金柚泰菜

今晚同咗幾位卜友仔開飯....呢間係卜友仔推介嘅泰國菜館喇....


yeah...有我至愛嘅冬蔭公呀....另一個係椰子雞湯.....蒜蓉包同沙爹....

呢碟肉碎好香架....重有芥蘭, 拼盤同咖喱蟹(碟蟹都係百幾蚊咋,隻蟹超大隻...真係抵喎!)....

重有我至愛之一"柚子沙律"...加埋個菠蘿炒飯真係夠哂皮...


其實呢餐係2月喇星飯嚟架.....呢個時候當然唔少得小青蛙牌蛋糕啦!! 楊枝金露蛋糕...好味!!

真係多謝卜友仔們嘅生日禮物同手信呢....估唔到重有利是收添呀..."些些"呀!

富貴晚餐@富聲魚翅海鮮酒家

話說前排小青蛙佢哋個部門食飯嘅時候...師姐幸運地抽中大獎....現金3千大元呀....於是師姐就好慷慨咁話請我哋食魚翅....重請埋我添...真係揀動呀!! 由於聖誕同新年大家都好忙碌....呢餐飯尋晚終於有得吃喇...haha!! 其實幾年前師姐都請過我哋架....真係多謝師姐......



其實呢度食嘢真係唔平架....所以呢...原本諗住師姐請我哋食魚翅好喇...其他食物我哋夾番(淨係請魚翅都唔平哦)!! oh...不過打門餐牌一睇....一碗魚翅要參唔多兩舊水....雖則我哋不嬲諗住兩人一碗share...不過同樹們計過都係唔係太抵...之但係又真係有人未食過喎....最後叫咗兩碗翅....其餘就叫個湯share...其實啲湯都好好味好足料....正!! 左上角嗰碟係湯渣嚟架...啲肉都好淋架!! 重有生炒骨同肉餅...不過肉餅就一般喇!!

嘩....重叫咗半飯乳豬....好好味呀....好脆又唔肥啲肉重好滑....重有個炒粉絲都好香架....wooo右下角嗰碗就係翅喇....同樹話好好味架!!


左上角嘅啫啫生菜都勁香...隔離個臘味糯米飯都好食呀....重個雜菜煲同雞!!

重叫咗個排骨鴛鴦腸煲仔飯....如果你喜歡飯焦嘅話啲侍應重會特登煲啲飯焦比你架, 真體貼!! (之但係呢...個"飯"嚟講呢...又好似真係廟街嗰啲有特色啲...haha...原來我都係妹仔咀!!!)....好喇...最後就緊係整番碗甜品潤潤佢啦(有桂元茶, 楊枝金露同麥米粥)...又唔想食凍嘢...最後揀咗桂元茶....oh..原來有湯丸架喎...其實湯丸我真係唔係太好....好怕食成個冇味嘅糯米粉,  有次我真係試過食到作嘔呢!!....好在佢真係皮薄餡多....都ok哦!! 好開心好滿足嘅一餐!!

十年

尋晚係公司一年一度嘅annual dinner, 都係去九展擺幾圍.....唔經唔覺今年已經要攞老人牌喇...唉! 咁就十年....人生又幾多個十年.....咁就過咗!! 真係有啲驚呀! 其實敝部門重有4個人陪我攞老人牌...大家不約而同老話估都估唔到自己會喺到做咁耐...haha!! 坦白講...十年前啱啱嚟做嗰陣我只係諗住喺度投資3年時間...點知又真係3年之後又3年....結果hea足10年.....居然對"工作"都可以咁長情...真係要比10個叻比自己!

由於要攞老人牌所以要晨咁早去"領獎"!! 已經冇乜性趣去annual dinner架啦...重要4點去到都唔知做乜! 今年個mc嘛...高皓正...嗯....悶悶的mc...除咗唱歌環節比較熱鬧之外....其餘時間氣氛頗悶哦!!


今年大會準備咗燕窩比每一位同事作為禮物...人人有份!!

呢張cert同金牌就係長期服務獎喇.....乜個金牌同上年拎5年服務獎參唔多咁嘅!


oh...原來唔同架, 無論係設計都金嘅純度都唔一樣....同事話5年個牌係24k金...今次呢個係999純金....價值2,3xx大元!!

後記: 本來我哋呢個老人牌係annual dinner開飯前頒...理應冇乜人知....點知佢食飯嗰陣係咁loop住咁播番攞咗5年同10年老人牌嗰啲人嘅車頭相出嚟....頂...播足十幾廿分鐘....本來都冇人留意架嘛....最後揚都9彩...頂你吖!!!!

