泰國喪買兵團~dAy2

到咗行程嘅第2day....喺酒店食埋個早餐就出發喇....今日要兵分兩路...我同另一個朋友仔要去揼3粒骨所以一早起身就去骨場骨骨佢先....其他揼兩粒鐘嘅朋友就先去shopping再去骨場...

啲早餐都ok啦...都係嗰啲啦....不過...冇芝士就爭咗啲囉!

今次我哋搭bts再行去骨場...原來又幾易行喎!!10點鐘未夠就到...晨早流流真係人影都唔多隻.....靜靜哋都唔錯喎.....

揼飽骨集齊人馬就飛的去開飯喇.....呢樹聽就聽得多喇....我都係第一次去咋....文華東方酒店嘅buffet....環境唔錯....都幾寬敞...

食物方面當然好ok啦....好味!!而且款式多....真係每樣試一啖已經飽屎咗!

食飽飽周圍影吓相先......

之後重游咗個船河再去shopping.....

第一站...又係NaRaYa.......又淪陷喇....典解次次都逃唔出佢魔掌嘅...好邪! 之後再去掃Big C 同Central....係咁買買買.....買到9點先閃....若然唔係喺Zanotti卜咗9:30...斷估我哋唔落閘放狗都唔走.....haha....

由於我哋6條友要分兩架的士....又要兵分兩路喇! 點知...我哋架車遇人不淑啦,個屎人司機唔識路不特止....重離譜到頭皮搵個地方掉低我哋...真吹漲!!最後要搵個好心人仕問路再飛另一架的士先去到目的地...原本10零分鐘嘅車程終於攪咗大半個鐘先到...激屎人...好在另一批人已經到咗order定嘢食咋!!!

好詭異嘅攝影效果...haha..鬼咩...人哋明明唔比影相...我哋都係鬼鬼鼠鼠影咋...又用唔到閃光燈....係咁上下啦!

食飽飽冇乜攪好呢?!番歸? 非也! 個個行到腳仔軟...齊齊去揼吓腳先! 揼完諗住閃啦...點知骨場隔離竟然有間24小時營業嘅Boots...梗係要入去巡視吓業務啦....夜晚晚點幾重要掃貨...."喪買兵團"呢個朵真係名不虛傳架!!

泰國喪買兵團~dAy1

阿泰...真係好鬼掛住你呀...成年幾冇見...恨不得即刻飛去搵你!!! 係...我真係非常貢喜歡阿泰架....乜啫...阿泰咪就係泰國囉....好鬼掛住佢嘅spa...骨場...嘢食.... shopping mall同人妖...haha!!真係望穿秋水先蛋到3月25咋...yeah...亞泰...我終於可以飛嚟搵你喇!

今次呢個史無前列嘅組合...真係唔去唔得喇....6個女子好難得先可以一齊去旅行....雖則得短短4day...都照殺啦!! 由於我哋搭下晝機....朝早重要番半日工先閃呀...要晨咁早去香港站check in...不過有得現就幾早都起到身嘅!!呵!!...wooowowo....殊不知晨早流流真係鬼影都冇隻....check in又真係好鬼快....呢日整完哂啲嘢8:40就番到公司....不過好明顯個心已經飛走咗啦....bye!!!

搭正1點即閃啦...集齊人馬去雞場....去到雞場要搵吓食先....先嚟兩碟海南雞飯....4個人食...haha...幾慳家(上機又食飛機餐...唔駛食咁多啦!!)....食飽飽之後...其中有兩位朋友仔再入咗cx 啲貴賓cafe開餐...重又食又拎...拎咗啲飲品同三文治出嚟..勁!!

Hea完一大輪終於上機喇......又食....個長通粉真係麻麻....不過個包又幾得喎!

去到曼谷都夜晚喇....領隊姐姐晨早卜已經定車接我哋去酒店喇...!!今次我哋住All Seasons...地方唔算好大...不過勝在夠新又幾乾淨....而且都幾近bts站...

