史前夏水禮@OceanPark

尋日又同咗兩隻小魔怪去咗海洋公園玩....唉....又未病好....查實....真係唔多想去添....不過....又唔想令小朋友失望....屎就屎啦......

嘩....超熱....熱爆燈嗰隻....玩咗一陣都一身臭汗....都係坐低抖抖先.....

多人到呢....真係超多自由行........

坐完摩天輪, 過山車再睇埋海洋館就去肥師奶期待已久嘅"史前夏水禮"喇....

乜嘢係史前夏水禮?原來....就係咁?!....

同埋咁?! 噢....真係有啲失望呀....斷估18歲以上嘅朋友們都應該冇乜性趣玩喇.....連排骨仔都話"好低能"唔想玩呀...so bad! 不過.........都好在有肥師奶呢個fan屎....佢不知玩得幾開心.....真係乜都啱玩呀佢....勁...!

玩完夏水禮就去睇吓恐龍嘆陣冷氣先啦.....

話時話....你哋又估吓我哋喺乜嘢地方排隊排最耐? 玩機動遊戲?夏水禮? 非乜....其實兩者都冇乜人玩......反而掛得好快吓.....勢估唔到......今時今日去海洋公園....要排長龍嘅地方......首位居然係搭纜車....足足排咗成粒鐘.....而第二位就係海洋館(其實水母館好似重多人...不過...明顯地...我哋放棄咗啦......)?!...乜話海洋館都要排隊係.....重要排足廿幾分鐘....入到去重係多人到乜鬼都睇唔到......問你死未! 冇法啦.....觀察所得大部份嘅自由行都係上年紀人士....太刺激嘅遊戲應該唔啱口味掛!!!!!

坐完纜車再去睇吓小動物...唉...又要迫過......考多人呀....

不過....裝修完c服啲迫都冇迫得咁辛苦....成日最c服就係睇動物喇! 之後再陪啲小魔怪去兒童王國玩....7點幾先閃....真係散哂!

lunch buffet@都會海逸酒店

尋日同咗幾個朋友仔去咗紅磡嗰間都會海逸酒店食lunch buffet....呢又確係幾多嘢食架喎......有生蠔....不過....一拎出嚟就好快比人掃哂......

魚生都有好多款...不過....尋日狀態真係太差...冇胃口食...一舊都冇食過...

燒味都唔錯...重有蒸咗條魚架....重有其他熱薰同湯....

啲菜都好新鮮吓.....

甜品方面就更加有聲有色....好多種類....

個樣好吸引咁喎........重有雪糕添呀....................

之但係....真係冇乜胃口食呀...清清哋整咗碗"蟹膏蟹肉鮑魚燕窩粥"算啦!

雖則冇乜胃口...不過...甜品呢家嘢點少得架.....超正梳乎厘.....真係要推介吓...

食埋生果就夠哂皮喇....唉.....難得食餐好又病鬼咗...真係激屎人...嘥哂!!!

美少女廚房

如題..."美少女廚房"...話明係"美少女"....梗係搵個靚女整嘢食啦....咁靚女呢家嘢...當然係指亞袓.....個姨甥女....肥師奶啦...(好明顯..呢個純屬係個人意見囉...呵呵!)

今次係整曲奇餅呀......兩隻小魔怪無啦啦話嚟我屋企整曲奇..........又冇食譜喺手......唯有買現成曲奇餅粉頂住先啦................

整之前都不忘擺擺pose先.....haha.....

乜解究一個人有咁隻手架呢....其實重有我同排骨仔兩個助手幫拖架.........

係咁攪....係咁攪.......

攪掂...可以拎去焗喇......

嗯...啲形狀好似怪咗少少......"唔緊要啦...食落肚一樣".....呢句嘢.....成個整餅過程之中確係聽唔少......吹啤........

噢...出事啦啲曲奇漿大督得滯..變咗一大餅...重驚佢唔熟添...焗咗好耐先敢拎出嚟!

好...第二次就吸取咗經驗...雪咗啲曲奇漿一陣先再整...今次整細督啲....

雖則有啲大小不一...不過都算好樣咗....

都...都....都...係同個盒個樣...差....差....差....差....唔多啫....呵!

搓my breads (第三課)

又係搓包嘅時間.....典解上完第一堂之後咁快又去咗第三堂...嗯...人哋搬屋忙吖嘛...走一堂休息吓都唔係好過份啫...

言歸正傳....今次又搓麥包....真係幣家伙喇....今日兩位高材生都冇番...靠我哋3條茂行....真係出事....搬完一輪屋...試問.....我重邊樹有力搓包呢!!

今次重要2合一....一次過搓兩個包...真係焗搓喇.....

今次個麥包重加咗啲乾果......

由於太大舊粉...我哋分開3舊搓...最後再搓番埋一齊......

再舊粉團cut開一半先...其中一個就加啲濕米...不過...好似唔多match....

啲濕米飛哂出嚟咁......

由於麥包實在太難搓...最後都係要用機搓多幾搓先得....

終於似啲樣喇....冇錯...今次我哋食"蕉"組....好明顯...隻蕉係我劃架啦...hehe!

等舊粉發起之後....就好頭皮咁切開細舊.....

你睇...啲包大細超咁就知我哋cut得幾頭皮啦...

另一款就更加大細超......

oh....有啲花整得唔夠穩陣....呢個花款...確係有啲不雅...好似伸咗隻"中指"出嚟咁...不過...又幾啱我style...我喜愛喎...

焗好喇....個樣都唔差吖

好...下次要喺造型方面比啲心機先得....嗯....不過.....我都係想整番隻"菠蘿龜"出嚟呀...我諗....呢個造型應該幾'殺食"囉....