Lee排生咗兩粒大痱滋, 攪咗好耐都冇乜好轉, 重越嚟越大粒添, 真係痛不欲生呀…攪到連嘢都唔想講,真係一開口就痛…今日番工真係講唔夠十句嘢…我諗今日同關太食lunch講嘅嘢已經係全日最多架喇! 就算夾硬講嘢都講到好似黐利筋咁樣…話說下晝有個同事打比我問點入data….我咪話“嗰兩個field係「黐」埋一齊入架”……由於講到一舊舊嘅關係,個同事聽得唔多清楚重猛問“乜「斯」埋話?
…唉! 佢聽唔明又要解釋多兩句添,真激死!
”
最慘係連嘢都食唔到吖嘛, lee幾日唔係通粉就係湯飯…..真係想死! 今日終於忍唔住買咗支 “吻百蜜” 再加支溂口水添…嘩!支“吻百蜜”果然係勁貴成舊水…莫非真係仙丹嚟!
今日係隔離department嘅同事敏敏妹嘅大日子, 冇錯就係結婚喇, 真係恭喜哂!下晝我同姐姐都有去觀禮呀, 其實我都係第一次去伊甸園(紅磡嗰間)觀禮咋, 個hall嘅佈置又確實唔錯, 不過略嚴地方有啲淺窄, 大慨得50個坐位, 可以企嘅地方又唔係好多咁…..不過可能唔同hall有唔同size掛
!
本來註冊儀式係2點40分嘅不過一對新人姍姍來遲喎, 之但係原來最遲嗰個唔係佢哋喎….重有位主角未到….嗰個就係律師喇 (乜個律師唔係應該好有時間觀念架咩, 我lee啲去觀禮嘅二打六都唔敢遲到啦, 佢似乎唔夠pro 喎
)! 最後等到3點先開始註冊….不過好彩之後冇人用個hall啫, 唔係比人烹且都似!
個hall入面好似個帳幕咁.....盞燈又整得幾靚喎!
重有好多花花圍住添.....
個律師講嘢好鬼細聲呀....真係要比個咪佢先得!
前兩日約咗大家姐開飯佢買咗幾件衫比我(即係右手邊嗰件, 其實大家姐都有時會買一啲佢鐘意又覺得啱我嘅衫比我架)....不過發覺其中一件同我之前(都唔記得係幾時買lu
)買嘅一件衫有九成似! 無論質料
其實類似嘅撞衫事件耐唔屎都會發生...好似下面lee兩件衫...一件係我買另一件係大家姐買架, 係咪都好似樣呢! 
不過買衫lee家嘢大家姐又確實比我精明啲...唔知點解同一款嘢佢都可以買得平啲!
不過凡事都有例外, 好似前兩日食飯嘅時候我發現咗原來我同大家姐買咗同一款錶...(淨係錶面個唔同色咋...勁邪!...)...之但係我去咗間cheap cheap 錶行買,平咗參唔多三舊水呀....哈哈!呢個回合我嬴
!
見今日唔駛番工,所以就搵咗嗰師傅仔上嚟駁好條冷氣喉等部冷氣機唔好再滴水....於是我就去咗屋企樓下街市唯一一檔整冷氣喉嘅師傅仔幫手....不過一見到個師傅仔真係有啲想打退堂鼓搵過第二個....事關個師傅人個款好似"古惑佬"...佢個頭染到好金,手臂又紋哂身,又黑黑實實咁...確實有啲得人驚唔知係咪街坊生意嘅關係,價格又唔算貴喎,3舊水有找.....梗係即刻仆鎚啦(而且同師傅仔傾完兩句又覺得佢唔係想像中咁得人驚
.....不過附近又冇第二啲選擇,唯有頂硬上照問啦.....冷氣喉....正當師傅仔喺我屋企門口鋸梗嘢嘅時候個管理員叔叔又嚟到...原來又係樓下投訴滴水!又估唔到樓下個位客同埋管理員叔叔反應咁快 (我都係開咗個冷氣20分鐘左右啫).....唉....斷正添...唯有同管理員叔叔耍個冧啦! 
).....於是就叫師傅仔上屋企整師傅仔都有幫口話好快攪掂!連
師傅仔又真係手腳快喎,一陣就攪掂....查實整得好唔好我又真係唔識分,不過師傅仔又確實製作認真,拆哂窗花成個人企咗出窗口(當然有綁安全帶啦師傅仔真係成個人企出窗口架...話時話若然我唔講,大家淨係睇張相,會唔會以為有賊想爬入屋呢!
),之但係之前裝冷氣機個哥仔都唔駛出呢招.....見到師傅仔咁博都有啲驚
.....不過又真係估唔到外表似"古惑佬"嘅師傅仔會咁博咁認真工作喎...確實人不可以貌相!
今朝喺屋企梳洗完諗住出門口番工之際,突然聽到個門鐘响....晨早流流乜水呢
..... 打門睇吓啦....原來係管理員叔叔, 佢一嚟就問"你部冷氣機有冇滴水呀(應該係指廳嗰部),下面有人投訴", 我離遠昅咗昅條冷氣喉....又唔覺漏水喎....於是就答亞叔"冇喎!"....點知管理員叔叔唔多信又繼續問:
....我又話:「又唔覺喎管理員叔叔又繼續話:「冇理由架喎,你行近啲再睇啦....」管理員叔叔話"滴咗成晚添"又確實好可疑喎,斷估冇乜人好似我咁變態開廳部冷氣瞓覺
」查實由於時間嘅關係,我唯有飛跑去睇多次條喉....又真係冇水滴喎,於是我同管理員叔叔重申一次"真係冇呀"....管理員叔叔見我咁堅持唯有閃啦,不過我都同佢講再留意吓.....
(大佬晨早流流,趕住番工架!).....
臨出門口前心血來潮再行去窗睇多次....睇真啲.....頂! 條喉又真係冇滴水呀....因為啲水喺右邊滴 ,條喉就駁咗去左邊(因為有啲衫遮住視線睇唔到右邊有水滴呀)...唔係fa.......其實部冷氣機係上年季尾先買架...之前冇乜點開過,唔知條喉咁型....唉!又要嘥幾舊水整喉....lee幾日又唔敢再開部冷氣機...熱死又激死人喇
!
今個星期六、日同咗二家姐一家人同排骨仔麻麻去咗常平玩, 查實我哋係諗住視察吓環境,好玩嘅話暑假可以再去過
!我哋尋日12點幾就搭巴士去黃崗再轉車去常平,全程都係六十幾蚊咋,幾抵! 唔知常平係咪同香港好近呢,又估唔到2點粒鬆啲就到,都算快...我哋去到就梗係坐低食吓嘢先啦....食飽飽就之後就去間渡假屋視察吓...
個屋苑雖則唔係好大,不過環境都唔錯架...若果啲屋唔係咁密同埋少啲車會更好!
重有個泳池添,都好乾淨企理架....肥師奶同排骨仔一去到就游咗轉水喇....
間屋都幾大架,夠哂我哋住...
喺個門口影張相留念先
....周圍都種咗好多芒果樹架....麻麻重偷偷哋摘咗個比肥師奶添....
睇佢哋個傻樣,就知有幾好玩喇.......
今日lunch就係喺度食架喇,又估唔到啲嘢特別得嚟又幾好食喎,好似咸湯圓
