上個禮期五改完個program諗住上production,咁咪send個test plan 比星洲人過目啦,點知尋日嗰邊覆番我話個program好慢...大佬個program已經由run一粒鐘改到run十分鐘就run哂,個test plan都寫得好清楚
,真係盡哂力!但係個星洲人竟然一嘢就reject.... 終於我要吹番成版紙咁長嘅mail解釋先pass 個QC.....我頂
!
其查類似嘅事件都唔知點解經常發生喺我身上,次次都要作一篇文先上得program相當煩躁
!最激一次就係明明個report次次都run嗰兩三分鐘佢都居然話慢,重解釋極都唔信,死都唔肯上production....真係唔多明解,究竟係星洲人對我(哋)有偏見,定係我真係咁信唔過呢
!唉,媽媽上次重話將program tunning嘅重任交比我....死梗啦
!
前幾日媽媽(我老細)同我做咗mid year review,不過我祗係哋用咗20分鐘傾工作上嘅嘢, 反而用咗半粒鐘閒話家常
!其實佢都係想關心吓我亞媽嘅近況同吹吓水咁啦....講開我亞媽,媽媽又有感而發咁話:
今日下晝同咗排骨仔、肥師奶同大家姐去咗睇兒童話劇"小紅帽的藍色世界",其實今次我已經係第二次睇lee套劇,對上一次睇已經係三年前嘅事喇,不過上次因為肥師奶太細(得嗰兩、三歲)冇帶佢去,不過比肥師奶知道咗我哋睇兒童話劇唔預佢之後,佢猛咁鵝我同大家姐,重鵝咗幾年添不過由於今次換咗女主角(小紅帽)之後好似失色咗啲....所以前日大家姐知道lee套劇重演就第一時間去買飛帶肥師奶去睇
!
!之但係飾演豺狼嘅嗰位哥哥就同之前一樣咁出色,而且啲道具同佈景都靚咗啲制作認真咗
!除此之外,重無意中發現排骨仔真係大個咗好多喇,上次同佢睇lee套劇見佢係又笑唔係又笑,又成日"問點解咁嘅?"...不過今次睇話劇我祗係聽到佢猛講"車!扮可愛"同"好無聊"咋!
今晚約咗幾個舊同事去灣仔開飯,話時話對上一次同佢哋食飯已經係兩年前嘅事喇!咁耐冇見大家一坐低梗係update 吓近況啦,原來光少同添少都讀梗master,袓兒重晨早畢咗業添,而宙斯就做梗經理
.....大家嘅話題都離唔開工作,讀書同旅行...席間有人問我...我答:「冇呀!」 舊同事:「做咗咁多年係咪升咗做SA(System Analyst)喇....」 我答:「未啦....我問公司唔興升職架!」 我答:「近排冇留意喎!」 舊同事:「咁有冇讀吓書....」 我答:「都冇呀!」 我答:「吓冇喎!」 舊同事:「家陣有好多人寫blog,你有冇寫吓....」 我答:「(雖則係有...but我都係答:冇)!」 舊同事:「有冇搵吓工呀....」
舊同事:「lee排股市係咁升,有冇抽吓新股....」 
我諗喺佢哋心目中都應該係用「懶」、「hea」、「冇鬼用」 lee啲形容詞嚟形容我!的而且確佢哋講嗰啲讀書、搵錢、旅行...都係我以前好追求嘅嘢....不過若果lee一刻你問我想要啲乜嘅話,我諗我都係答一個好老套嘅答案...就係"日日都要過得開心".....咪以為lee個目標好簡單,要做到嘅話真係要好高道行先得!我諗一定唔會易過讀一個master、搵份有"錢"途嘅工!不過我都會繼續努力去達到lee個目標嘅!!
今日放工終於去咗金鐘地鐵站換咗架"鬼馬轉向車"比排骨仔
,其實排骨仔真係超級鍾意地鐵無論係搭地鐵同玩玩具地鐵,佢都係超級fan屎!查實之前都已經換咗好多架車仔比佢,有幾架真係換得好苦,有血有淚架!lee架就係排骨仔嘅至愛"鬼馬轉向車"喇
...
記得以前為咗儲分換車仔,日日焗住迫地鐵番工(本來可以舒舒服服坐巴士架),最慘係喺葵芳迫完去地金鐘又迫過,未番到公司都已經攰死咗!又有一次由於唔想成個月都要迫地鐵番工嘅關係,諗住把深一橫坐一程地鐵去機場儲分(一蚊等如一分,坐一程去機場閒閒地幾十分,係咪好低能),點知坐完程地鐵去機場之後再check分發覺冇扣錢!走去詢問處再check,點知個職員話我張八達通冇搭去機場嘅record...頂!真係吹漲,平時又唔見佢計少,白白搭咗程添,超勁邪呀!
不過最攪笑嘅一次係換路軌火車,嗰次要一星期搭夠十次先可以換車,之但係由於啲車仔好搶手嘅關係,星期6 一開始換嗰日就要搭夠十程車拿拿淋換咗佢,第二日都換唔到!結果星期六就要喺同一個站到猛咁出閘同入閘,嘟夠十次即刻飛去詢問處換車仔,哈哈...我都覺得自己顛顛地!
查實除咗換車仔之外,重可以換地鐵飛(100分就可以換架喇),快啲登記啦,唔好蝕呀!
都話年紀大架啦,尋晚同完啲朋友仔燒完嘢食今日就好似散咗咁!勁攰呀
之但係一番到屋企就見到成堆衫未熨,重有堆污遭衫未洗,個地又唔多乾淨咁
食飽飽沖埋個涼諗住抖吓啦,殊不知又諗起之前師奶仔提我claim番持續進修基金（上年讀咗個logistic course)...又要搵番啲資料出嚟，嘩！搵番成年前嘅嘢真係有啲難度....好彩最後都搵得番啲嘢啫！搵完又想上吓網check吓mail update吓 Blog
前晚Fanny打比我,一嚟就問"聽日你ok架可...",我心諗"乜我約咗你咩"
.....死火真係一啲印象都冇,好彩我應該ok,所以就一口答應咗佢!不過後尾醒起佢之前send過sms比我,再check番個sms,佢又真係寫住1月6號出嚟開飯....睇嚟我嘅老人痴呆症又嚴重咗!就係咁我哋5條茂利去咗富臨打邊爐,唔知做乜個個好似啱啱放出嚟咁食7咁食,估唔到幾個女子都可以咁有食力!10點幾食飽之後亞霞又提議去唱k,話時話我哋幾個又真係未試過一齊去唱k....於是我哋就去咗green box....原來同佢哋唱k要爭咪先得架!
不過家陣唱k又幾抵喎88蚊可以由11點唱到5點,免nuts免果盤,有自助飲品(當然都係啲普通飲品啦!),夜晚一點至三點重有宵夜buffet都係粥
(我哋打完個邊爐都一人隊咗碗粥!)....初初大家重諗住玩夜啲,點知亞心唱咗兩唱已經率先瞓咗,兩點唔夠慧慧又話要走....查實我都覺得有啲頭痛(今日都重痛梗),我哋點幾鐘就閃lu....唉!真係年紀大呀,我哋lee啲老嘢真係完全唔捱得夜.....
