今晚放咗工約咗小淫蛙齊齊去做亞茂...一齊去整餅....呀!!...唔係...我哋應該係做咗"荷媽"先啱....事關我哋今日唔係去整西餅....係去整月餅, 重係卑鄙月餅!
我哋去咗灣仔嗰間二德惠學呀.....
由於上堂嘅時候唔比影相...只可以影製成品咋! 第一次整...成日唔記得幫隻手補粉攪到啲月餅皮黐哂手添....呢咁hea...老師都頂我唔順行埋過嚟幫拖....好低b!
整個closeup睇吓....大大隻字寫住....慌屎人唔知係卑鄙月餅咁.....
好pro架....比埋個盒我哋拎走.....總共整咗8個.....有4種味架(綠豆蓉, 柚子, 芝麻同綠茶)聽日拎啲番工食先!
幾堅...唔知重以為係買番嚟架添!
不過呢...我想澄清囉....呢啲月餅皮係唔會溶...佢係用冰皮粉整架....可以用嚟做糯米糍皮同香蕉糕架...不過...雪咗佢當然係好味啲啦!
第二日就係拎咗呢3個月餅番公司喇...以為帶咗3隻唔同味添....原來拎咗兩個綠茶味....家姐佢哋冇得試哂全部lu! 聽日又拎啲比亞媽食吓先!
大家估倒我哋買咗幾多個袋未呀....呢張相就係貼士喇....不過臨走嗰日又掃咗少少....所以呢幅相都未算update......呢啲就係我哋頭三日嘅戰利品....得人驚嘛...
...其實我哋望住堆袋嘅時候....真係有啲疑惑.....有個問題擺咗喺心度....唔知大家可唔可以幫我解答呢.......究竟....一個正常女子係有幾多個膊頭同幾多對腳架呢....典解啲女人好似買極都唔夠咁架(當然包括亞祖啦)....考恐怖呀.......
好快又到咗啦屎一日喇.....食飽早餐又去買咗啲手信(都食零食同零食)......之後去NaRaYa最後衝刺...然後再去埋骨場作最後一擊.....典知....爛尾呀....too bad!
聽朋友仔講呢間係胡慧沖推介架...不過....唔掂囉!按到隻腳勁唔c服...瞓喺度按腳已經係非常之奇怪架啦.....個按摩亞姐又唔掂.....應大力嘅時候佢又細力....叫佢細力啲咩...佢又大大力...家陣個指公....sorry....打漏咗個字...係個"腳指公"....重赤赤痛呀.....想典呀! 好彩按一粒鐘啫...唔駛捱咁耐.....
按得咁辛苦....梗係要搵啲好嘢食吓啦......
熱到屎....整番杯嘢飲吓先....有綠茶.....
重有檸檬梳打.....夠哂凍....正呀....
今餐好似同魚有仇咁....先嚟一個魚生拼盤....
再嚟....又係我嘅飛佛.....鹽燒魚....好好味呀....
重有壽司....都好好食呀.....
熱辣辣嘅天婦羅.........
食飽番酒店再執吓行李又要飛喇.....好唔捨得呀....呢幾日都好好天呀...太好喇!
難得條路咁暢順喎...好快就到雞場.....睇吓我哋啲行李....我就攪到一抽二"能"(鬼咩...淨係啲NaRaYa已經佔據咗我半個喼喇....注意:我嗰個已經係大喼嚟架喇!)...朋友仔個喼就漲爆......好堅....兩個喼都重到爆....
check in哂...又要抖吓...又食番杯雪糕抖吓先....話時話...平時都唔係成日食雪糕...去到泰國就勁想食.....
check in嘅時候個地勤姐姐明明話冇哂啲連住嘅位...我同朋友仔要分開坐....典知....最後原來朋友仔隔離冇人喎...莫非有人冇上機?....都好....漁人得利...我又可以同朋友仔一齊坐.......
又食飛雞餐喇....都係咁上下啦....唔多好吔!
好彩我哋喺上機前買定個芒果糯米飯....啲芒果超甜...好正...好懷念呀.....朋友仔們....我哋幾時再去玩過呀.....haha!! 不過唔知係咪呢幾日食啲嘢激烈得滯呢....家陣喉嚨痛添.......次次都係咁.....激屎!
今朝食完早餐就去咗Siam嗰間IMAX睇戲...都話日日都要去吓呢度架喇....勁走回頭路確係呢個團嘅宗旨嘛.....
間iMax好大架....有好多戲睇...我哋就揀咗Batman....都好刺激吓架!
睇完戲又係食同食...由於時間關係(之後又要去spa喇....真係好忙)...所以今餐食foodcourt.....頭皮搵咗間日式拉麵食.....
個餃子又幾好味喎.......
個麵都ok...不過略咸咗少少......
兩條友食咁少嘢無非都係想食個飯後甜品啫......雪芭...好好味呀....
