華仔...Wowowoo

尋晚同咗屋企人去睇劉華演唱會,上一次睇劉華演唱會已經係三年幾前嘅事...上次肥師奶同排骨仔都有去架...不過肥師奶好似失咗憶咁, 完全唔記得睇過, 重猛問我"演唱會係咪好似睇戲咁架...好攪笑! (又難怪嘅, 嗰陣佢得3歲咋...邊會記得吖)

至於排骨仔呢...佢當然記得之前有睇過啦...於是我就叫佢唱兩句劉華嘅歌嚟聽吓啦...點知...佢答....."嗯...好呀...有隻雀仔跌落水跌落水..."...吓!咁都得...

難得有晨早去到冇乜人遮擋...影番張相先...前面啲位同個舞台好接近架!

開場喇...嘩!好有型呀...劉華放電呀...聽聞佢為咗lee個表演買重咗保險架!

wowoowooo...露肉呀...好誘人...又難怪前後左右啲靚姐哎到瓜瓜嘈嘅!

見到四周圍啲fan屎喺度勁嗌, 肥師奶同排骨仔都跟住大嗌"華仔"...當然我哋都要入吓戲跟住一齊嗌啦..真係嗌到喉沙....後面啲靚姐見到肥師奶同排骨仔嗌得咁大聲重以為佢係fan屎...重借咗支營光棒比佢哋.....哈哈...都話佢哋好戲架啦!

話時話做劉華又真係好識冧fan屎....成日走去親親歌迷...握咗好多次手...坐前排嘅fan屎真係開心死.............

當然...都要照顧吓我哋lee啲山頂嘅朋友...企到高一高同我哋say hi......真係見到都戥佢牙煙

雖則我唔係劉華fan屎..不過...佢唱嘅歌好多都係hit歌..所以一啲都唔悶....加上兩隻小魔怪喺我側邊一路嗌一路睇....另我更睇得更加投入...整體嚟講個show確係唔錯!