繼續...嫺言嫺語: 3月 2012

2012年3月30日星期五

黏土製作の花 (第二回)

番來咯番來咯....原來對上一次update呢個course嘅功課已經係1月嘅事喇....真撞鬼...家陣個course都上完....啲功課都係得貢多咋....

...鬼咩...1月新年...2月又去咗旅行(重走埋堂添

)...3月先有時間開始做吓"功課"...重要越級挑戰...捨易取難!! 人哋明明由淺入深咁教...教咗馬蹄蘭又唔整...紅掌雖然走咗堂...不過有模整又應該易攪啲架嘛...係都要整呢啲先....真係龜速貢囉

...

好...又到估嘢時間....整得好苦架....已經盡哂力架喇...不過都係未整花托囉.....

睇真啲....估到未呀...係喇係喇...玫瑰呀玫瑰我愛你.....

呢個整得重苦...幾乎要半粒鐘先整到一朵....真係想屎呀....不過又整得開心喎!

遠啲睇又會唔會靚仔啲呀....估到未呀...啱喇.....康乃馨嚟架....不過未上色!

加埋上次整落嘅鬱金香....感覺係咪茂盛啲呢...haha...齋睇啲花嘅數目就知邊種花最難整....邊種花最難整!!

睇完花展見到啲真花更加想努力整靚啲, 要整番馬蹄蘭同紅掌添呀...而且...你睇....又買咗好多"無謂"嘢喇....太cute喇....忍唔到手買咗成堆小花盆!! (自已知自己事啦....真係買細size花盆好喇....邊整到貢多花插先得架!!

)

呢期整花整上癮....已經報咗下個course就係"花花進階"班! 不過報完先知....4月無啦啦要出trip....一嚟又要走堂喇!! 加埋5月個旅行...一玩就兩個week....足足要走3堂...激死我喇....話時話....4月出trip...我報咗嘅曲奇餅班....買咗嘅話劇飛....全部都要送哂比人(典解唔會遲又唔會早...時間真係啱啱好....撞期撞到正一正)!!!嗚嗚嗚....成幾舊水架....我無辜架....有冇得claim番錢呀!!

2012年3月26日星期一

花展2012之印印賓賓大戰殘花敗柳

今日終於有時間去花展睇睇喇.....不過...未入到場已經比一埋賓賓同印印圍住喇....唉....家陣連維園都淪陷咗.....比佢哋侵佔....連花展都會場都不能幸免....我淨係想睇/影吓花啫....比條路嚟行吓好喎....話時話....今日已經係花展最後一day....啲花又真係....殘過我囉...真係去到"爛"嘅程度...下年真係要早啲去喇!!

2012年3月25日星期日

帝京tea buffet + 黃凱芹TrueColors 25週年演唱會

話說上個月二家姐話想睇黃凱芹演唱會叫我幫佢買飛....佢話一家四口都去..橫掂都係....我就緊係買多張比自己一齊去睇啦!

尋晚就係第一場演唱會喇.....睇concert之前....食番個tea buffet先...又幾多嘢食喎....正!!

食飽飽就睇concert喇.......唔知大家有冇聽過"流離所愛"呢?....我飛佛之一嚟架....今次連好耐冇見嘅俞劍明都有嚟呀...唱番首"流離所愛"...正!! 重有梁雁玲同周慧敏做嘉賓......其實佢啲舊歌真係好好聽架...不過新歌就...

..唔知點解....家陣佢填啲詞好似退步咗咁嘅...以前嘅"若愚"去咗邊呀....番來呀!!

2012年3月18日星期日

我的軟陶小兜兜

呢個團購course足足hea咗5個幾月先報...啲朋友仔之前已經玩咗喇....重整得幾開心咁.....個course下個星期就到期添喇....真係唔可以再hea喇...終於尋日走咗去上堂喇...

....本來我上嗰堂夾埋我有兩個人架....不過另一個同學仔冇到....最後變咗私人教授...抵哂!!

原來整軟陶同整馬賽克一樣....首先都係要揀色先....喺萬七咁多顏色揀3種顏色做花....又係紫色

....選擇恐懼就係貢架啦....搵自己喜歡嘅顏色整唔駛煩hehe....雖則整軟陶通常都係會比較colorful....不過我都係想清清哋....深紫 + 淺紫 + 白色做花....黃色做花芯....外面加少少桃紅色點綴一吓....就係貢喇!! 最後碌長佢就可以整手飾或者兜兜....做手飾嘛....真係冇乜天份....都係整兜兜好!!

整好嘅軟陶條再切開一片片就得架喇....軟陶條粗幼可以自己控製....都幾有趣.......老師見到有好多前人整好嘅剩餘物資問我要唔要....啱駛就當然唔好嘥啦...有啲整得好靚架.....原來砌個兜都唔易架....重要貪心地襯埋其他人嗰啲軟陶....好不容易先攪掂!! 最後拎去爐20分鐘攤凍再脫模就得喇....掛住整唔記得影相添! 呢個就係製成品喇.....

