日本豬仔團~Day3

第3日...繼續都係落雨...頂!今日係行程嘅重點(立山黑部)...竟然落狗屎...激死!呢個就係跟團嘅壞處...明知落雨都要照go...冇得走盞!!冇法啦...就係因為要去立山黑部先要跟團咋....唯有gogogo啦...其實一嚟都頗大雨架喇....好在纜車仍然照開...唔係真係去到都冇嘢好做喇....學領隊話齋, 咁嘅天氣完成到行程已經算執到喇!! (途中要轉幾次車...由山腳去到山頂再落山要搭5,6轉車先到呢)

今次明明係想睇秋葉, 點知落雨攪到周圍灰矇朦,睇都睇得唔清楚, 影相又難影...嘥哂!!其實沿途都已經有好多紅葉呢,若果天氣好一定好靚呀!!

 

天氣越嚟越差, 上到立山嘅"室堂"(亦即係山最高嘅位置)食完LUNCH就周圍行吓....嘩!一行出室外, 有雪呀...都算係意外收鑊喇....都幾大雪架....估唔到10月都落得咁勁, 據領隊講今個月7號已經落咗第一場雪喇....賞完雪就準備落山喇....轉幾次車又上番旅行團嘅巴士閃.....

 跟團嘅最大好處就係唔駛顧慮交通問題....一上車就瞓到死豬咁....直到番酒店...今日酒店嘅DINNER又係BUFFET...不過今日個BUFFET真係唔掂...最後都係要出去補飛...呢餐宵夜真係超正呢....淨係盤刺身已經好吸引....啲海鮮超新鮮....夾埋都係7舊水港幣...喺香港用呢個價錢真係食唔到呢.....食完呢餐真係飽到扣喉咁滯!

今晚DINNER又係喺酒店食BUFFET, 超唔掂, 自費ORDER咗兩件CAKE之後再出去食宵夜!