特別嗚謝...

趁住07年完結之前要再次表揚吓今日隔離department嘅傻瓜同事小青蛙喺今日做咗嘅好人好事....真係要好好咁再一次表表佢(我今次好認真架.....)!

好事一....攪咗個除夕lunch...亦都係07年嘅最後午餐....好食!唔該哂...多得你...我同師奶仔唔駛做孤獨老人....

好事二...就係....冇錯...就係lee堆曲奇餅...好得....好鬆化架....拎出去賣都得! 好堅...

好事三...嗯!好似有啲牽強....不過...是但啦...讚吓佢當日行一善啦...我哋食煙三文魚嘅時候佢幫手唧檸檬汁....真係辛苦哂.....

當然唔少得要嗚謝吓娘娘捐出嘅煙三文魚...令我lee啲貧苦大眾受惠...再次多謝兩位總理嘅讚助.....等我由lunch到放工都係keep住超勁飽嘅狀態...希望各位善長人翁喺08年繼續創多啲善舉....多多益善....少少我真係唔拘架...多謝!!多謝!!

目無法紀

近排買咗對黑色converse....其實...對鞋真係冇乜特別...不過....我係諗住著番工喎...當然都係耐唔屎著啫(我哋公司興business causal)....話時話...次次著親converse番工都比周圍嘅同樹問..."啊....著lee對鞋番工".....聽完lee句嘢嘅感覺真係好似犯咗法咁架, 確係好驚要坐監.....身唔自在咁...不過我通常都係答番"隔離department啲人都係咁啦"...哈哈....我lee啲人渣...係咁架啦...好出奇呀!

又話時話...converse啲鞋真係好鬼大對...我lee啲紮腳嘅.....著對3嘅半都有鬆!

 

掌聲鼓勵

請大家以熱烈嘅掌聲鼓勵吓以下lee兩個蛋糕啦...sorry sorry...應該係鼓勵吓整lee兩個蛋糕嘅傻瓜同事小青蛙....睇佢平日傻吓傻吓咁...勢估唔到原來佢都出得廳堂 , 入得廚房, 重xxxx添 ! (xxxx代表乜?你自己估啦)

其實兩個係藍莓芝士蛋糕嚟架...真係似模似樣...重考考味添! 好勁呀....青蛙仔呀青蛙仔....等梗你啲曲奇餅呀....放心呀,下次我會再喺個卜度表你架喇.......唉!又打錯字添...應該係下次我會再喺個卜度表揚你先啱! 係喎重要多謝你冇喺舊蛋糕度落毒...多謝哂!!

 

 

住家菜

今晚又要留守喺屋企做討厭嘅standby support喇...由於我lee啲孤獨老人番到屋企都係冇乜細藝嘅關係唯有又玩吓煮飯仔啦.....話時話對上一次喺屋企開飯已經係個幾月前嘅事喇...成日都出街食...有時又確係想食吓住家菜嘅!!

由於時間嘅閞係(又驚驚哋整整吓有call)...所以今餐整啲快靚正嘅嘢先得......最後整咗個豉汁蒸大鱔同埋三色椒炒牛柳.....參唔多掃哂...超勁飽!!

嘟...現在報時...家陣係2007年12月28日零時十分(好似係首歌嚟架喎....)...哈!今晚平安渡過....真好!可以有覺好瞓!!

 

 

卜星dAy

尋日下晝又繼續同屋企人吃喝玩樂....我哋去咗天后某間酒店食buffet....由於聖誕嘅關係啲食物同佈置都有啲x'mas feel.....

一嚟整番張合照先啦...

食物就一般啦...不過就好鍾意啲裝飾品....好得意...

食食吓個待應姐姐就話有個做手工藝嘅環節比小朋友玩.....於是我就帶兩隻小魔怪去玩喇.....有哂材料比啲小朋友玩架.....

啲小朋友就用枱面上嘅珠仔同顏色筆去幫個白色盒仔扮靚靚...

整好喇...lee個係排骨仔嘅製成品.....

lee個係肥師奶嘅.....靚唔靚呢......

而lee個呢...係大家姐整架..人哋好似係比小朋友玩咋喎..哎吔...同啲o靚仔爭飯食!

兒童樂園

繼尋日下晝喺公司同啲同事開咗個類似老人院聖誕聯歡會之後,今日又去咗二家姐屋企開party...不過今日個party似係去咗兒童樂園多啲喎!

食物方面...當場唔少得次次都有嘅壽司同沙律啦...

其實今次大部份嘢食都係二家姐整架...又唔錯喎!

食完一輪就玩集體遊戲...我哋分咗兩組人玩...不過由於實力懸殊嘅關係...最後我嗰組係.....食白果嘅.....

估哋估吓以下兩幅畫邊幅係我嗰組畫架呢.....

我諗都係嗰句啦...各花入各眼嘛....

玩完遊戲就係派禮物時間喇...嘩!計計埋埋都係得5個小朋友咋喎...有成堆禮物確係誇咗少少喎!!...............................

都話架啦....啲小朋友一收禮物就四萬咁口架喇...冇呃你!

lee堆就係排骨仔同肥師奶嘅聖誕禮物喇....粗略估計...每人有十份...真係威呀!

收到咁多禮物梗係急不及待拆喺玩啦.....一地都係玩具呀.....玩完玩具又再食過....食完又玩辣辣壽司,猜皇帝,掉手巾....之後又再食過甜品.....哈哈....細路仔就係咁架喇....淨係食同玩...咁鬼開心....真係羨慕.....................