泰國骨場の旅2012- Day ６

其實除咗omlette之外．．．茄汁豆都係至愛之一．．．平時反而好少買嚟食（就算買一罐都會食唔哂．．好浪費呢）．．．


haha．．．我哋呢個團好貫徹架．．．話咗係骨場之旅緊係日日都要骨骨佢啦．．．一粒鐘都唔好放過．．．按吓腳仔先！

唉．．．話咁快又要番香港喇．．．．到咗曼谷機場先食ｌｕｎｃｈ．．．．第一次去地下foodcourt食嘢咋．．．冇哂粉食唯有食海南雞飯啦．．．之後再整多個芒果糯米飯先．．．嘩！勁搵笨．．．得半個芒果咋！

再見喇曼谷！

今次個飛機餐都ｏｋ．．．咖哩雞飯．．．

由於機上太早食飯．．．落機食多少少嘢先番歸．．．勁飽!

泰國骨場の旅2012- Day 5

第5日...我對呢個omlette真係情有獨鍾...日日都要見佢一面見高興...再隊吓草先!


之後就行BMK....行完就去咗foodcourt食嘢...啲粉好好味呀...重有豬手飯同芒果糯米飯...芒果都好甜呀!

食飽就spa喇....呢間係信心保証!! 今次玩4粒鐘做埋facial...所以中間有個tea break!


做完4粒鐘spa又到咗食晚飯時間...其實間spa都係喺酒店附近...我哋去番酒店樓下嘅Terminal 21搵咗間食肆開飯!!

番到酒店...又要面對我至怕嘅"執喼"環節...見到成堆嘢都唔知點質入喼! 驚驚!!

泰國骨場の旅2012- Day 4

係！！早餐又係佢哋．．不過今日有試碗粉架．．．．之但係．．．真係唔多好食囉！！

之後又出發喇．．．．都係shopping同shopping啦．．．之後就去咁ZEN食lunch．．．樣樣好味！！


之後．．．可怕嘅事情就發生喇．．．林真真．．．一個令又大驚又開心嘅地方．．．因為．．．我見到啲一包二包就失控係咁執架喇．．．其實我笨唔係係又買唔係又買架喇．．．買手信之餘重幫朋友仔買嘢嘛．．．最後要pack箱送番酒店！順快又"唱"錢．．．真係唱極都唔夠架．．．

之係骨嘅時候喇．．．．今次都係酒店附近（其實酒店附近超多骨場架ｈａｈａ）


之後都係去附近食嘢．．．．去咗Basil食泰菜．．．

泰國骨場の旅2012- Day 3

又嚟．．．第３日．．又係呢個早餐．．．ｈａｈａ．．．未來幾日都繼續係佢！


食飽又出發shopping去．．．今次去行supermarket (Tesco)．．．不過好似唔係好啱睇．．．．

行完又去食lunch喇．．．今日清清哋食齋．．．．都幾特別！

之後又去食甜品喇．．．Swensen's．．．次次都要幫趁吓佢先開心！！


之後又去骨喇．．．其實呢間嘢正正喺酒店樓下．．．超方便．．．今次試泰式按摩！按完重有芒果糯米飯食！

按完又到食飯時間喇．．．去泰國當然要去探吓建興啦!! 我的至愛３寶!

泰國骨場の旅2012- Day 2

第二日...一早起身緊係整個醒神早餐先啦....嘩...有好多嘢食....好似食lunch咁(有咖哩, 小菜, 意粉)...不過....晨早流流食lunch咁食我個肚仔又點頂得順呢....所以我都係食番"正常"嘢算喇....


之後又出去行吓....都係siam附近shopping....行咗陣就去咗iberry食甜品....好味!

再行多陣又去食海南雞飯.....食開嗰間冇開....行去隔離食第二檔!


之後就去骨喇....3粒鐘....爽呀!

再行過啲就係佢喇.....當然唔少得palma ham pizza 同鵝肝啦...正!


食埋甜品就真係超滿足呢!!話時話食過咁多間芒果糯米飯．．．呢間真係足料又好味！讚!!

泰國骨場の旅2012- Day 1

話咁快就過咗6日喇.....今次嘅泰國之旅如楝題一樣...."骨場之旅"...呢幾日除咗食同shopping之外就係骨同骨....種之...日日有骨揼....正!!

2月10日...天晴...宜出外...hahah.....兩點幾機...食咗個lunch先上機!!


上機又食...飽!!

大慨6點幾終於到酒店喇...今次住喺位於Asok站嘅Grande Centre Point...環境唔錯....方便之餘間酒店重好新!! 上年11月先開架咋....

安頓之後就出咗去"唱"錢兼開飯...呢度係Nara....又食泰菜....又幾好味喎! (柚子沙律, 咖哩軟殼蟹,生蟹同沙爹)
yeah..食飽去按腳....不過呢間一般咋...

黏土蛋糕の生日小禮物 (2月小喇星)

今年第一次送出嘅黏土蛋糕....係....係妳喇....亞妹....生日快樂呀! haha...其實我知你like melody...不過....好難整呀...收住貨先啦....希望你鍾意佢啦!!


上埋光油會"襟"啲架!!