冇錯,呢個係我立場...坦白講...我真係唔想喺FB發表,我只係將PROFILE張相變成黑色, 因為我知道屋企人未必認同我嘅立場...唔想因為呢件事同任何人造成任何爭拗呢!
起初我對"佔領"呢個方法真係有所保留, 對於啲糊椒噴霧同催淚彈雖然好反感,但係對於係咪應該撐學生真係好疑惑, 話哂呢件都係社會大事, 好想了解吓, 所以前兩日特意走咗去所有示威區前咗一轉(之前已經提過, 唔再詳述喇!!)....
尋日同啲同事講起佔中呢件事.....有好幾位同事都不約而同地反對...不過...佢哋似乎冇親身了解過事件呢....當大家認為條街比人BLOCK咗, 啲車行唔到, 又阻哂啲店舖做生意嘅時候, 究竟大家有冇了解過...無錯, 大路比人BLCOK咗,其實重有其他路比車行的, 要送貨的話會送到,當然真係要兜路,不過成條街都冇乜車,冇咗平時塞車嘅情況,計計埋埋未必真係爭好遠呢! 我相信其實最大影響係巴士路線呢, 不過...真係好希望大家體諒一吓!還有地鐵, 希望大家將就一下.....
另外,影響商舖, 大慨應該係指旺角同銅鑼灣呢兩個地方吧, 其實....示威者罷佔嘅路全部係大街, 大部份店舖都係大財團擁有, 大家認為真係有咁多小商舖可以喺呢啲租金咁貴嘅地立足嗎?當然周圍嘅商舖可能真係被軒連,不過,我所見,呢啲商舖已經逐漸開番...而且行人都不少呢, 我唔能夠話冇影響, 但係...應該未至於大家"想像"一樣呢!
至於居民話有噪音滋擾, 集會人仕亦從善如流, 十一時關咪, 多咗人聲但亦少咗車聲.....無疑,呢次佔中確係會對大家日常生活造成不便, 但係大家又有冇思考過學生們為要咁堅持呢?當大家痛恨樓價高、租金貴、大財團壟斷、雙非爭奶粉同學位、官商勾結之際,又有冇諗過原因?學生們祗係想有更好嘅將來罷了!!希望大家明白.....好多嘢要付出才有收鑊!希望大家唔只祗著眼面前利益,而犧牲長遠民主自由之路!
我寫呢篇嘢唔係想要大家支持/反對啲乜嘢,亦唔係想撩交哎, 我只係希望當大家"覺得"支持/反對佔中嘅時候, 麻煩大家用眼去睇真啲,千萬不要人云亦云,用心去感受吓理解吓學生嘅理念,凡事有利有幣, 不是一面倒的, 思考一吓再決定好嗎? 若然你了解一切之後認為學生們做法唔好唔啱, 我對絕尊重你意見哦!至少你有真正了解過開心過呢件事!
每次...我都係比"警察"叔叔迫我出嚟...今日下晝去咗金鍾, 幸好....仍然平靜!!
夜晚有壯男陪我走咗轉旺角, 氣氛比較緊張....不過已經比想像中好呢....
其實好怕示威者經常將"冇人可以代表到我"呢類說話掛在口邊呢...希望大家明白最終真係需要搵一啲代表同政府官員對話達成共識, 否則祗會係一盆散沙乜都做唔到呢! 家陣唔係攪個人主意嘅時候, 希望大家可以團結哦!!加油!!
無論結果如何, 今次至少已令唔少市民開始醒覺(包括我), 亦見證到政府嘅處事方法同辦事能力, 我好知道政治從來都係骯髒嘅, 不過唔知原來可以DIRTY到呢個地埗! 很可怕!!希望明天會更好!!
