咁多年"亞仔"呢兩隻字...仍然係錯架....吹漲!
好耐冇做骨精強北上尋歡喇....難得尋日搵到腳....一於三條茂利齊齊北上尋歡! 同之前一樣都係喺元朗搭van北上....搭車前醫吓肚先....食番碗好好味嘅車仔麵先...
食飽就上路喇....今次去呢間呀.."東方棕泉"....yeah...二位"骨"友都話ok呀!
骨完又食...呢次去咗骨場附近嘅"大漁"開飯......嘩!原來真係好多人架.....連外籍人仕都有......好在佢地方幾大....都唔算等好耐啫!
呢度係食燒物架...又幾多選擇喎......
重有飲品任飲...刺身壽司都係任食....啲燒物都好有水準架....燒魚...牛肉....蝦....蠔...樣樣都好好味.....其實重有好多款架....真係試唔哂!
嗯....啲甜品就真係一般喇....之但係...150蚊人仔任飲任食確係抵呀(港幣$165咋...重抵過人仔)....我哋咁啱唔夠人仔....用港幣比重抵呀...hehe!
今日放工同咗班嘩鬼朋友仔去咗食蒙古嘢......其實我都係第一次去K11咋.....認真大鄉里!...............................................
呢度嘅裝修都幾特別架喎.....不過個支客嬸嬸嘅態度就認真麻麻....好有趕客feel!
肚仔餓喇...先嚟一個牙籤羊肉...一啲都唔羶(不過又好似冇乜羊味)...嗯...都ok啦!
呢個係小饟包配橄欖醬&雞肝醬....係免費架....個橄欖醬唔錯呀...
呢碟係一啲都唔辣嘅麻辣拼盤.....
呢個係搵老趁嘅"烤餅配中東三重奏"...個名好似好威....原來都係幾塊包+3碟唔知乜醬(啲醬又唔係特別好食)...居然夠膽收我哋88蚊...真係"妖"佢吖!
香辣七彩粉條...呢碟都幾辣...不過味道唔錯...
香酥雞...穩陣之作....不過不失........
小紅袍豆腐魚....呢個辣辣哋嘅蕃茄湯又幾好味....啲魚又幾滑....正!
坦白講...6條友食以上幾碟嘢....真係食完都好似冇乜過嘢落肚咁...典解唔叫多幾碟?無他嘅...因為....啲嘢都唔平...重鬼屎咁細碟....真係食到破產都未飽...所以都係唔好錯落去...淺嚐一吓就算啦!
講咗咁耐...呢間嘢似乎唔多吸引喎...咁...我哋為乜樹要嚟開飯呢? 其實....係呢間嘢嘅另一個賣點吸引我哋去架.....就係每晚都有嘅肚皮舞表演喇...有4位姐姐架....學朋友仔話齋........每位姐姐都非常"胸"猛同"胸"湧....加上佢哋咁性感嘅衣著...真係非常"胸"險...好易走光咁...
都係呢兩位姐姐跳得出色啲.....
佢哋重會邀請啲食客一齊跳番part舞添...啲氣氛即刻熱鬧起嚟.....有位叔叔重跳得非常投入....簡直當自己置身舞廳咁...勁!
鳴謝:係呀...爭啲漏咗鳴謝一吓師奶仔添....好彩佢借咗張king parrot card比我哋...有85折...唔係重貴呀(家陣位位八十幾, 當見識一吓都ok呀)...hehe!