係咪好colorful呢!

壽宴@銖記

3月係大家姐生日....不過今次冇開party呀...一齊去咗開飯同大家姐賀賀佢....家姐佢哋話想試試銖記!!

由於時間關係...之前已經卜定一鍋翅同風沙雞....其他小菜就去到先order嘅....叫吓叫吓夾夾埋埋叫咗8個餸(風沙雞, 西蘭花鮮魷, 清湯腩, 南乳粗齋煲, 泰式釀茄子, 豬頸肉, 炸蝦球同粟米斑塊) 再加一鍋翅....我哋大大細細夾夾埋埋得8個人咋....堅!!

2012年3月15日星期四

我的成績表....

出咗喇....考試"合格"...haha.....就得跑步前一晚失眠...全完冇瞓過....可以跑哂全程已經好滿足!!!好在天氣好....跑嗰陣先輕鬆啲咋!!

(貢又呃咗篇卜, 抵!!)

2012年3月13日星期二

黏土蛋糕の生日小禮物 (3月小喇星)

3月得一位小喇星咋....由於呢位喇星冇乜特別喜好....又由於時間關係...又要快靚正真係唔知整乜好!! 好迷網呢!!

最後...決定整呢3粒嘢...haha...難度唔太高啱我....點解整angry bird? 冇架...其實想整3粒公仔咋....又因乜解究要整3粒公仔呢...係因為佢有一家3口囉(係"巷巷"哋架喇....睇開啲啦!!!)....而且...用angry bird 嚟形容呢位喇星都幾似呢...kakakaka

懶到出汁...加啲"現成"奇異果點綴一吓....諗嚟諗去都唔知用乜嘢圍蛋糕邊...嗯....試吓用古古力碎先....都可以喎...遠睇都幾似雀巢架!! 一家3口有個溫暖嘅雀巢都唔錯吖!!!

講咗貢耐究竟係邊個生辰呢....答案係: 我大家姐囉...hehe...祝你生日快樂, 身體健康, 日日咁開心, 一家樂也融融哦!!

2012年3月12日星期一

(桃姐) A Simple Life

幾喜歡呢套戲嘅英文名...同套戲嘅內容好貼切....簡單宣接!! 等呢套戲上已經等咗好耐....葉得嫻 + 劉華....好吸引嘅組合!! 本來想吹雞搵人睇嘅....之但係....睇完佢個製作特輯之後...決定一條友睇算喇!! (事實係....我睇到江美儀喺老人院幫佢媽媽執遺物嗰一幕已經頂唔蒲眼濕濕...生人如戲吧...為免失禮都係一條友睇算喇!!

).....

果然...成套戲都係圍繞老人院....拍得好真實!!....其實我呢篇卜唔係想講影評呀....不過睇完套戲確係有感而發....諗番好多好多往事...有時見到啲朋友仔好忙, 忙到冇乜時間陪屋企人...忙到十年都唔番屋企開吓飯 (又或者根本唔想番屋企開飯)....其實...有好多次我都好想好想同大家講...一次啦....番一次都好吖, 餸菜唔啱食都捱一餐啦!! 再唔係同你屋企人出去食吓飯囉!! ...你爸爸媽媽一定會好開心的!!! 有時間啲老人家又喜歡的話...陪佢哋去去旅行....逛逛街吧....這一切都會成為你快樂的回憶!!! ... 請要好好珍惜現在擁有嘅一切...以免日後遺憾喔!!

2012年3月11日星期日

北上喪揼@聖淘沙

星期六又約咗小青蛙佢地北上....又嚟喪揼喇.....喪揼之前就喪食吓先....由於今次我哋去聖淘沙...唔知入面有冇嘢食...所以去羅湖商業城搵間酒樓食嘢先....

食飽就搭車去喪揼....話明係喪揼....緊係顛顛哋架喇....大家一致決定...1腳4身...即係揼1 粒腳喪揼4粒鐘身....其實佢唔足粒架....每part 50分鐘架咋...都唔係好過份啫...haha....不過話時話北上揼咗咁多次...呢度啲師傅又真係好認真...唔只幫係揼骨...重幫你推埋淋巴, 重係好仔細嗰隻....真係痛都爆....拆骨一樣....不過咁通一通又真係鬆好多哦! 嗰位姐姐重提醒我有啲部位自己耐唔耐推吓都得架....好細心!!可惜佢衰收尾...收錢又亂亂哋攪到我哋勁火呢!!

拆完骨又食過...今次都係去滿庭芳...喜歡麻辣嘅朋友真係要去一試....由其係佢個水煮魚....好滑, 重有串串蝦好惹味....唔食得辣嘅又可以試吓佢啲湯...今次我哋終於試到天麻魚頭湯...好夠味...掂! 重有海哲頭, 蒜泥白肉....全部都好味架!!