渣打馬拉松2016

HEA咗成個星期終於捨得寫番呢版卜喇, 明明跑完第二日放假架啦, 硬係搵唔到時間寫真係吹漲! 其實玩咗幾年渣馬, 今年最好玩呀, 可以約埋跑友一齊上線, 又可以同舊同學影吓合照, 一開FB仲發現原來今年好多朋友仔都開始玩10K呢!無論你係真心喜歡跑步定係湊熱鬧參與盛事, 其實喺呢個天氣之下完成整個賽事已經好厲害喇!

 

其實我都係第一次喺咁大雨之下跑步, 未開跑已經一身都濕哂, 對鞋又唔防水, 一濕就變得好重, 我重一開始已經唔少心踩水氹真係雪上加霜, 對鞋變得千斤重...其實未跑之前我SET咗1:55 至2:00呢個TARGET架,之但係我哋太遲上線, 跑咗成3分幾鐘先到起點, 前面實在太多人, 加上唔知係咪因為天雨路滑大家似乎唔敢跑太快...攪到好難衝出重圍,所以一早就覺得1:55冇行喇! 最慘係我對鞋又一早濕哂, 打亂哂陣腳, 連步姿都錯哂, 不過腳板底太用力好痛呢! 跑到中段入西隧前又落狗屎, 真係超呢HEA, 唉...唯有盡跑啦, 好在最後幾K終於跑得輕鬆番再發力, 好采最後都可以力保個SUB 2 (即兩小時內完成), 真係超抆水....好險呢!

 

識咗呢班院友真好玩呀!跑完重齊齊去唱K!

唉...張張相都頭髮亂了...好無奈喔!

上水雙魚河

上水雙魚河聽就聽咗好耐, 團跑都攪過兩次, 不過次次都晨咁早集合, 懶惰嘅我又真係JOIN唔到啦, 難得今次9:30先集合終於可以JOIN喇...唉!唔知係咪個天都唔鐘意我咁懶,雖然遲咗集不過我成晚失眠冇瞓過囉...勁眼瞓呀! 晨早流流又唔想食嘢...又攰又餓....真係連跑都冇力, 不過跑去邊境又幾過癮過, 一望對面就係羅湖!

 

好不容易先8K可以坐低食豆腐花, 比十蚊就可以任食豆花任飲漿, 抵呀!食飽再跑多幾K就跑完,之後再齊齊開飯食吓點心, 好玩呢!

 

 

2016

踏入2016第一件事係做乜? 之唔係搓湯丸囉....整色整水好似搓泥咁, 又幾好玩喎!! 其實呢個星期有好多活動..不過...今日真係堅攰, 要擇日再寫喇....早抖!