新春行大運@夏門~Day 4

是日行程 :  刀具店絲綢館南普陀寺中山路步行街

好快就到行程最後一day喇....仍然係爛早餐...食完就閃喇....一嚟先去刀具店...買咗少少嘢又閃去絲綢館...嗯...絲綢...真係唔啱駛...位姐姐係貢sell我哋都冇采佢呢!!



之後就去行南普陀寺...呢度香火好頂盛喎...重超多人....由於落雨嘅關係冇乜心機行喇.....

行完又食.....

食完又行....話咁快就到咗最後一個行程喇....步行街shopping....其實都係食同食...haha....呢個團重包咗個夏門出名嘅甜品花生湯(右一), 味道稍甜...不過都ok呀...食完糖水之後我哋就去掃街喇...

又飛喇....乜同嚟嗰陣一樣又有個包?! 今次係雞肉....勝在熱辣辣囉~

yeah....終於一口氣寫哂4日行程...爽!!

新春行大運@夏門~Day 3

是日行程: 福建烏龍茶舍(茶藝表演)
竹炭店乘遊船環遊鼓浪嶼島30分鐘(上島)

晨早流流食完爛早餐就行喇.....一嚟就嘆個早"茶"先.....其實夏門都有出產茶葉架....所以今日就去遊吓茶藝館....之後就去咗行竹炭店喇...."竹"都有嘢買?係呀...原來用嘅造嘅衫好索汗好耐用架...重有竹炭花生呢!估唔到家姐佢哋喺度都放到血喎...haha!!

行完又食喇....又係呢啲....幾乎餐餐都係嗰幾味.....睇番張張相都係一樣貢滯....堅持每餐都係8餸一湯...好貫徹!
食飽就走去搭船喇....家陣就出發去鼓浪嶼喇....坐船仔觀光再登岸....重以為鼓浪嶼係渺無人煙嘅荒島....一家風光如畫...殊不知原來好似長洲貢人來人往....重有成條手信街好似去咗氹仔咁! 不過...呢度啲建築物都算幾靚...導遊又帶咗我哋去菽莊花園....個花園都ok嘅...影吓相再行吓鋼琴博物館!

之後就再行手信街買嘢喇...又係食同食同食.....

行完鼓浪嶼就搭船番市區喇....之後又開飯喇! 今晚終於正正常常7點幾開飯喇!!

番到酒店....領隊哥仔話新年(今日係初一哦)有禮物比大家.....跟手就一個組別派一隻公仔...不過....我哋8人一組有兩個小朋友都想要喎....領隊哥仔當然唔會托手踭啦...最後佳大歡喜meme同肥c奶都有公仔喇! 最攪鬼係有啲團友都將個公仔隊埋嚟....最後有4隻公仔囉!! haha!

新春行大運@夏門~Day 2

是日行程: 華安大地土樓群(二宜樓、南陽樓、東陽樓)青礁慈濟東宮

噢!原來呢間酒店係提供中式早餐....不過佢煮啲嘢實在係太肥膩, 晨早流流都食唔到啲咁肥嘅嘢....最後都係白粥 + 曼頭 + 烚蛋, 油炸鬼淨係出現咗一日咋....嗚嗚嗚!


食咗少少嘢就出發喇...yeah....成個trip最吸引嘅一個地方呀....就係土樓喇...又真係好堅喎....重有人住緊架....唔講唔知原來家陣重有4萬幾幢土樓架....不過分散喺唔同地區...首先我哋參觀咗較大嘅二宜樓先....

之後就睇埋南陽樓...而東陽樓就係最細嘅...佢係方形架..

行完又吃飯喇....其實我哋一行8人已經坐滿一枱...同自己人食飯唔駛爭呀...呵呵!!

食飽又繼續行程....呢度就係青礁慈濟東宮...嗯...呢個真係全程冇聽書唔知係乜東東添...haha!! 你睇...有好多級架.....我哋爭少少就行哂喇....如果唔係由於時間關係一定會行埋佢呢!!

