明明話係整蛋糕同麵包嘅...典解變咗餅餅架?! oh..又係喎...hehe...真係唔知典解...不過老師教埋就當然係求之不得啦....其實重有啲撻架...未整好咋!
由於時間關係....整咗曲奇餅先啦! 其實同實物一樣....曲奇都係比較易整啲...啱哂我呢啲懶人...先嚟幾塊原味曲奇先啦!
重有我喜愛嘅咖啡味...亞祖雖則唔飲咖啡不過就勁喜歡咖啡味嘅食物!!
再嚟古古力曲奇.....
未夠?再整多幾條棒棒同餅...呢啲其實係用嚟裝飾架咋....裝飾啲乜?遲啲你咪知囉!!
又整張合照先.......
星期六骨精又出動喇....今次都係去三島....又可以飲餐茶先喇...我哋念念不忘嘅二奶包...重有好好味嘅豆腐.....非常足料嘅韮菜餃....好味!!
攪吓攪吓....成9點幾先骨完...拿拿淋去食過晚飯先....小青蛙推介嘅滿庭芳....啱啱裝修好咋...重以為佢未開添...真係好彩!! 先嚟一碟海哲頭(右上)....yeah...終於有得試聞名已久嘅水煮魚...不過呢...老板娘有新推介呀(右邊中間嗰碗嘢)....已經唔記得係乜名...都係水煮魚啲friend...個汁比水煮魚清...都係麻辣架...好好味!重有碟蝦(左下)都有辣子雞feel...好香口...重有好得別清炒黃瓜花...特別(右下)!
我哋叫咗個燉湯...烏雞湯好清甜...再叫咗隻唔知乜雞(左二)...呢個一般咋...再叫咗咗萬頭同少少甜品...真係超滿足!
又親子遊? 又關我樹?係...吹咩....haha....又嚟一味靠黐喇....今次嘅行程包括參觀嘉道理農場...爬蟲館....黃金海岸buffet + 觀光....
oh...晨早8點幾就要落樓下集合喇.....
...好彩有旅遊巴...一上車就瞓囉...hehehe....話咁快就到嘉道理農場喇...查實我幾十歲人都係第一次去咋...聽就聽得多...真係超級大鄉里....oh...呢度又唔算好多動物睇...最出名恐怕係嗰幾隻肥到亞媽都唔認得嘅pig pig豬...嗯.....真係豬有豬味...
..hea完一輪就上車去下一站.....
下一站就係呢度喇.....爬蟲館...原來佢係喺屯門公園入面架...又係未見識過! 重以為爬蟲館係睇下啲蟲蟲姐姐啫...點知原來係睇龜...蛇...蜥蝪...鱷魚...全部都好肉酸吓...難怪Meme一路睇一路話"驚驚"...
....
睇完一眾"小動物"之後又到食飯時間.....原來呢團總共有3百人....成村人就係去咗黃金海岸嘅酒店食buffet..真係超熱鬧 (一開始拎嘢食嗰陣..真係好有"派米"嘅揀著)!!!
最後喺黃金海岸hea咗就閃喇....話時話...雖則呢個行程真係唔算好就奇刺激同好玩...不過總算天公造美....成程一滴水都冇落過...我哋一上車即刻落狗屎! 真係要講句thank God!! 成團人參唔多1/3係小朋友...若然落雨真係好呢hea!!
又嚟喇...uBuyIBuy......都話中咗毒架啦...鬼叫佢除咗食之外...連手作仔都有得平咩!!最重要嘅係可以比幾十蚊去試玩嘛...點都好過join咗成個course先覺得唔對路...好似上次學界玻璃...真係有啲嘥錢同嘥時間嘅揀著呢!!
言歸正傳...大家又知唔知何謂"彩瓷繪"呢...嗯...實不相瞞...上完呢堂我都唔係好知佢有乜特別....因為老師真係冇乜講解...亦都冇介紹吓有乜特別技巧...)....一嚟就叫大家"劃"...其實呢科嘢大慨都係劃啲畫喺啲杯杯碟碟度, 畫完再拎隻杯/碟去燒....燒完之後啲顏色就會"食"哂入啲杯杯碟碟度唔會甩色....
由於時間關係...我當然係冇任何生理同心理嘅準備啦....頭皮拎住本書搵到幅圖就對住畫....都係簡簡單單劃吓花花啦....首先要用筆起稿先.....
之後就再上色...呢啲顏料真係好快乾...重要玩吓溝色....對於手慢腳慢嘅我真係有啲難度....油到一撻撻呢!!
燒完就係貢喇! 睇到呢度...也許可能may be或者...大家覺得畫得唔算大核突之際........請大家.....再向下望...............
燈燈燈櫈....haha....其實我係對住呢張嘢畫架...唔多似囉...其實上完個彩瓷繪...反而又再勾起我想學油畫嘅動力! 其實想學劃油畫想咗好耐....嗯...下一個目標!!
嗯...都係食呀
...除咗搓泥...我都係對"食hea瞓揼"比較有性趣囉!話說上次上完個法式焦糖燉蛋製作班之後...見亞sir教得唔錯...所以再報咗另一班囉!