安頓好就去開飯喇....期待已久嘅建興呀....好味....真係又平又好味!!

食飽飽都參唔多11點喇....大家重未想番酒店喎...所以就行咗去附近啲小店飲吓嘢hea吓......參唔多12點就閃喇...因為要趕bts呢!!勁....居然啱啱搭到最後一班車!!

黏土製作の麵包蛋糕第二回

上星期啲功課都未做...今日乖乖留喺屋企做吓功課先! 整吓整吓唔覺唔覺又整咗大半日....不過做未做哂啲功課呀! 其實本來唔洗攪咁耐架....點知今日真係太潮濕...我將部份製成品又擺得太密質質...攪到幾隻熱狗黐埋哂一齊...又要整過...激屎我呀!!

呢個咁"玄"嘅嘢係乜東東?其實佢係未有餡嘅椰絲包嚟架....

佢係雞尾包呀.....

呢兩隻有角嘅怪獸係牛角包嚟架.....

呢幾隻應該知係乜喇掛...冇錯佢哋係熱狗嚟....

我嘅飛佛之一.....菠蘿包.....

雙層牛肉巨無霸...醬汁洋蔥夾青瓜...芝士生菜加芝麻....人人食過笑哈哈...一路搓一路諗起呢句急口令...haha

呢幾舊嘢整咗半日...真係超級慢囉!!

加埋上次整咗嗰啲包包整張合照先...

玻璃飾物(一)

乜亞祖呢期唔係搓"麵包"咩?乜傢伙無啦啦變咗玻璃嘅?莫非玻璃都可以攞嚟搓?! 車!你哋未見過人上兩個course架咩....呢個course得6堂...啲功課又係上堂整...見唔太辛苦...而且呢個workshop同公司嘅距離超近....6:30上堂放工可以慢慢行過去....所以上埋呢個course都ok!!

唉!亞袓又唔識"界仔"...又唔like"界手"...唯有玩吓"界玻璃"啦....又幾得意架喎...同馬賽克有異曲同工之妙....首先都係要將啲玻璃界到適合嘅size...再將幾粒玻璃拼埋一齊...整成唔同嘅圖案....

就係咁喇...oh...個"石墨"底太黑....影得唔清楚...拼到啲圖案之後就將呢舊嘢成舊隊落微波爐叮叮佢....吓?拎去微波爐叮?叮完係咪食得架?! 當然...叮完都唔食得啦....不過就會叮到啲玻璃溶溶哋....而啲溶溶哋嘅玻璃就係自動黐埋一齊.....等佢攤凍咗就可以拎去加工做成唔同嘅飾物...今次我哋要整戒指呀!!

花展2011

講咗幾年...今年終於的起心肝去行花展喇 (對我嚟講真係山長水又遠架...確係要的起心肝先得架)...本來諗住一條冷去架喇....點知排骨仔聽到我咁講即刻話join....haha...

就係咁我哋兩條茂利就齊齊出發去維園...wowoowow...真係超多人!!

又幾靚喎.....啲公仔好cute呀....

全場至靚都非呢堆鬱金香莫屬....重好香添呀...排骨仔重問我係咪有"蜜糖"飲...其實呢啲係花香嚟架....真係聞都feel到甜味呀!!除咗鬱金香之外...當然重有其他靚花啦!!

有我至like嘅紫色系列同小菊花系列.....

今年花展嘅主題係春花妙韻....所以砌咗啲樂器同音符....又幾鬼靚喎!!

睇完花梗係去食個tea啦....唔知食乜好...就去食個糖水啦....發記!!排骨仔好like個蕉蕉pancake呀...下次,要帶埋肥師奶一齊去食先!!!

素の喜宴

飲就真係飲得多喇....食齋嘅喜宴就係第一次去....真係新奇又刺激喇....難得去北角食...緊係要順便探吓聞名已久嘅"十三座牛雜"啦...成兜上食餐飽!! 果然好入味!得!!

