跛了

今日放工同咗同樹去行書展...難得唔駛錢入場....梗係要買少少嘢賀賀佢啦...hehe!!

呢本嘢都幾貴...不過...入面啲miniatures真係好靚!最後都係抵擋唔住帶咗佢番屋企!

而呢兩本呢...我真係"吼"咗佢哋好耐...幾個月前見到都已經好想買....不過真係太貴....discount咗都要六十幾七十蚊...唔捨得! 今日竟然有簡體版...廿蚊一本...即刻掃兩本啦! 開心屎我喇.........

至於呢本就係同樹推介...見佢都係廿零蚊...平平哋買嚟睇吓!

重添咗少少文具...hehe!!

唔覺唔覺....夾夾埋埋行咗參唔多3粒鐘...真係跛咁滯! 好攰! 唔只對脚...連手都跛埋..拎住啲書都唔輕呀!

黑白配

又係雪糕時間...今次應承咗肥師奶整個黑麻麻芝麻同白雪雪豆腐雪糕比佢食...由於時間關係...星期四就開工整個芝麻雪糕喇....

星期六就整埋個豆腐味...今次落少咗糖...唔會超甜喇!

完成...兩個都ok喎! hehe!

其實...呢篇嘢我笨唔係想寫整個咩雪糕....反而係想寫我整芝麻雪糕嘅時候發生嘅一段小插曲...話說我打梗蛋漿...正準備煲奶嘅時侯先發現屋企個煮食爐撻極都撻唔著....重要係兩個爐頭都唔著....救命! 開哂啲嘢...又唔知個爐發生乜事....好呢hea(嗰陣已經係夜晚十點幾喇)...究竟打去煤氣公司好定打比大家姐求救好?! haha...終於我打咗比大家姐先 (因為...我都搵唔到煤氣公司個電話)....最後...我就用咗9秒9拎埋啲奶同蛋漿去大家姐屋企整埋下半場!大家姐重幫我問埋煤氣公司添...原來係我個爐冇電啫...嚇屎...幾驚佢會爆咋! 呢個故事就此完結....

嗯....有感而發....如果以前遇到同樣事情...喺同樣環境同情況之下....亞祖一定會好鬼唔開心....一定怨天怨地...做乜無啦啦會冇電...做乜咁黑仔...不過....呢日...我反而慶幸我同家姐住得咁近...個爐只係冇電唔會爆咋...芝麻雪糕幾經波折之後都可以完成...haha!可能...最好的真係尚未來臨...不過...我絕對相信最壞的事情已經過去! 對嗎?!

郎田日本料理@奧海城

又係out爆嘅舊卜時間喇.....都係月頭嘅事啫...ok啦...唔好咁高要求真係寫唔切架! 今日其實係同家姐佢哋兩家人一齊去食日本放題...

有得食梗係唔少得me me啦...好曬...要擔番把"遮"先.....

有嘢食喇....任叫...包飲包食...食物嘅quality都唔錯呀....

重有好多種類...炸物...魚生...壽司...拉麵...燒物...好豐富呀...

每樣試少少都已經好飽喇......

啲燒物都好味架.....

個燒羊都好得.....

最後梗係要食番杯雪糕啦.....

oh...有人見到啲雪糕好想食囉...haha!

食飽飽就行咗去奧海城一期繼續hea...有小丑整汽球公仔呀....肥師奶同me me當然唔會執輸啦...一人有一隻熊仔....唔駛爭呀!!

酸溜溜 vs 甜椰椰

雪糕機嘅另一個function係可以整雪葩架...今次就試吓整雪葩先....真係要鳴謝火星人幫手買咗堆青檸呀....不過前日經過supermarket見到又有青檸...諗住買多幾個整多啲請埋火星人佢哋食啦...典知...出咗事啦...個食諳真係唔係人咁品...super酸! 真係食到胃穿窿咁滯...為咗唔好危害我啲同樹....都係下次再整先拎番公司啦!

前前後後有9個青檸..真係渣汁都渣到手軟.....

啲質感都ok呀...不過就真係太酸喇.....

之後又試吓椰子雪糕....買唔到新鮮椰汁呀....用椰漿代替...不過啲椰子味太濃喇! 下次要整嚟招乎朋友...都係整番芝麻同咖啡味隱陣啲...hehe!

食得唔好嘥=.=

呢期喜歡同雪糕玩遊戲....不過次次同雪糕玩完遊戲之後都剩咗啲蛋白唔知想典...之前試過炒咗佢嚟食....今次就試吓整"鮮奶燉蛋白"先....最衰屋企冇薑啦......我諗加啲薑汁應該重好味...........

隔完渣又真係好似好樣啲.....

食得喇...其實呢個甜品我真係麻麻...奶味太勁....我都係like有薑汁味多啲...所以...下次再整就要預備多舊薑先得!

敗家女~

雖則...亞祖真係上上下下左左右右前前後後都咁窮...不過....耐唔屎都係要做啲敗家嘢氹吓自己嘅! 今次敗家嘅主角就係佢喇...."點心車"....

其實...啲點心好慘架...一出世就無家可歸....過住啲顛沛流離嘅生活...

所以...一直都好想比個"家"佢哋架...不過呢...家陣個市咁...啲嘢炒到貴哂.....要置業真係唔係咁容易架....睇咗好耐都唔捨得買囉....

不過....喺個魔鬼同樹嘅"鼓勵"之下...終於卜鎚買咗佢喇....你睇....點心們坐得幾開心...排排坐....食粉粿......