由於呢個course係N年前報落....我都已經唔記得今次要學乜喇!(我淨係知一定係我平日都好鍾意嘅甜品囉！hehe!)....OH...原來係整tiramisu同日本芝士蛋糕呀...yeah "tiramisu"...係我至愛至一嚟架！！....
真係好味呀(其實呢班係示範班嚟....啲cake全部都係老師整架!!)....下次要自己試吓整！！真係好喇....呢期終於有啲一堂過嘅實習班....不過好多都已經full咗....好唔容易先搵到一堂可以上（又要就日子....又要就時間地點....又要揀整啲乜嘢甜品），最後只係揀到個整普通cake嘅course咋！不過我呢啲乜都唔識嘅....學整個普通cake都應該有啲"難度"架喇!!都係由低開起好啲！ haha!
寫番啲陳年舊卜先....成個月前喇...係囉..就係去迪迪尼喇...呢期大家姐買咗全年通行證(不過僅限於星期一至星期五)...三日唔埋二日就同Meme去威!! 咁啱肥師奶4月頭嗰陣有日星期五唔駛番學...所以就話想join埋大家姐一齊去...肥師奶當然又會問吓我一唔一齊去啦...嗯...其實我都有好幾年冇去喇...就豪一嘢比佢!!
咁啱呢日迪迪尼有special event..可以招待啲全年通行證member玩到十點...於是大家姐同大衛哥就比咗張飛比我同肥師奶...佢哋一家3口8點左右就番歸...我同肥師奶就繼續玩!! 真係超盡興...真係十點先閃...重未食dinner架! 去到青衣城都參唔多11點...好在池記未關門.....食埋個晚飯...oh...係宵夜先真...就番歸喇! 勁攰!
肥師奶嘅戰利品...呢期興嘅貼紙同襟章...收穫豐富!
同肥師奶去完迪迪尼一個禮拜左右...排骨人又話4月最後嗰個星期五唔駛番...又想同大家姐一齊去迪迪尼...佢...當然唔會忘記我啦...問我去唔去...oh...真係超貴喎...又唔早响...早知上次買埋全年通行證啦!!好在...大家姐醒起呢期迪迪尼有優惠...佢帶我去嘅話..我比$80就得架喇! (即係話...上次都比多咗啦...吹漲!!!)...都好啦...去多次溝淡佢囉...haha.....所以...今次又有我份喇!!!
其實重有好多過期卜未寫...不過呢篇真係急不及待喇....好回味嘅一餐! 難得我呢個"孤寒祖"豪一豪佢...真係要用9秒9記低佢先...haha!
今晚同咗個朋友仔去"秋田錦"開飯....
我哋叫咗個超豐富2人套餐...先嚟沙律清清腸胃....再嚟....蛋一蛋吖唔該....
woowowo...其中一位主角出場喇...龍蝦....重要係生劏嗰隻...查實個過程都幾殘忍架....龍蝦兄比人乾煎完再斬頭...亞靚仔廚師連佢個殼都唔放過...拎去煲湯.....之但係....佢犧牲得好有價值架...因為...確係好味!! 安息啦...龍蝦兄.........
龍蝦兄轟烈犧牲後...又到鮑魚妹妹出場喇(嗯...我諗鮑魚應該係女仔嚟架...... kakaka ) ...woowooow....鮑魚妹妹啲肉質真係冇得頂!彈牙得嚟又嫩...真係好好味! 之後再整多件鵝肝...煎得好香口....重啱啱熟...very good!!!
呢個以為好普通...不過又幾好味...牛肉夾咗啲蔥同埋炸咗嘅蒜片...夾埋一齊好好食架!
龍蝦兄回魂喇..佢...化成一碗湯番嚟搵我呀...以為佢清清哋冇乜料到...又幾夠味喎! 食咗咁多肉....整啲翠玉瓜食吓先......
其實食到呢刻已經飽咗一半...再嚟多個炒飯真係飽到上心口...咪睇佢咁簡單...又確係炒得好香好好味! 唔覺唔覺居然食得哂成碗飯...超堅!!
好快又食到尾聲喇....整個綠茶雪糕先(其實真係好飽吓...若然呢個係清清哋嘅雪葩就更加好喇!!).....之後...亞靚仔廚師又出動...oh...原來重有個豆沙包架....新鮮熱辣...一路話飽一路係咁食...食吓食吓又食哂...haha!! 都係嗰句啦真係超勁飽....超滿足....超好味同超貴囉! 一於儲錢下次再嚟過...呵!
4月喇星又出動喇....兩位喇星肥師奶同排骨仔一人有一個趴地...真係好忙呀!
生日蛋糕方面...今次情商咗小青蛙...我哋重試埋小青蛙嘅杏梅脆條...好味!! 大家姐都整埋一份呀...今次玩整pizza...你睇...一個二個荒死蝕底...啲餡好似成座山咁...hahah.....重有二家姐拿手嘅蜜糖雞翼...好味!!
yeah...切餅喇...oh...明明係肥師奶生日架...典解會係Meme拎住把刀架...haha!
4月尾...又輪到排骨人嘅趴地喇...yeah...小青蛙真係冇得頂...你睇啲cake幾靚...重有個檸檬批...超好味! 大家姐都整咗個芒果cheese cake...都好味呀..真係食蛋糕都飽哂!hehe
