救命呀．．．今日真係忙到顛咗，成日都冇停過．．．繼姐姐上星期飛咗去印尼．．．今日師奶仔又飛咗去東瀛．．．得番我一條友留守大本營！其實之前都試過一條友坐鎮，不過都係好悠閒吓．．．真係從未試過好似今日咗呢hea
．．．唉！我諗都係我黑仔啦，連隔離嗰位自閉男見到我咁多嘢做都不禁開金口噏咗句 " 嘩！平時冇發生嘅嘢，無啦啦都比你整埋 "．．．可想而知我黑嘅程度
！
鬼咩．．．近排因為個沒完沒了嘅UAT個個已經忙到pk，之前頂埋姐姐嗰part已經夠吃力，今日重要加埋師奶仔嗰part．．．唉！攪到今朝不停咁接電話同email，咁都算啦．．．最慘係無啦啦有個死人冧樓嘅request，想等姐姐番嚟整都唔得．．．連problem call都多過平日，真係雪上加霜．．．頂！邪爆
！！．．．一個人頂三個人嘅嘢呀．．．救命呀．．．姐姐、師奶仔．．．真係好鬼掛住你哋呀（更加掛住你哋啲手信）．．．快啲番嚟．．．做嘢啦！不過以我經驗所得，佢哋番到嚟時侯一切又變得平靜架喇．．．無他嘅．．．我黑仔囉!
不過都好彩，有兩個傻瓜同事雪中送炭．．．．陪吓我食lunch．．．．重借咗本書比我睇，哈！！一睇個書名就知啱哂我睇啦．．．．
沒有留言:
發佈留言