我和城城有個約會...

雖然大夫話濕疹唔好做運動, 不過....若果流汗又唔會太大動作呢...應該可以吧!做運動又要唔好流汗可以去室內做做GYM吧! 順便收吓bye bye肉都唔錯呀....坦白講...我都有偷偷慢跑呢....慢到粒幾鐘先跑到10K...真係超慢!

 

其實近排有幾位女性朋友不約而同whatsapp或者PM我話我知佢哋都想開始跑吓步做做運動呢, 聽到佢哋咁講真係好開心呢, 話哂跑步都係健康運動, 可以影響到身邊嘅朋友對跑步有興趣確實覺得高興(就算唔係因為我而對跑步有興趣我都一樣覺得好高興!) 期待同你哋一齊跑呢!

 

BTW, 有樣嘢都好想澄清一吓, 不過有點尷尬呢! 近日有唔同嘅朋友仔都問我"嘩!咁多男跑友有冇識番個男仔呀.... 嘩, 乜同啲跑友影相HI得咁貼嘅....呀XXX成日搭爹喎, 係咪咩啫".....唉!其實我想講, 我真心只想跑步呢, 當然我都知道有啲男跑友應該係隅跑步於溝女, 之但係對於我嚟講大家都係跑友層面囉, 我笨唔係要拒人於千里之外, 將來嘅嘢真係冇人知, 不過呢刻真的"我沒有我沒有沒有...."...大家不用想太多, 不嬲我都係隨遇而安, 一啲都唔進取!大家放過我吧!

 

P.S. 澄清嘅嘢一次夠了, 同鬼一樣, 你信有就有, 冇就冇, 係信就信, 唔信就算, 我從來唔會喺卜度講大話! 完!



 

法式甜梨撻＆甜梨果醬＠ABC Cooking Studio

星期六約咗跑友去整＂梨撻＂,難得ABC Cooking Studio 有promte $280一堂咋....乜話$280好貴? 唔貴喇...其實就算去學啲團購course都3舊水喇....最平嘅工聯會都要參唔多兩舊水喇! 咁究竟ABC Cooking Studio有乜咁吸引, 其實呢間嘢係由日本引進嚟架, 佢聲稱所有用料來自日本, 而且小班教學(4人一組成本確係貴好多),  最緊要嘅係...跟佢整嘅製成品真係堅靚呢! (當然都好味啦!) ....

 

其實講嚟講去咪又係好奇心, 想去試咗好耐, 無奈正價太貴($4XX)一堂起碼要JOIN6堂...真係要千千聲先上到堂架, 咁你話$280係咪好抵呢! 今次整嘅係梨撻, 都唔太難喎, 味道唔錯, 樣都幾靚仔, 可能番屋企再整過!

 

 

 

卜友仔生日飯...

卜友仔個個都好忙, 次次約都有難度, 難得約到我實到, 不過濕疹真係要戒口, 咁啱約咗卜友仔去海鮮站食晚飯又唔想掃大家興, 我諗住去到食菜便算, 點知最後反而要卜友仔就番我, 食焗飯....真係唔好意思呢!我要快快好番再同佢哋食餐好！

濕疹......

記得今年年初皮膚敏感得好厲害, 重以為係濕疹幸好最後只係普通皮膚敏感, 食咗幾日藥就好番! 上個月皮膚敏感又嚟過...不過今次比較特別, 以往皮膚敏感都係好痕好痕, 不過今次又唔係好痕, 不過皮膚就出現一小撻一小撻咁甩皮....甩完又好, 好完又甩, 本只係出現係頸部, 後來身手同腳都有, 數目唔算多(頸比較多之外)...見佢唔對路都係睇吓大夫...頂, 唔睇由自可, 睇完真係有啲DOWN呢, 原來係濕疹, 應該係對新屋嘅甲醛敏感呢! 唉......幸好唔算嚴重, 係條頸特別痕, 其他地方唔覺痕啫! 不過由於啲濕疹大部份都係出喺啲出汗嘅位置, 大夫下令叫我停跑兩星期呢!

咁啱夜晚約咗跑友跑步添, 唯有爽約, 雖然冇跑, 不過跑友仔都tag埋我...因為我整咗啲小蛋糕拎去比佢哋食呢! HAHA.....蛋糕仔與跑友們同在!

 

香橙杏仁小蛋糕....

之前同事整過話好食我又借咗個食譜嚟整, 呢個又真係幾易整, 味道都唔錯呢! 有橙嘅香味, 可以列入番啅list! 加埋少少橙皮做裝飾個樣更加精美, 又可以拎去呃神騙鬼喇!

 

9月生日跑...

9月開始多比賽, 今次生日跑都比之前更難約呢! 不過最後都有11個人, 好開心呢! 多人跑更開心嘛! 今日輕鬆跑7K多啲, 不過太早起身喇, 真係冇精神跑, 對腳變得好重, 我踏地踏到個地穿咁滯, 連跑友仔就忍唔住提我跑得大聲...HAHA! 又係喎, 其實我都覺架, 不過唔知點解囉...當個人醒啲先發現原因, 回程先跑得好啲咋! 話時話, 唔知係咪有時約跑友晨早跑, 幾乎次次晨跑都有類似問題, 反而夜跑會正常番! 原來我跑姿唔太穩定呢(有時腳尖落地, 有時腳板落地), 怪怪的....一個人跑又通常OK啲咁....好難觸摸喎想點呢?!

 

話時話, 自從加入咗個跑步谷之後跑多咗之餘重識咗堆跑友仔, 好想再寫多啲感受呢, 等我!待續.....