由於時間關係...行完又食喇(其實早上壞早...個行程延誤咗少少....最後都係同尋日一樣5點幾食飯, 都好彩咋....再早啲食真係唔知佢係tea定係dinner!)....呢餐又ok喎都算幾好味....話哂係"團年飯"嘛....真係餐好!!

5點幾食飯最後當然係要番酒店啪杯麵啦!!

新春行大運@夏門~Day 1

今年新年啲家姐話想一齊去旅行...我當然係冇問題啦...反正過年都係喺屋企悶....不如去玩吓啦.....本來想去台灣行轉架....不過幾經轉折...最後改咗去夏門睇土樓...都好啦話哂係"文化遺產"嘛.....值得一睇! 話咁快就年廿八喇.....今日出發喇...yeah!!真係好耐冇跟團去旅行.....巧展張呀!

是日行程: 集美學村龍舟池歸來堂五緣灣大橋

9點幾就到雞場集合喇....寄哂行李就去嘆番個靚早餐先!! hea完一大輪終於上機喇.....其實程飛機1粒鐘都唔駛...超快呀! 正!!


重以為咁短途嘅機會冇嘢食添....點知有個熱辣辣嘅叉燒包!! 食飽冇耐又話落機喇...嘩....好多人呀攞行李呀.....

一到埗就開始行程喇....呢度就係集美學村喇...有堆學校架...啲學校好宏偉而且古色古香....呢個乾塘嘅池就係龍洲池喇....夏天注番水架....左下就係歸來堂喇!

呢個就係五緣灣大橋喇....其實佢真係有5大個環架...不過太大喇...影唔到全貌!!

由於時間關係....5點幾已經食得飯喇.....8餸一湯...不過呢餐都算係全程至難食嘅一餐!!

食飽就番酒店喇....嗯....已經冇乜期望....之但係都冇點失望囉....間間房都總係有啲嘢唔對路咁....我間房就沖唔到廁所, 二家姐間房就壞熱火爐...大家姐間房又細過人...奇奇怪怪貢!!

唔理喇....晨早番到酒店都冇嘢做...行去街尾間tesco 度shopping先....買定今晚同聽晚啲宵夜都好吖...聽導遊講聽晚晨貢早食晚餐(5點左右)!! 又估唔到隻燒雞幾好味...加埋個杯麵真係冇得頂! 好味過晚飯多多聲!!

Sister Lam生日飯朁卜友團年飯

今年1月就過年喇....年廿七適逢sister lam生日月....卜友仔就為sister lam攪咗個驚喜飯局順便食個團年飯...今次我哋去咗"圓山"食飯....呢度環境都ok呀...我哋6個人叫咗個4人餐再加餸...真係巧豐富呢!!

其實好多都唔知係乜名堂....不過又幾好味喎...而且份量都唔少架!!上面個蛋都好味, 重有炒南瓜...都不俗哦! 皮蛋豆腐...我like呀...!


蒸肉餅又幾得喎...重有小食....

驚唔夠飲再加個雞湯...真係碟碟都好大碟....超飽!!

個4人餐跟飯/麵....加埋小青蛙準備咗嘅古古力蛋糕...超滿足!

富貴午餐@伊藤

話說前排敞公司皇恩浩蕩咁每位員工都比5舊水作為team gathering(一般嚟講team gathering即係成個部門齊齊整整咁食餐飯)...本應想搵個地方一齊食晚飯...之但係...攪完一大輪都就唔到時間...終於由晚飯改為lunch....去公司附近搵間好嘢食! 最後揀咗"伊藤"....

喺呢頭做咗咁多年....我都係第一次去呢度食咋....無他嘅...呢啲貴嘢平日真係食唔起哦! (落樓起碼位位兩舊)


話就話位位有5舊水...不過我哋部門有啲同事係外援嚟...所以冇5舊水...當然食飯都要預埋佢哋啦...七除八扣之下...位位都有3舊幾水食嘢嘅! 一場嚟到....梗係唔貴唔叫啦..haha...你睇...呢碟刺身幾靚...呢個係set lunch嚟架...重有前菜, 湯同天富羅!

