High Tea@Home

前排喺屋企試整SCONE...又估唔到舊SCONE呃到吓啲朋友仔....有位朋友仔話想嚟我屋企一齊整SCONE...既然朋友仔咁勇敢唔怕中毒, 我當然係冇問題啦!! 一場嚟到就唔好淨係整SCONE咁齋啦...一於整埋法式焦糖笨蛋!

個SCONE面啲色水始終唔夠靚仔....深色啲會靚仔啲...下次齋掃蛋黃...掃多啲先得!!

火鍋放題@牛一

同樹之前試過呢間放題....佢話食物質素唔錯...百鬆啲蚊任食任飲...重有雪糕同乳酪都係任食....不過得粒半鐘時間...係就係趕咗少少...不過都足以食得飽飽喇!! 除咗牛肉同豬肉...打邊爐又點少得"丸丸"呢....呢度有好多唔同款式嘅"丸"同魚蛋....真係試都試唔哂.....啲菜都好新鮮好靚仔!! 話就話得粒半鐘時間...我哋食飽飽再坐咗大半粒鐘都冇人驅趕 (可能我哋食飽都已經十點....加上星期四晚冇乜人啦!!)...趁呢間嘢重新新哋啲嘢重可以KEEP得企理啲...推介!!!

農曆七月十四

以前對農曆七月十四冇乜感覺....淨係記得細個嗰陣好鐘意同亞媽落街燒"衣紙", 燒完重要撒啲一亳子喺啲衣燒上面....而我就最喜歡做撒錢呢個動作架喇! (正所謂細時撤錢大時咪散錢囉...原來散錢呢家嘢都係由細培養起呢!!)...以前唔單祗唔怕盂蘭節....重好鐘意喺呢段時間睇鬼片....什麼見鬼呀, 陰陽路呀都比我通殺(鬼片嚟講...我都係比較喜歡港產片...硬係有親切感啲拍出嚟又真實啲, 外國片邊會有"喺燒臘舖搵隻鬼邊舔叉燒"呢啲橋段呢, 就係咁有"驚"嘅感覺嘛!! 當然睇嗰陣都會驚驚哋啦咁先夠過癮啦....不過起碼夠膽睇,睇完亦都夠膽夜晚晚一條友番屋企...對七月十四呢個日子嘛...更加冇有怕...夜街照出!!

正所謂時移勢逆....原來人大咗真係會怕死啲.....自從一條友住之後已經冇膽再睇鬼片喇.....再自從兩年前嘅七月十四之後....就更加對盂蘭節"淆底"!! 講樣低能嘢比大家知....我一直以為鬼節係指七月十四呢 1日架咋....近年先知原來整個農曆七月都..... ...haha!! 係咪超低b?!!

我唔係想導人迷信....我始終覺得冇做壞事嘅人"佢哋"係唔會特登害你嘅....當然...若果咁有緣見到或聽到"佢哋"嘅存在就緊係非常極度咁驚啦(我真係試過番到屋企都重係好驚好冇安全感嗰隻!!不嬲覺得屋企係最有安全感嘅地方...若果連番到屋企都覺得驚就真係驚到傻咗咁滯架喇!!)...為咗安心....呢日都係早啲番屋企為妙!!

唔想太夜番...唯有番屋企煮飯仔喇.....唔知嗰日啲人係咪都同我一樣特別早番屋企呢...我七點幾番到屋企樓下已經有成堆人喺度等lift, 我心諗"發達喇...大把人陪我搭lift, 唔駛驚喇...."...殊不知....一個二個都住低層....一到十五樓啲人已經出哂lift....得番我一條友搭到二十七樓....

原來呢日最"邪"嘅係....嗰包"魚香茄子"醬....原來...一條茄子實在太少.....原來....一條茄子加一整包"魚香茄子"醬係爆咸....原來....有時要信吓自己....自己調味可能更好, 超碼唔會咸到苦!! 估唔到啲人話好方便嘅"魚香茄子"醬原來係咁"咸"架....邪!!

辛勞的...馬交遊

我又去馬交喇....係呀...幾個月前同朋友仔去完...今次輪到同家姐再搵埋兩隻大魔怪去....3大3細...今次去馬交都算係破幾碌咁早喇....晨早8點船(一係就太晏先有船,唯有早啲出發啦!!) , 6點唔夠就要起身...超眼瞓....十點唔陪就去到酒店....擺低嘢就去少少嘢就去玩喇.....先嚟行陣科學館先....呢度真係好大吓...一行就行咗參唔多3粒鐘...真係散哂....之後就去食雪糕再行去大三巴......