食飽行咗陣先hea去素菜館....oh....幅結婚相畫得好靚呀!!

覺唔覺啲西餅有啲熟口熟面呢?!冇錯...就係小青蛙出品喇! 緊係要試哂兩件...好味!

真係好好奇有乜東東食呀...oh..原來都有"金朱"..."魚"..."鮑魚"..."翅"..."雞"...當然全部都係素菜嚟架.....

哈!一路食一路研究啲食物"扮"緊乜?用乜嘢材料整....好攪嘢....

其實真係幾特別...重整得好靚添!!

初時以為會食唔飽啦...點知隊完個麵真係好飽!!

不過甜品方面就遜色咗少少....所以我哋再去食糖水...之但係...呢度啲糖水亦唔見得好1好多喎......吹啤......

不思意事件2011

唔係fa....咪又係食嘢...寫嚟寫去都係食同食架啦...有幾"不思意"呀!!!...今餐真係有啲詭異架....3條友出嚟食飯....食完一餐就即刻去另一間食肆食再食另一餐(唔係去食甜品呀..係食牛肉餅...餃子嗰啲喎)...haha...堅!!

本來諗住去打邊爐...最後改吓改吓變咗食打冷....之但係食完呢餐有位朋友仔唔夠喉...於是再去試另一間....

呢度有啲似清真...食物都ok呀...不過個羊肉餃又確係羶咗啲....食完真係飽到上心口!!

查實最不思意嘅事件都唔係一次過食兩餐(大食呢家嘢..對我哋嚟講真係好平常)...其實件不思意事件係行去搭車嗰陣發生嘅....真人真事之人間蒸發!究竟一個人典解可以喺5秒以內喺一個十字路口嘅中央離奇消失呢?!(哈哈...我同朋友仔只係擰轉面幾秒咋...回頭一望另一個朋友仔竟然喺十字路口消失咗..真係冇哂影架..佢真係勁過大衛高柏飛同多啦A夢)...大家估唔估到呢位朋友有乜符fit呢?! haha....佢.....就係用咗5秒都唔駛嘅時間....跳上的士...絕塵而去!!夜晚晚真係比佢嘛屎!!真係以為自己撞邪!!!

黏土製作の麵包蛋糕第一回

番來喇....終於番來喇....冬眠咗兩個月又開工喇....今次玩個簡單啲嘅(點都好過上次嗰個海鮮美食...對我嚟講實在太深...重要走咗幾堂....最後唯有放棄!!!)...今次要東山再起呀......先嚟幾個搓幾個包食吓先...

又長又硬嘅(嘩...你哋諗緊乜呀...賤格)...我係講緊呢兩條...."法包"呀....

呢三粒鬼鬼鼠鼠係乜嚟?!...咪就係腸仔包囉....

呢幾粒...haha...咪就係包一個囉....老師話佢係"紅豆包"嚟架...

呢幾個水泡又係乜東東......佢哋咪就係東甩囉....家陣就齋咗少少...

影張合照先啦...其實家陣重試梗size...今次老師教我哋整得比較大粒...之但係我比較鍾意細煜少少...所以要自己adjust吓size....重係試驗中.....

大角咀廟會...

乜嘢係大角咀廟會?!真係唔知...haha....我淨係知今日肥師奶有份表演跳舞咋...所以就約咗肥師奶一家去湊熱鬧.....原來除咗肥師奶間學校有份表演之外...重有學之源嘅小朋友....佢哋真係超得意! 另外...重有班小朋友表演花式跳繩...佢哋又真係好堅!

yeah...千呼萬喚...終於到肥師奶....化"行"哂妝著靚靚架....個個都跳得好落力(聽聞呢隻舞之前好似攞過獎架!!)...今日下晝都幾哂......肥師奶真係跳到一身汗....辛苦哂!! 好叻叻呀!!!

睇完表演就齊齊去澳海城開飯....呢度啲下午茶又幾抵喎...味道都唔錯!!超飽!!