 

Garmin 225

呢期啲跑友仔對呢隻錶吹之若鶩, 我諗除咗因為新款之外, 應該係因為呢個model唔需要用心率帶都可以check到心跳....隻錶唔平....我諗咗個幾月先捨得買呢...如果唔係因為要練全馬我都未必捨得買! 其實用電話apps都可以計到pacing同埋記到路線 (不過check唔到心率)....所以一直都冇諗住買錶, 直至開始考慮跑全馬先開始諗咋....始終全馬運動量大好多, 唔知自己應唔應付到, check埋心率比較穩陣! 哈哈呢個散錢奶油係咪好好呢?! 話時話, 唔知點解反而好多唔跑開跑嘅朋友叫我買錶, 真係奇!

 



邪惡Burgeroom

兩個幾月前已經約咗啲跑友仔去食呢個邪惡burger....唔知係咪個burger太邪惡, 結果約咗之後食唔成, 又要約過, 再約最後都唔齊人....算罷啦...天意嚟!唯有照食....嘩...睇相見到個鵝肝牛肉burger流哂口水...其實佢重有其他味...好似軟殼蟹同魚, 重有炸蠔, 我同跑友share咗個鵝肝牛肉burger同炸蠔burger....兩款都好味! 當然要叫埋薯條啦, 重有沙律...好飽, 好味!!

 

首次24K

又試一個人的浪漫, 慢跑青公練練長課! 今次想有少少突破跑多過半馬, 結果跑咗24K, 一個人跑悶嗎?其實沿途有Wilson保同Wilson屈陪我呢。。。即係Wilson保礦力同Wilson屈臣氏蒸餾水。。。ＨＡＨＡ。。人哋排球都可以當Friend咯，我重威有兩個friend前後腳陪我走過２４Ｋ！原來２４Ｋ感覺甘好多呢，加上遲咗起步飯都未食真係跑到屋餓！下次充足電先跑睇吓會唔會好啲先！

９月之星生日飯@SKY 276

 

9月喇星飯, 大家7:30到達, 8點order, 點知塊扒要等到9點先有得食.....嗯, 食物本身OK的...不過...真係慢咗啲囉.....由唔餓等到好餓.....吹啤!

亞茂整餅～伍仁月餅、奶皇月餅

整咗咁耐餅又真係好少整中式餅, 今次小試牛刀去學吓先....其實個人嚟講比月餅真係一般, 太甜又太漏, 都係老在參與, 玩吓見識吓! 其實師傅示範點做啲餡, 睇落唔算難, 係有啲煩, 好似啲伍仁月餅咁, 嘩啲甩屎要切碎佢,逐樣切真係手仔軟!而且材料好多吓, 自己整都未必平呢! 反之個奶皇月餅就比較容易, 之但係月餅確係麻麻....應該唔會番屋企再整喇!

 

團跑@數碼港

星期二又同咗啲跑友一齊去夜跑, 嘩!今次陣容好鼎盛參唔多30人去呢! 不過人多又會難控制, 最後玩失散, 我就同咗幾位跑友一齊跑, 有啲就盪失路跑多幾K, 不過最後都可以喺原位見番哂所有跑友! 重齊齊去開飯...又有跑友帶酒嚟...今次係呢期好興嘅"響"(威士忌), 我都係第一次試咋....最後隊咗一大杯啤酒再加小小"響", 真係爭啲醉呀...其他人個個都面不改容(目測應該個個都有飲架),原來啲跑友係咁飲得, 又跑得又飲得....堅!

生日趴地

新屋都執得七七八八喇, 加上呢期係ME姐生日, 家姐幫佢攪咗個小型生日PARTY, 我當然要幫手整少少嘢食啦, 又係班蘭蛋糕(ME姐落ORDER架),之前買咗10蚊班蘭驚用唔哂, 點知....一星期內足足整咗4次班蘭蛋糕嚟還債(跑友, 同事, 屋企人)...估唔到居然一個星期都唔駛就用哂啲班蘭葉, 好堅! 整都整到怕(我至怕不斷咁做同一樣嘢....感覺好似機械人呢!)

 

星期日輪到二家姐一家嚟PARTY, 今次終於可以轉轉款式, 整個簡單嘅牛油蛋糕! 終於有少少新意喇...呵呵!

 

吃喝玩樂星期五

星期五約咗幾位同事去睇HERO, 木村好型喔! 睇完就去食老奶奶雞, 又唔錯錯價錢又唔算貴!

食完晚飯再去食甜品就夠哂完滿, 啲甜品嘅賣相咁靚見到都已經好開心, 食落都好味喎, 隊埋呢壇嘢真係飽到上心口!

我的跑步日誌

 

呢期夜晚嘅天氣開始涼, 終於可以跑個痛快, 重未到冬天夜跑仍然係我最愛! 好喜歡夜晚嘅團跑, 因為通常都係跑港島區, 可以跑啲平日唔會自己去跑嘅地方, 而且一班人跑就算跑夜少少都唔驚嘛! 呢日就齊齊去咗北角....原來公司附近條路都好好跑呢! 輕輕鬆鬆11K.....

 

 

 

星期四無啦啦多日假期, 好想試吓跑長課....本來想跑18K嘅, 不過見狀態唔錯, 跑到就跑多陣啦, 最後就跑咗個半馬...唔知係上次渣馬狀態太差,定係青公條路易跑啲呢 ,還是我真係進步咗呢, 跑完都唔覺太辛苦喎! 上次跑完個渣馬真係死咁滯!今日跑完對腳都重行得走得! 

星期六本來諗住唔跑住架, 前日先跑完半馬想休息多陣呢, 不過ME姐又話想跑, 想練吓Unicef嗰3K, 咁我當然係捨命陪ME姐啦.....同佢試跑咗2K(佢又真係年年都有進步喎!), 之後我再跑多10K, 呢10K有啲攰呢, pacing都慢咗, 要休息多兩日先再跑喇!