行到7點零鐘就去食飯....個個都攰到爆...食餐好補充體力先....食飽就番酒店休息喇....(話就話番酒店休息, 咪又係個個都唔願瞓掛住玩....HAHA!!)

到咗第二朝又晨早8點食早餐, 乜咁博呀....(因為MEME開咗學喇...為太夜番到香港, 我哋搭下晝5點閃喇...早玩早歸嘛)....呢個早餐最醒神係可以同啲卡通人物影相....啲食物都幾鬼可愛.......

食飽就去買手信喇....買完又食過....超飽呢!

突如其來的一天假期....

星期三...掛咗八號風球, 原來以為佢捱唔到頂多可以放半日假, 點知佢鬼咁醒掛到13:40先落波....真係無得頂....皆因我公司係13:30彼重係8號就唔駛番....HAHA....咁都博到...堅呀! 啲大魔怪(係呀...有兩隻小魔怪已經晉升為大魔怪喇....升中學喇...真係唔細喇!!) ...係...啲大魔怪已經吹雞去睇戲...之前我話想睇壞蛋獎門人架...原來肥C奶佢哋都想睇....擇日不如撞日就趁呢日去睇啦....好在葵芳重有戲院上....嘩!我出門口前都上網睇過,明明戲院重有位架, 點知出到去得番前兩前...見佢係迷你戲院坐前少少應該唔會太辛苦...第二行都照殺啦.....買完飛就去食番個TEA先....HAHA.....無啦啦多日假...爽呀!

 

 

失驚無神整曲奇....

星期六大家姐無啦啦話同MEME去我屋企整曲奇餅.....好彩我又真係諗住得閒嗰陣整番之前小青蛙教嘅曲奇餅晨早買定哂啲材料啫, 唔係真係整鬼咯!! 因為呢個曲奇要用一隻比軟特別嘅牛油架, 普通SUPERMARKET未必有...我都係特登去烘焙店先買到....唔係做唔到鬆化嘅效果架!!好在都冇失手....佢哋都應該冇學壞師掛!!

P.S..MEME真係有幫手架!!叻叻!!

8月之星小禮物

都係繼續送大包....OH...係小包先真...HAHA....其實好似冇乜新意....每次都搵個包換一換款啦....今次整咗個椰絲奶油包....啱吃嗎?

8月喇星飯...

唔覺唔覺又到8月....本來8月之星想去Element 嗰間Mango Tree架...不過太遲卜冇位喇...最後卜咗銅鑼灣分店...雖則呢日喉嚨痛...不過泰菜不朽都係我嘅"飛彿"又點可以忍口呢..........哎呀!唔小心叫咗杯有酒精飲品....呢晚狀態不佳真係飲到有啲頭暈...好彩啲朋友仔係咁吹水...HEA到醒哂先閃...HAHA!

 

 

自殺式掘蜆

星期五冇去掘蜆..MEME好失望呀....所以星期日再嚟過...嘩....今日唔只好天...直頭係超熱...哂到中暑嗰隻!! 貢哂緊係要做足準備啦...太陽油, 水, 大大頂草帽同太陽傘真係一件都不能少....去到已經有好多人努力掘呀掘.....我哋都趁佢潮退我哋係咁掘喇....好在我哋租咗啲櫈仔咋...唔係真係踎到腳仔軟呀.....之但係熱呢家嘢就真係要硬食喇........一路掘一路標汗.....成身都好臭呀....

一點幾掘到5點幾....收穫都算豐富!!! 我都掘咗幾隻大蜆呀....超開心!! YEAH....

五、六月之星顛拿@翠亨邨。。。

星期五放假諗住同大家姐佢哋一齊去掘蜆, 點知無啦啦三號風球落哂狗屎....最後改咗唱K....夜晚就JOIN啲同樹去銅鑼灣食5月同6月嘅喇星飯.....好明顯大家都好忙....攪到8月先嚟食...HAHA!! 今次去咗翠亨邨食...都唔錯呀! 好耐冇食皮片鴨....重有杏汁豬肺湯都好好味..正!