黏土製作の聖誕小禮物第一回

又到聖誕...又到聖誕....好快又到聖誕節喇...要準備吓聖誕禮物先...一份貢多啦...haha...不如整個雪人啦!!


逍常我都整多個自奉嘅....所以有兩個囉!!

加埋啲樹頭蛋糕同聖誕葉....應該幾有聖誕氣氛....希望妳喜歡!

食足一day...

隔咗成個禮拜...終於寫番呢篇嘢喇....上星期日....公司攪咗個地質公園 + 大尾督bbq 一日遊.....小青蛙佢哋知道有呢個活動即刻問我join唔join...見佢平平哋....又可以邀請埋屋企人一齊去...所以就吹雞搵埋排骨仔兩兄妹同大家姐一家一齊去玩番日!!

真係晨咁早就要出發喇.....8:30要喺金鐘等....之後就搭旅遊巴去馬屎洲......一嚟就參觀吓佢個乜鬼教育中心先啦!!

跟住就開始行山喇....其實路程唔算長....大慨30分鐘都行到一程...來回行一粒鐘應該ok...之但係....條路對小朋友嚟講真係有啲難度...太細嘅小朋友好似meme咁..真係行唔到要搵日抱...真係睇到都驚!! 而不朽都超級怕搭船嘅肥c奶都話回程要搭船唔再行喇...haha! 其實呢日真係幾哂.....幾熱架.....佢哋兩隻兩魔怪行完都已經好勁!!

終於行完一程喇....影番張相先....你睇 (右下圖)幾多人排隊搭船走!!

回程嗰陣大家姐話想試茶果...又買咗兩舊齊齊食.....之後又繼續下一個行程bb蕉喇...oh...原來又係呢度....唔幾耐之前先同啲朋友仔嚟過咋喎!

同小青蛙去...又點會淨係食腸仔牛丸呢....由於時間關係...佢已經一早準備好蝦...大菇菇...茄子...蒜蓉包等...由一點燒到4點...真係飽飽喇!

本來諗住番屋企梳洗完先趕下一場...之但係又好似太趕...所以最後直接去旺角同朋友仔開隻.....見時間尚早朋友仔又未到...去朗3

黏土蛋糕の生日小禮物 (11月喇星第二回)

妖...比"雅虎"食咗呢篇嘢...上星期明明一氣過寫咗3篇卜...今日再睇一睇先發現原來呢篇冇post出嚟...重變咗draft!! 真係吹啤!! 算罷啦...擺番出嚟先!!

話咁快又要送蛋糕比朋友仔喇....見呢期整開公仔...又自由發揮一吓先...嗯....不過....又冇奶油無啦啦整隻"無拉耕"嘅公仔送比人架喎!! 最後...整咗呢粒小蜜蜂送比佢....典解要整小蜜蜂?! 因為呢位朋友仔係出名嘅"活力先生"....精力充沛...而且比我嘅印象係佢讀書時好用功又努力....十足十一隻勤力嘅小蜜蜂!

見佢個造型都幾得意...整多個比自己keep....size有分別架...最後送咗size稍長嗰個比朋友仔!!

yeah....終於完成今年嘅"壯舉"...呢班朋友仔都收哂我啲禮物喇....當然...重有啲其他朋友仔同埋屋企人未送啦....要等下年4月先送完一round呀...努力!!




唉...另一個11月喇星都未蒲頭....都好...難得有機會影張合照!!

重有樹頭蛋糕剩呀...諗緊聖誕蛋糕....當x'mas gift送禮自奉都好喎!!

地質公園

11喇星飯の餓鬼投胎

尋晚又同咗班餓鬼去食喇星飯....今次我哋終於衝出老尖去咗灣仔嘅"留園雅敍"...啲朋友一坐低就話n年前嚟過...真係冇印象喎....真係年紀大!!


今次食上海嘢...都ok呀...不過價錢略貴!!

食飽飯朋友仔就提議去食糖水....點知...一個二個好似未食飯咁..又食過...好得人驚呢...人哋十零歲就話發育食多啲嘢啫...我哋幾十歲人都係咁....恐怖哦!

我和肥師奶的豪門夜宴

上星期....肥師奶話佢有份視藝功課....重係"搓泥"嘅視藝功課....提起搓泥...佢就緊係醒起我啦...不過佢話要整豪門夜宴喎...真係考起!!...一時又話整魚翅一時又話整燕窩...之但係我通通都唔識...典教佢呢....最後佢話想整個冬瓜盅....嗯...都可以試試嘅! 我用埋之前做多咗有剩功課擺落個冬瓜盅度....豐富啲呀!


其實肥師奶都整咗唔少嘢架....重有四位貴賓架!! 最後...呢份功課好高分呢...開心屎佢喇!!