之後又搭BTS去spa喇.....今次我哋去CORAN.....由於地方偏僻...間嘢有專車喺BTS附近接送架.....有位姐姐仔揸車接我哋...好威!
我哋約咗嗰位姐姐3:40喺"牡丹樓"等架.....你睇...我哋幾準時!
到喇....白雪雪...懶係簡約嘅設計...不過外型又幾ok喎...
去到又要填吓啲個人資料先...姐姐隊咗兩本嘢比我哋填..咁我哋咪打開本嘢填囉...典知....一打開本嘢我哋不其然笑爆咀.....乜....乜....乜...我叫"荻野洋子"咩....也媽爹...我唔想改名喎....小姓"劉"呀....當然之後話比個姐姐知佢攪錯咗啦...再填過先!
攪完一輪終於嚟料...間房都幾別緻....
今次個spa包埋個herbal ball...又幾c 服架喎....典都好過擺幾粒石仔喺身啦!
梳乎完行咗陣街街又去開飯...由於今日係朋友仔壽辰....一於食餐好嘅...其實都冇乜邊餐食得唔好囉...哈哈!
呢間嘢聽就聽得多喇...都係第一次食咋...好威咁!
好古色古香咁......好似幾穩陣喎..不過呢...唔知典解冇乜人幫趁...唔知係咪我哋太夜去呢...................
食翅嘅配料.............
主角嚟喇.....你睇....滾吓滾吓架....成塊魚翅...考考食呀...
作為"菜怪"嘅我...梗係要炒多碟菜先啦...
食完魚翅又食吓粉絲先....粉絲蟹煲....都唔錯....飽飽! 之但係我哋掛住食, 帶咗張九折coupon, 到比錢嘅時候居然冇攞出嚟....蝕呀!
又食雪糕?!...係...又食...你吹得我漲咩....我鍾意呀....好味!好滿足!
我哋住嗰間酒店除咗新同大之外...連早餐都好多嘢食架.....款色都好多吓....可能你睇完張相會話"吓咁多叫多嘢...."...其實係我拎得少啫....我細食吖嘛...呵呵!
有點心呀....重有湯粉....粥.....好多選擇吓架
重有賣飛佛....水果呀....正!
食飽飽又去行吓街先....我哋呢啲勁走回頭路嘅...日日都要去吓Siam先安樂...重去埋central添.....又有唔少斬獲喇...攪到破產咁滯.....買完嘢又要去換啲錢洗吓!
由於個早餐實在太飽...最終都係skip咗lunch...去咗high tea.....
好味嘅檸檬茶...不過今次啲茶濃咗啲....要等啲冰溶咗就啱啱好喇!
大家估唔估到呢碟係咩....牛扒?!...其實我係叫咗個有菇菇同菜嘅沙律啫...典知嗰兩塊菇係咁款....成塊扒咁...好攪笑!
當然唔少得炸雞啦....好食....熱辣辣架!
之後...就去咗我哋期待已久嘅Let's Relax, 成個月前卜定架喇...不過...希望越大失望越大囉......唉!
我哋卜個間雙人房...諗住去試吓個熱石按摩啦....
間房都幾企理架......不過呢...我都係鍾意普通oil massage多啲囉......就咁擺啲熱石喺個身度....唔知做乜咁...成日就係聽到兩位按摩亞姐喺度炒石....好似玩炒餸咁.....我寧願佢將啲時間幫我按吓摩啦....
按完個熱石之後就有芒果糯米飯食...好味....之後又落樓下嗰層繼續按腳...不過都按得麻麻呀....so bad...............
按完之後又係開飯嘅時候...呢餐都係期待已久架.....完全冇令我失望呀.....
記得個幾月前話去泰國...我第一時間已經同朋友仔講..."我要食生蝦"....真係好正架....又新鮮...掂!
再嚟冬陰公....又係超得.....好味到呢....話時話唔知典解呢幾日都好想飲呀....好懷念呀....添飲吖唔該......
呢個菜比較奇怪...外表似通菜...不過佢係實心架.....食落唔似菜囉.....好得意!
胡椒蟹好穩陣.....好食呀.....
又清哂.....我...我...我哋都唔係好大食啫!
食飽又去威....今次行night market, 我都係第一次去咋......冇翟度翟咁熱...又幾好喎...都好大好多嘢買.....行到12點幾又打道回府....慳家嘅我哋行去對面街先飛的番酒店....真係平好多架......爭成百幾二百匹架(買到幾個NaRaYa架...haha...sorry, sorry...上咗腦呀)
................
番到酒店又hea吓先....酒店送嘅生果(芒果係自費架)......唔好嘥啦...食埋食瞓...好飽....話時話其實呢..我哋日日都真係食hea瞓揼同嘆吓世界囉...係冇乜新意架喇....希望唔好悶親大家啦!haha....
