團跑...

 

雖然過哂期, 不過都好想寫低佢....話哂都係精彩嘅一週, 好開心呢!

7月中一星期內JOIN咗3個團跑, 每個都好好玩好精彩! 第一個就係去藺桂芳喪跑, 之後再去摩天輪, 中山紀念公園同港大,最後番香港公園......原來呢條路來回10K唔夠, 跑去藺桂芳嗰段路真係超攪笑....好耐冇去藺桂芳, 今次竟然係去跑步....正!

 

星期六就約咗第一班識嘅跑友再戰寶雲道, 再經熱點摩天輪...回程都係去番香港公園, 跑完再齊齊飲啖茶食個飽, 吹吓水又玩咗半DAY, 好充實!

最後一個團跑其實係跑藺桂芳嗰晚有位師兄話星期日有個團跑玩青衣雙子橋, 嘩!好吸引喎, 住咗青衣幾年只係識沿海旁路, 真係想試吓環島跑, 所以就膽粗粗JOIN吓佢哋! 其實前一日個生日跑跑咗參唔多10K...唔肯定跑唔跑得哂今日個TRIP呢...盡力而為啦! 其實我未跑已經帶定頭盔同隊友單咗聲可能中途走先,重拎定八達通同CASH,唔掂就閃, 點知跑吓跑吓又比我捱到全程..HAHA...其實全程有15K, 中途有成11K係荒山野嶺唔走得....所以先捱到全程咋! 話時話攰又唔算勁攰, 不過呢日真係太曬喇, 又話會落雨結果全程比太陽伯伯照住, 好熱呀...超難頂!反而條路冇想像中辛苦, 希望下次有機會喺冇咁曬嘅情況之下再跑!結果呢個星期跑咗35K, 對我嚟講已經好勁架喇!

 

邊跑邊搬...

呢期放假重攰過番工, 一放假就喺屋企PACK箱執嘢準備走佬, 攰到咩咁! 雖然係攰, 不過又想跑吓舒展吓筋骨...趁今朝太陽伯伯偷懶咗一陣, 雨點妹好又休息緊, 即刻落街跑番10K先...唔知係咪呢期跑慣咗 (通常一起錶就10K), 又真係唔覺得好攰, 而且隱定地一個鐘跑得哂, 感覺呢期好似有啲進步! 原來以為已經冇乜進步空間架啦, 無啦啦有少少進展又真係幾開心喎!感恩!



燒吓、飲吓、食吓又傾吓＠嗚橋燒肉料理

星期五又係輕鬆一下嘅時間, 約咗幾個同事一齊開飯, 其中有位同事相識多年都未試過一齊食飯呢, 可惜掛住食同吹水唔記得影合照留念添！

 

其實開飯前都發生咗段小插曲,話說同事前幾日已經經OPENRICE訂咗枱,點知我哋嗰晚去到嘅時候個WAITER竟然話冇收到我哋BOOKING....要等其他人食完我哋先有位....吹啤啤....下次都係打電話BOOK隱陣!

 

都好在, 8點幾已經有位, 都係比預期遲咗15分鐘左右啫, 冇影響我哋開飯嘅心情而且邊食邊吹水真係好正! 其實一邊燒一邊食好似比齋食放題好少少....起碼可以慢慢燒慢慢食, 平時食放題放到一枱都係好似趕住要一次食哂啲嘢, 係咁質啲食物落口反而冇機會慢慢品嚐。

 

呢間嘢啲食物質素確係唔錯, 魚生同刺生都夠新鮮, 又有天富羅, 燒物都好味,推介!



 

清理門戶....

 

距離搬屋嘅日子不遠喇, 呢期一有時間就慢慢收拾細軟, 衫又要PACK, 雜物又要PACK..放假都好忙呢....

 

不過最煩嘅係啲食物喇...唔駛雪嗰啲都重搬得走...要雪嗰啲要盡快清, 唯有整吓蛋糕同曲奇消消佢...用屋企僅有嘅物資整啲蜂蜜小蛋糕!