真係要慳啲喇....魔鬼....遠離我吧...哼~~

同雪糕玩遊戲

話說幾日前買咗部雪糕機...諗住趁呢暑假可以同啲小魔怪一齊玩又可以哋整啲雪糕比屋企人食....肥師奶知道我買咗部雪糕機不知幾開心...重話嚟試機添...

真係有啲擔心唔多識食呀....真係呢咁hea喎!..都係要喺肥師奶佢哋嚟之前預習一次先得...第一次要整啲簡單少少嘅綠茶雪糕...oh....由於有少少意外...加多咗綠茶粉添!味道都ok...不過硬咗啲添........不過都知大慨點整嘅...都ok啦!....

今日肥師奶同排骨仔終於殺到喇.....一早準備好啲材料先! 今次整"芝麻雪糕"呀....你睇佢哋整得好認真架......

啲芝麻真係好香吓咁喎....肥師奶一路整一路幫手試味添呀...hehe!

擺落雪糕機攪喇...好緊張呀....yeah...今次確係好過上次喎!冇上次咁硬...重好香添呀...不過個食譜都係甜咗少少...下次再整可以減少少糖添!

排骨仔話淨係整雪糕唔夠喉喎...想整多少少嘢?! oh...真係冇準備喎....佢話想整心太軟呀...之但係...我屋企真係"百冇"喎....好啦....一齊落街買材料再整......不過...焗過龍啦...變咗心太"硬"...雖則失敗咗...不過都幾好玩呀!

透心涼

呢期見小青蛙整雪糕整得咁過隱...見部雪糕機又唔係貴...趁暑假買番部同肥師奶佢哋玩吓都好! 聽小青蛙講青衣嘅7仔有售...於是我尋日就同肥師奶同排骨仔佢哋浩浩蕩蕩去仔7搵啦...殊不知一早售罄! 唔知幾時有貨呀....攪到肥師奶好鬼失望添!

好彩...同樹M姐又係想買....佢重打探到惠康有售...頭先番屋企經過惠康即刻嘭嘭聲入番部先...雖則佢貴過7仔....不過我有coupon (都唔記得咗之前做過乜嘢"好事"會有coupon..haha)...隊咗兩張coupon比收銀姐姐就攪掂咗佢! 筍呀!

其實我鍾意食雪葩多啲架...冇咁漏又冇咁肥嘛....雪糕當然都係要整係! 嗯...綠茶雪糕好...定係椰子雪糕好...都係樹多啤梨雪糕好啲喎...芒果雪糕都唔錯吖...不如整個青檸雪葩先啦...唔好...都係荔枝雪葩好味啲咁...haha...選擇恐懼發作添..sorry sorry!!

睇佢操作好似好簡單咁...希望製作成功啦!

7月喇星の喪食

又係吔7月喇星飯嘅時候喇...尋晚同咗幾位朋友仔去咗稻香酒樓食番餐家常小便飯賀賀7月喇星嘅壽辰...由於啲套餐唔多啱吔...我哋選擇咗散叫...oh...應該係選擇咗"喪"叫先真...haha! 有幾"喪"? 你睇吓咪知囉....hehe

先嚟一個乳豬拼盤喇....

再嚟一碟星洲粉皮蝦球....辣辣哋幾惹味....

重有漁舟豆腐.........

呢個係勁抵嘅魚味無窮孖寶...有松露汁斑片同埋白雪杞紅蒸頭腩...

再嚟一個消暑嘅冬瓜盅.....

呢個荷葉飯真係超超超超大....8個人真係食佢唔哂!

呢個係蜜糖豆炒蝦球...咪以為我食食吓先影呀...佢一嚟就咁細碟...乜家陣啲蜜糖豆好貴嗎? 而且味道有點怪.....

食食吓又想加個涼伴...皮蛋青瓜...

乜又係佢?! 係....encore唔得咩?! 我哋又真係食得哂呀...真係吹我哋唔漲..haha!

再加多個椒鹽骨....

我哋嘅戰績當然係相當彪炳啦....8條友食都淨係食淨少少荷葉飯同幾舊椒鹽骨咋...其實之後我哋重一人叫咗碗甜品...不過啱啱行開咗有影咋....你話我哋係咪好有食力呢! 食飽飽再拉大隊去關生屋企睇波...非常盡興嘅一餐!!

金泰釧

又一篇超級過期卜喇....都唔記得係邊年邊月邊日同朋友仔北上完諗住去元朗開餐....朋友仔話想食泰國菜...兩條唔識路嘅盲毛唯有打電話問朋友仔有乜推介啦....真係唔問由自可...oh...一問之下...有兩位美少女竟然不約而同咁推介"金泰釧"...睇嚟真係唔去唔得喎!

好在朋友仔都唔係好"盲毛"....好快搵到路喇....可能夜咗少少...間嘢有乜人...唔駛等位...good 啦!...

整番杯龍眼冰飲吓先....朋友仔就飲椰青....

朋友仔推介嘅"孖寶"....有生蝦....啲蝦都好大隻吓....正....

重有冬蔭公....都有好多大大隻嘅蝦架....好味!

呢個係自稱鎮店之寶嘅麵包咖哩蟹...連個包都食得架! 話明係"鎮店之寶", 當然得啦....隻蟹重好大隻好多肉....啖啖肉之餘重有好多蟹羔添...好得呀!

朋友仔呀朋友仔呢篇卜係咪"期待已久"呀?恭喜哂...你...終於蛋到喇...haha!!