上個星期...約咗小淫蛙佢哋去行吓書展...不過小淫蛙話想同佢爸爸媽媽食飯...本來諗住分開食架喇...典知小淫蛙猛咁話翠亨邨嘅沙鍋魚頭煲好食叫我哋一齊去開飯....好大嘅誘惑呀
....確係抵受唔住呀(基本上我呢啲面皮幾尺厚嘅....都冇乜反抗過囉...come on沙鍋魚頭煲
) ...就係咁我同埋兩個冇飯開嘅同樹就join埋淫蛙嘅爸爸媽媽一齊去開飯!
正所謂.....橫掂都要食飯架啦...多啲人食可以叫多啲餸嘛
! 翠亨村....我好似係第一次去呢間嘢咋.....
我哋叫咗四人套餐....先嚟個唔知乜响螺湯先啦....唔錯唔錯....點都好過健康工房嗰啲啦............
燒味拼盤....燒鵝脾嚟架...重有啲叉燒都好食呀!
海斑一條....我哋連啲豉油都唔放過...用嚟撈飯....屎啦...我哋三個冇飯開嘅災民好似幾年冇食飯咁...唔知會唔會嚇親蛙爸爸同蛙媽媽呢!
西蘭花炒帶子...掛住食...食食吓先記得影咋!
呢個係什麼什麼泰式香矛雞....好古怪呀...又唔算難食...不過唔係expect嘅嘢...無啦啦整啲椰汁落去超怪!
主角出場喇....沙鍋魚頭煲....確係好香口呀....熱辣辣...好食呀...不過呢蛙媽媽話碟嘢退步咗喎...不過我已經覺得好好食喇!
最後重有番薯糖水食.....呢個都唔錯!
食到七七八八嗰陣個部長姐姐猛咁sell啲月餅卷....本來諗住屈佢比啲奶皇月餅試吓啦...典知又冇....佢比咗啲蓮蓉月嚟試...攪到我哋超勁飽呀!
咁啱蛙爸爸嗰日煲咗湯比小淫蛙....uncle知我哋三個貧困嘅災民日日冇飯開...所以就攪咗個"人人有湯飲"嘅派米大行動(應該係派湯大行動先啱)...我哋三個貧困嘅災民一人有一大支靚湯拎走呀!真係要多謝uncle嘅大力捐輸.....啲湯好好飲呀!
飲飽食醉之後就出發去行書展喇....估唔到夜晚晚都咁多人...真撞鬼!
小馬公仔好攪笑呀....
重有介紹老夫子嘅展覽.....
不過我就冇乜收鑊呀....冇乜嘢想買...不過行吓行吓攪到落閘放狗先走呀....行咗兩粒鐘...腳都軟埋...好攰! ....係喎嗰人呢有人買咗3大本烹飪書架喎....烹飪書呢家嘢齋睇唔得架喎....呢位人兄幾時實習吓呢!
小淫蛙仙女...我希望呢...好快會有個好好味嘅蛋糕食囉!