 

嗯...其實重有幾篇跑步同搓泥卜想寫..不過今晚實在太攰, 擇日再寫吧! 晚安!



7月喇星飯@Marco's Oyster Bar ＆ Grill

7月又係朋友仔車尼子嘅生日, 呢期佢想食生蠔喎, 揀咗去Marco's Oyster Bar ＆ Grill, 一入去先至發現原來我嚟過呢度食TEA呢, 嗯....印象中一般咋喎....

 

 

我叫咗7成熟牛扒, 點知叫全熟牛扒嘅朋友切開塊扒重生過我嗰件.....真吹啤啤.....結論係: 食完呢餐之後...對呢間餐廳嘅印象冇變囉, .HAHA!而且呢個地方比較嘈, 想吹水有啲難度....



 



食完晚餐就變陣去松記食糖水....又係超飽嘅一餐....

大滿喜

好耐冇成家人一齊開飯喇, 呢期正值暑假大家姐吹雞開飯, 終於唔駛趕住閃喇, 可以慢慢嘆喇! 呢間係二家姐推介, 食物質素唔錯喎, 重有大腳八食架....圖下面嗰款芝麻雞翼都相當好味, 其實食物都好足料, 靚仔又好味.....一啲都有欺場....二百蚊鬆啲食到超飽!

長洲熱爆之旅

星期日約咗啲跑友去HEA遊長洲, 主旨當然係食食同食啦....不過今日天氣實在太熱喇....行完上山之後熱到屎咗....啲汗流係咁流, 落咗山就係咁食凍嘢解渴,什麼凍檸橙、冰菠蘿、什果雪條,重有大大粒魚蛋同芒果糯米糍都掃一餐....飽哂!! 不過成日係咁流汗真係堅攰, 重攰過跑10K呢!

 

搣匙生日飯

好耐冇同卜友仔開飯, 今次係同搣匙賀壽嘅...去咁位於觀塘嘅御膳食私房菜! 嗯....路痴嘅我唔識路,足足兜咗25分鐘先搵到呢...攪到遲到兼熱死咗...

 

不過呢度啲餸菜味道又唔錯喎,碟碟都好夠份量, 魚同蟹都係揀咗用蛋白蒸, 清清哋都好好味! 個甜品係西瓜盅, 好喜歡呢夠哂消暑!

８號風球下的特備節目～紅梅、杏仁、朱古力曲奇

星期四下晝無啦啦掛咗個8號風球, 突如其來的兩粒鐘早放...好想整曲奇呀, 其實上星期日已經好想整架喇....不過做咗其他嘢冇時間整, 今日可以再整喇, 重可以整多幾隻味嚟試! 拎啲比屋企人之餘又可以拎啲番公司比同樹們試吓, 嗯....我都係喜歡紅梅多啲呢!

牛氣...

第一次去牛氣,確係多人...不過都唔算等太耐! 呢度嘅食品貿素唔錯喎,重有甜品雪糕,限時90分鐘...其實食一粒鐘已經超飽呢.....好味! 

物輕情義重

唔知大家覺得去旅行買手信係一件煩事定係一件開心事呢?! 嗯...對我嚟講呢...老老實實真係睇吓買比邊個啦......屋企人同朋友當然係樂事啦...有時望到某樣嘢就會諗起某個人....繼而就會不期然買到合適嘅手信架喇...好似呢兩份咁.....價錢唔係貴...不過收到嘅朋友已經笑死咗喇....

 

好耐冇同呢兩位朋友仔食飯喇.....三個傻瓜吹水真係笑鬼死, 笑到肚都痛埋!



紅梅曲奇...

呢期冇乜搵新食譜, 難得有時間就上網SEARCH吓...睇到呢個食譜又好似唔錯, 牛油成份唔太多....減少少糖應該都OK....啲白老鼠都好喜歡呢! 已經買定杏仁同朱古力粒, 可以整其他口味!!