黏土製作の廣東食品第九回

又見面喇....我最後一批功課終於出現喇....查實整咗一排架喇...不過冇時間幫佢哋影寫真咋!

全部都新鮮熱辣未上色架....我唔講...唔知大家知唔知呢堆係乜嚟呢?

好...比啲上哂色嘅功課比大家睇吓先(呢個禮拜好乖...特登去少啲街...留番喺屋企做功課架)! 我諗...對大家嚟講....最大嘅"疑團"應該係呢幾條嘢...未上色真係估佢唔到(曾經有人估佢係"臘腸"囉)....上咗色會唔會好啲啲呢(即係中間同右邊幅圖)? 嗯...其實....係叉燒嚟架....係咪好難估呢!...haha........

呢個怕且都估到吓掛...係燒鵝嚟架...上咗色加埋光油(右邊小圖)..."令"啲好似靚仔啲!

燒肉一舊...唔知燒得夠唔夠火喉呢...上咗色啲色水都分別唔大...係冇咁閃囉.......

oh...我隻猪呀........我....我....我都係第一次.....整猪架咋....咁....第一次....係咪要收番封"利是"仔架......

今次未有時間擺個燒臘檔陣呀....下次擺埋個陣再影啦!

p.s.巧"展張"呀...一陣就飛喇....泰國我嚟喇....bye 拜你條尾!7日後見!

扮蟹?!

又寫番啲陳年舊卜先....呢餐...都兩個幾禮拜前喇...係...又係食大閘蟹!! 乜亞祖唔係話戒口架咩?! 都係....乜戒口唔可以"陪人"去食大閘蟹架咩....哼....去扮食蟹得唔得吖!!!

今次啲朋友仔揀咗去東海食大閘蟹套餐...佢哋一人一個套餐...真係睇到我流哂口水(好難受哦)....最衰要戒口啦!

成個餐有6樣嘢加一個糖水...先嚟一個魚翅彿跳牆...我都飲咗少少...好味呀!

蟹粉小籠包...呢個都唔錯...haha...唔食唔食又撻咗人哋舊小籠包!!

主角出場....不過典解一次過上哂架....食唔切架喎....啲蟹攤到凍哂....美中不足呀!

全部都係蟹哥哥嚟架....個樣都唔錯呀!呢樣...我真係好乖架...冇"揩"過佢哋....雖然佢哋都幾靚仔...不過我定力夠嘛...把持得住...叻唔叻呀!

呢個係"生拆新鮮蟹粉蒜蓉包"...係咪得我好勁呢...居然噏得哂個全名...鬼咩...查實我係一路上網睇住個menu一路寫卜架....呵呵!

上湯灼時菜...呢味就好似"巷"咗啲...

牡丹蝦手打烏東...試咗啖湯咁大把....都唔錯喎!

呢個係八起薑茶丸子....侍應姐姐"施捨"多碗比我呀....都幾好味呀....

朋友仔們食大閘蟹餐....咁...我典好呢?! 見佢哋食得咁開心...我梗係唔好執輸...玩吓一桌兩制...佢哋食餐我就散叫啦...等我叫番兩個靚餸先...呢個係魚湯時菜吞雲煲....好味...

海參炆雞....都好味呀...兩大碟餸比我隊哂咁滯...超飽!

11月....喇星!!

嗯...呢篇卜...打吓尖先...冇法啦...難得一次我做老細....要記低先吖嘛..haha! 查實今餐係要賀一賀好友"老趙"嘅牛一架....同佢開飯都係離不開日本嘢同日本嘢.....今次就去咗呢度.....又估唔到喺旺角都唔算難搵位喎!

就係呢位靚仔喇...係咪好耐冇見呢...覺唔覺佢清減咗呢?

峰壽司確係唔錯....好味.....

成幢碟...好飽呀.......

嗯...人哋生日呢就有壽司食...典解我生日得mr tam米線.....重要係一碗兩個人分架?! 妖....家陣好明顯係比說話比人聽啦......hmm.....希望.....下年2月呢...啲人識做囉...嗯...我諗我應該想食吓魚翅燕窩囉...haha!

大閘蟹宴@淫窟

靜龜龜話你知...上兩個星期日....我....又去咗淫窟度執多劑呀...今次重好有住家菜feel....唔好咁大聲呀...冇乜人知架咋......喂喂....你....你....你哋諗梗啲乜呀...我意思係.....我去咗小淫蛙屋企(即係淫窟啦)...食多次大閘蟹之嘛....你哋唔好咁dirty啦!

今次啲大閘蟹係小淫蛙托人買架...四十蚊一隻,一人兩隻......唔該....男左女右企埋一邊....好乖嘅....唔好作無謂嘅反抗喇....影番張"遺照"先啦!

兩位賢良淑德嘅女士忙於預備晚餐....而我就同人哋老公(你哋又諗乜呀)...係同亞"妹仔咀"兄一路睇電視一路食媽媽麵等開飯喇.....

乜煮咗一堆濕米咁型?! 呢啲係湯渣嚟架.....雪梨濕米湯.....好潤呀....

蒜蓉炒皇帝菜.....

肉碎草菇....呢味餸好耐未食過喇...好有"媽媽"feel....

沙爹牛肉粉絲煲.....好味呀.....

有佳餚又點可以冇美酒呢....呢兩支紅酒幾乎比我哋飲哂....唔知呢排係咪近得啲"酒鬼"多....酒量比以前好咗少少.....夾夾埋埋我都應該飲咗一整杯紅酒....飲完重可以自己爬番屋企....勁!

主角出場喇....好肥美呀...由其係蟹姐姐...好多膏....蟹仔仔睇嚟就弱咗啲...不過都尚算ok....唉!我都知衰架喇...諗住食埋呢餐就"收山"呢排都唔食海鮮住...(連續3日係咁食海鮮真係唔多健康)..終於..食完呢餐即刻皮膚敏感...真係想唔戒口都唔得啦!

黏土製作の廣東食品第七&八回

歡樂嘅時間過得特別快....話咁快又到尾聲喇.....(其實已經上到第九堂喇...不過寫唔切咋..hehe!!)

由於時間關係...一次過寫兩堂嘅工課啦....壯觀唔壯觀呀?! 今次介紹吓前排嗰班鹵味先啦....又講錯...係燒味先啱! 擺個"蒸籠"喺度做乜? 冇呀...唔想擺"一蚊"咪擺個"蒸籠"囉....好似襯啲嘛....好無聊?!...係...我認呀...吹咩....唔好睇吖笨!

首先整碗薑蓉試試先吖老細...夠唔夠味呀.....

想要辣啲同多啲蔥? 拎去食住先啦......咸蛋

咸蛋咸咸哋....啱哂咁多位老細....整番隻先啦....

紅腸......未切添....比啲時間嚟.....

生腸呀.....典解冇甜醬同芥末嘅?

呢啲一支支嘢又係乜嚟....你哋咁"醒"實知啦!

咪就係呢兩隻怪獸囉....大墨魚....真係比想像中難攪喎....可能加咗啲designer clay...好鬼快乾.....真係要快手快腳先整到!

呢個....噢...大家唔好咁揚呀...人哋怕醜架嘛....話哂都係第一次...做....做...做...."雞".....原來做呢味嘢真係考辛苦架...確係有血有汗....唔知大家又覺得亞祖喺做..."雞"方面...有冇少少potential呢....會唔會轉行做呢家嘢更有前途呢?

做...."雞"....真係好辛苦架.....呢一刻.....我....終於明白喇!