由於有讀者話想睇吓衫碌拎啲風景,所以post咗幾張相出嚟(不過查實影得唔多靚
)....不過由於二家姐佢哋鐘意影人多過影景,所以啲相除咗有靚景之外,亦有唔少"靚人"喺度
.....講番衫碌拎啦,初頭我重以為好似海洋公園個覽車參唔多...嘩....去到先知原來係咁長架....橫誇幾個山頭!而且啲風景亦都好靚吓.....有無敵大海景同勁多山景,重會望到整個機場同大彿...
lee張就係唯一一張冇人樣嘅相喇...係我喺上車前影架.....
等我介紹吓先,佢哋就係肥師奶同排骨仔嘅爺爺同麻麻....
之後就係山景同山景....... 就到嘅時候望到大彿架...... 
又好似好耐冇玩煮飯仔喇
由於係第一次玩炒米粉,為免炒到黐哂鑊所以要做定功課上網search吓啲食譜先,唔睇唔知原來少米粉都有好多秘訣, 好似啲米粉用暖水浸會好啲、炒之前琼乾水 、要用鹽水炒....等等
不過有樣嘢真係好唔明,就係好多時睇到啲食譜(應該係台灣人寫嘅)都會寫住啲米粉"炒至Q即可",查實乜嘢叫做"炒至Q即可"呢,我炒完碟米粉都唔覺碟嘢有幾Q (定係我炒得唔夠Q呢), 大家知唔知個Q字究竟係解乜Q呢
? 講指教.....
淨係切嘢都切到手仔軟呀....
雖然我跟哂啲秘技...之但係以我嘅技術當然都係攪到黐鑊啦(不過都係少少啫)
今日係排骨仔9歲生日,咁啱排骨仔間學校無啦啦有日假期,所以二家姐就提意帶佢同肥師奶去搭"NGONG PING衫碌拎", 排骨仔重叫我請日假陪佢玩添....橫掂我都想放吓,就請日假陪佢玩啦
! 點知二家姐前幾日話我知排骨仔個爺爺同麻麻都會去呀...嗰刻我真係有啲想縮沙
....不過應承咗就算啦!最多都係戇居一日啫.....不過查實今日都算幾好玩.....我哋10點幾就去到東涌站搭360喇,排骨仔梗係開心到震啦!
搭咗二十分鐘覽車之後就到咗昂平市集喇,今日天氣咁熱兩隻小魔怪即刻整番杯雪糕食吓先!
除咗食雪糕之外,重帶埋帽同太陽鏡....幾型!
由於個市集好似冇乜嘢好行, 啲店舖又好似冇乜特別咁....都係得番啲7-11
麻麻重買咗兩個風車比排骨仔同肥師奶添....啲風車好colorful呀...
回程嘅時候又再行經市集, 見到個公仔嘅頭形同肥師奶嘅個頭好夾呀...都係圓碌碌架....
夜晚又去咗青衣城食飯興祝排骨生嘅快樂生辰
.....
又係lee個境...係咪熟口熟面呢...冇錯又係中山...繼復活節番去玩咗三日之後,今個星期六、日又再番去玩過,不過今次嘅陣容同上次唔同,除咗大力、大家姐同我lee個鐵三角之外重有亞媽添, lee次係最後一次住有渡假屋住.....真係有啲唔捨得 重有排骨仔最鍾意坐嘅穿梭巴士同van仔...... 哈哈,上次同排骨仔番去嘅時候我哋坐唔到lee架佢最愛嘅"哈哈笑van仔",今次我終於搭到喇,梗係影張相潤吓排骨仔啦! 總括嚟講今次都玩得幾開心(其實都冇乜嘢玩,都係按摩食飯shopping),不過今朝飲茶就遇到件激氣事,話說我哋趁臨走前去飲茶....我哋係食食吓嘢有一個女侍應同一個傳菜姐姐行過嚟,個傳菜姐姐就諗住收咗啲唔要嘅碟,其中有隻碟有滿滿嘅污遭水,個傳菜姐姐一拎起隻碟我已經閃開(估到佢實會倒瀉啲污遭水),果然不出我所料,好彩我避開咗, 不過碟排骨就遭殃喇,我哋食咗兩舊咋 咁我就同另一個企喺我後面嘅女侍應講:喺香港確實又好難搵到啲咁舒服嘅環境hea.....
!「碟排骨污遭哂,你可以換過碟嚟?」
! 嗰個傳菜姐姐一面拎走隻碟啲水就一路咁滴,最後佢祗係講咗句"唔好意思"走閃咗....
點知個女侍應話:「係咩?乜污遭咗咩」 我就話:「吓!乜你睇唔架咩?」
女侍應話:「我真係睇唔到喎....」大家姐又忍唔住搭爹話:「你睇唔到唔梗要,叫番頭先嗰位姐姐嚟問囉...」(唔係fa,明明企咗喺後面,莫非佢隻眼有問題!)
個女侍應就話:「咁我睇吓先啦....」
我哋見過咗一陣都冇消息就諗住再問另一個部長姐姐啦,點知嗰位女侍應見到我哋想搵部長姐姐就即刻閃出嚟話: 「係呀,我哋換嗰碟排骨比你,我頭先都見到有少少污遭水滴咗落去...」(口風轉得真快,重忽然開埋眼添,真係吹到啤一聲......)