 

 

 

 

 

四個飲樣

 

前排無啦啦有位好日都唔見吓嘅表哥話就嚟嫁女, 重請埋我同啲家姐去飲...(不過我真係好似從來都未見過呢位就出嫁嘅嗰位"細姪女"囉...haha)...以前呢啲場合都係搵亞媽頂哂...家陣就由大家姐頂上...二家姐就搵排骨人做代表...我嘛跟大隊啦!!...就係貢....星期六無情情跟咗大家姐去飲...橫掂都比咗一情當去食餐好嘢啦!!

呢次我哋去文華東方酒店飲...呢3個飲樣搵路中...第四個飲樣咪就係揸機影相嗰個囉....


亞祖個飲樣都冇乜好睇啦....點都唔夠佢靚啦....不過今次佢唔肯做"公主"呀...整套套裝過佢著啦....

去飲其實都係食嗰啲嘢啦...咪以為呢碟菜苗菇菇好普通呀...其實佢有燕窩架...不過....確實有點"夾硬"加落去嘅揀著....


冇魚翅食...改為雪梨花膠湯...呢個湯都ok呀...啲魚都好味....啲食物質素確係唔錯呢!

由於坐我隔離揀飲擇食嘅排骨仔隊咗好多嘢比我食....晨早都已經食得飽飽哋...個飯同麵都扒都兩啖算喇...當然...紅豆沙係另一個肚嚟嘅...食埋甜品就好完滿喇....




最後呢兩款甜品真係太甜....敗筆!!

黏土蛋糕の生日小禮物 (11月喇星第一回)

今次呢位真係喇星中嘅喇星....呢位小喇星成日話我學咗貢搓泥屎都冇搓粒比佢...典呀大佬...你吓吓要隻高達....典搓比你啫...人哋真係連高達係乜樣都未攪清楚架嘛!! 唉...見應承咗送蛋糕比你...就整隻高達過你喇.....haha....其實...整完都唔知似乜....唔識高達嘅人可能覺得有啲似層層...不過若然係高達fan屎應該覺得唔似貓唔似狗呢!!

話哂係第一次整....要求唔要貢高好喎! 高達粉絲們...睇完唔準笑我架!!典解有兩隻?! 好明顯喺覺整一通之下....第一隻整得太大....唯有再整啦!!



足足整咗半日架喇.....傻版高達出場喇!!!

嗯...呢個角度...加埋呢個牌...重有隻"十字架"....好似啲(大家想像吓....若然擺多札花喺塊"十字架"牌前面都幾似係"XX")...haha....唔係好老嚟貢添...梳ly呀....

haha...呢位高達"姐姐"都幾好"濕柴"架喎...整完先發覺唔對路....心口呢個位...好似第一隻失敗之作整得好啲哦!


唔理喇....唔再整喇...真係怕咗佢....諗住上網搵吓啲圖做吓功課啦....典知嚟搵去都唔知邊個樣至啱嘅...原來呢個世界上...有萬七貢多隻高達架...五顏六色...其實整完隻嘢...我都唔肯定佢頭頂嗰兩條天線係白色定係黃色....塊面有幾多劃紋身.....真係吹啤!!

算把啦....上完光油乜都唔理喇!! 話時話....事主未收到份禮物架...不過見佢好日都唔睇卜咪post出嚟先囉...鬼叫佢十年都唔蒲頭咩都唔知幾時先送到比佢.....係貢架喇....haha!

黏土製作の節日食品 (第二回)

上回講到整古古力....呢期就輪到整中秋節食品喇.....呢度已經係兩堂嘅功課嚟架....全部都未上色!


嚟喇...又到猜猜猜時間....大家估到呢堆黑色嘢係乜東東嗎? 肥c奶話"係屎...黑色好核突呀....我都未食過...唔知係乜"...真吹漲!!斷估聰明嘅大家應該估到佢係"菱角"!

佢哋真係一啲都唔簡單....好難整吓....雖則整得未夠靚....不過都應該睇得出佢係洋桃嚟.....

呢個...正常人係應該估唔到架....不過...凡事總有例外....c奶仔竟然估到佢係乜....比十個勁你!! (其實佢話知道我整中秋食品先估到囉!!)...好...開估: 佢...其實係...芋頭嚟架....希望上咗色似番啲樣啦!

 

呢堆又係乜呢....嗯...貼士係...我平日好喜歡請人食嘅! 無錯...就係"蕉"喇!!

呢個應該算易估喇掛....佢哋係林柿嚟!


嗯...呢堆嘢...影close up重難認....haha....呢個size都幾細....都好難整呢...已經嘗試咗好多粒....不過效果都係麻麻...其實...佢哋你花生嚟架!

呢幾個識喇掛...佢哋咪就係水晶梨囉!!

希望佢哋上咗色會靚仔啲啦!!