親愛的 • 小王子

《小王子》呢本書相信大家都應該聽過....唔知你有冇睇過呢?雖則呢本書被譽為最佳嘅兒童圖書之一...不過...我都係大慨6年前先睇呢本書咋(真係幾十歲人先嚟先)...唔睇由自可...一睇就愛上咗小王子...佢實在太可愛喇!

一直都想去圓方睇小王子......難得今日放假...重係小王子展覽last day....點都要去睇睇啦.....好彩趕得切睇啫...hehe

高傲嘅玫瑰....又確係好"高"喎....個玫瑰園好靚呀....

擺到啲嘢一忽忽....又唔識路...走嚟走去先見到下一個"景點"....

其實前前後後睇咗本書兩三次....不過有啲故事人物都遺忘咗(老人痴呆嘛....係咁上下啦)....睇完個展覽好似再睇番本書一樣.....

嗯...呢個應該係好自負嗰位人兄...隔離係個成日想忘記啲唔開心嘢嘅酒鬼...

重有日日夜夜點燈點都冇停手嘅茂利....小王子同個嘅best friend玫瑰...

小王子重遇到個做咗金錢奴隸嘅商人....重有呢個好有權力國皇...

呢個應該係淨係識吹水嘅學者.....其實....小王子遇到嘅人....大慨我哋平時都會遇到唔少(又或者你同我其實都係呢啲人...haha).....所以呢...呢本書除咗啱小朋友睇之外...重好啱大人睇架....可以令大家好好反思一吓....

重有蛇吞象呀..................................

睇完去醫吓肚先...好味...好滿足好充實嘅一日假期!

輕鬆一下

終於輪到8月喇星出場啦...又可以同啲朋友仔吹吓水食吓飯relax吓...今次我哋去咗蘇浙匯...以為佢咁得"腳"會冇乜人去啦...又估唔到都幾多人架喎!

個個都叫哂啲小食...haha...不過...當然有叫我嘅至愛"醉雞"啦...當然唔少得小籠飽...重有糖醋排骨同薰鴨...呢幾樣都唔錯....

重有薰魚...生煎飽....上海炒麵同蛙蛙菜...都ok喎...

松子魚(確係唔平...不過都幾好味)....唔知乜乜炒肉(好似冇乜特別)....水煮牛肉(唔知典解有好多配料...如果啲肉唔係咁羶應該好味啲..)....

臨尾香嘅甜品...唔知乜乜椰香糕...應該係擺咗十年冇人要再推介比我哋...舊嘢擺到硬哂...唔掂! 至於個棗泥拉糕呢...都冇上次去澳門食嗰個咁好!失敗!

黏土製作の小食檔第一、二回

本來唔諗住再報工聯會啲黏土班架喇....因為教學質素似乎麻麻....又參差...想出去上啲好啲嘅course...不過...近排好似擺唔到好多時間去搓泥...為免嘥錢do係報番cheap cheap嘅工聯會玩吓先....又難得今次搵到個時間唔錯嘅course嘛...而且呢期個老師又好似ok啲喎.......

好喇...又係估嘢時間....呢個應該算易估喇....圓圓地嘅...係炸魚蛋嚟架(其實有普通魚蛋架...不過漏咗影佢hehe)..

其實個魚蛋檔重有其他嘢架....呢個係乜? 咪就係魷魚囉...

個小食檔重有煎釀3寶架....呢個....咪就係....紅辣椒囉....

呢個....睇完上面嗰堆嘢實估到呢堆係乜啦....青辣椒呀....

嗯...呢個未上色又真係好鬼難估...其實佢嘅真身係豆卜嚟架!

呢個又知唔知係乜呢?! 今次唔似青豆喇掛...佢係青色嘅燈籠椒...

又影個全家幅先.....

都話無事忙架喇...真係太貪心喇...太多嘢想做...又有太多嘢唔知點做....又話做吓正經嘢...不過又想寫吓卜...haha...心散...抵打!

芒果雪糕~你喜歡嗎?!

呢排唔知係咪太忙....其實又唔知忙乜....總係無事忙...忙到有點累...心情悶悶的! 前晚二家姐打電話比嚟約我一齊開飯....之後再同排骨仔傾咗幾句....排骨仔劈頭第一句就講.."亞仔...啲香蕉雪糕好好味呀...我好鍾意食蕉架...."...就係呢句話...亞祖聽完之後忽然開心番...haha!! (相大家都覺得呢句嘢冇乜特別囉)...不過....對亞祖而言...排骨仔確係可以令亞祖精神百倍嘅靈丹妙藥....

記得N年前排骨仔重係兩、三歲嘅時候....佢係寄居喺亞祖屋企架...當時...亞祖番工番到好鬼唔開心....某一個星期五晚上....亞祖番歸途中突然好鬼掛住排骨仔....好想見見佢 (不過排骨仔每逢星期五晚都要番佢嘅"娘家"小住兩日)...由於工作繁忙...亞祖太夜歸喇....番到屋企排骨仔都閃咗啦...睇怕要星期日晚先見到佢喇!!....正當我帶住失望嘅心情番屋企打開大門之際....忽然見到排骨仔企喺門口大嗌"亞仔".......當時亞祖真係超級開心呀.....煩悶嘅感覺一掃而空....呢樣感覺真係非筆墨可以形容!

咁上面嗰兩段嘢又同呢個芒果雪糕有乜關係呢?! 正如上文提要...亞祖呢排確係有點忙....本來呢個星期都想收爐唔整雪糕架....不過....同排骨仔傾電話嘅時候佢話想食芒果雪糕呀....其實佢冇話要即刻食架...係我心急整比佢食咋...haha!

好彩比我買到幾個靚芒果.....好香呀....

整咗好大兜呀....滿瀉咁滯喇.....haha

希望排骨仔鍾意食啦!

墨寶

哈哈...新鮮熱辣....啱啱收到肥師奶送比我嘅兩幅大作...重提咗幾隻字.....好靚呀....

好喜歡呀~多謝肥師奶.....

Kitty Lab 2010

又係一年一度嘅Kitty Lab...唔覺唔覺今年已經係第3年去喇....今次終於買到"快証"...真係慳唔少排隊嘅時間...

今次終於可以光明正大咁影相...唔駛偷偷摸摸....實在太好喇!

樣樣嘢都好鬼得意.....超鍾意呀....

今次以一group group嘅形式玩(即係將一堆人組埋一group玩..因為有啲係集體遊戲嚟架!)...咁樣當然係方便控制人流...不過我就喜歡之前嘅形式多啲喇...可以慢慢行...今次好似比人趕鴨仔咁....

今次有啲game都幾有趣...跟住個screen擺pose同影相...

有grade分架...我重有張cert.添呀...重送埋個folder你夾住張cert...都幾細心喎!