我就揀咗呢個鱈場蟹喎喇...嗯...佢個樣都好似ok咁喎...之但係....睇真啲典解佢啲腳咁瘦嘅?! 重要腳短短貢...得番3條腳貢大把, 底就有一堆菜同菜同菜加埋兩舊仔豆腐! 頂...成3百幾蚊...唔係化!! 一啲都唔值囉!! 重要唔跟飯....最後要加15蚊一碗嘅白飯!! 呢鍋嘢超搵笨! 當然...味道係ok....不過物非所值!

亦都有人叫咗魚生飯....呢個樣都ok嘅....嚟呢度都係要食刺身同魚生比較穩陣!!

食後感: 食物quality都算唔錯(由其係刺身同魚生)...不過....大家一致認為.....食唔包囉....份量太少喇!!唉! 呢餐應該係史上貴而最唔飽嘅一餐!! 好在唔駛我比...唔係一定嘔血!! 

群嘩拱照火星夜@貴德宮

前幾日小青蛙攪咗個生日飯局同火星人賀壽....為咗清洗罪孽就揀咗食齋喇....又估唔到啲菜式都幾特別架喎....味道都唔錯添! 若然平時有選擇恐懼嘅朋友嚟呢度食嘢一定好開心....因為呢度係冇menu架....佢煮乜你就食乜!(斷估唔會樣樣都唔啱食嘅)

查實我都噏唔出啲餸名出嚟....不過就真係好喜歡左上同右上嗰兩道菜, 前者係冷盤嚟架...有啲粉皮麻醬等等...好清爽嘅"揀著"!! 左下係炸物..有炸蓮耦同類似炸雲吞嘅物體...而右下就係菇菇嚟架...都唔錯!!

下面一個似煎米糕嘅物體, 好煙韌架....個咖喱汁少少辣好惹味...最攪鬼係佢啲牛丸無論質感同味道都好似平時食嗰啲牛丸咁...一啲都唔似齋!

啲咖喱汁重可以撈飯同點包....以為食完個咖喱就冇其實餸啦...點知再嚟多葉皇帝菜同一碟有點驚嚇成份嘅齋版老少平安!點解話碟老少平安驚嚇?其實係啲朋友仔見到個獻汁青bb覺得好肉酸 (又真係幾似鬼口水嘅)...攪到佢哋有啲抗拒呢碟嘢!! 我嘛對鬼口水都接受到....之但係對老少平安呢個餸有點童年陰影...先覺得感覺不是太好!

為咗慶祝火星人生日...小青蛙特別整咗個生日蛋糕比火星人....覺唔覺得呢個外星人個樣熟口熟面? 其實佢係whatsapp 人面嘅其中一個icon嚟! 加埋呢個素宴提供嘅甜品 (杞子桂花糕同合桃露)..真係飽到上心口!!

黏土製作の花 (第一回)

上文提到...呢期同時間上咗兩個黏土course....其實另一個係工聯會course嚟架..haha...上次個節日食品都未整好...不過又好想試吓整花....太多心呢!! 比啲時間我啦...個節日食品其實都整咗一半架喇....要比啲時間埋尾!!

知唔知呢啲係乜花? 佢哋係鬱金香嚟架.....不過整得唔夠好....想再整多批呀...加油!!

私家搓泥班(四)

呢期一個星期上兩晚搓泥...確係有啲"忙"嘅感覺....睇嚟要好好arrange吓啲上課時間.....唔好將兩個course疊埋一齊比較好!

上埋呢個course再算!! 第二堂做呢個嫁妝....真係好有趣.....老師嘅手藝一流之餘重係創意無限!!勁!!
好喜歡呢對襟花.....實物好靚哦!

原來整難都唔算太難....有趣!!有趣!!

下堂應該可以完工喇....期待!