下星期三就係肥師奶七歲大壽.....所以今日就同佢攪咗個小party賀一賀佢......由於肥師奶想呃多兩份禮物, 所以邀請埋爺爺同嫲嫲去囉!
...當然唔少得肥師奶個best friend澄澄啦........
冇見肥師奶一排.......又確係"肥"咗又靚咗喎....
雖則話係party...不過...今次都係煮咗餐小便飯食.....重有條老鼠班添.....正!
食飽飽又到咗最緊張嘅時刻....拆禮物時間....排骨仔對呢架發泡膠遙控飛機好有興趣呀.....猛話想叉電玩吓先.......
.....
身為主腳嘅肥師奶又收到一枱都係禮物....大家姐送咗一堆"珠寶首飾"比佢呀....佢即刻將啲嘢擺哂上身....穿金戴銀.....好威!
通常禮物lee家嘢都係隔離飯香.....最後排骨仔靜靜撻咗亞笨同亞占玩呀
....
拆完禮物又係食嘢時間.....又有蛋糕食.....飽屎咗......
其實排骨仔都係四月生日架 ....頭先我已經收到最新消息囉...有關方面已經通知我4月19再開party喇
....又要買禮物喇....好忙!
上回講到....無驚無險就玩完第一日嘅行程....大家都可能問...."黑仔之旅"係何解...睇完第一日嘅行程都唔覺有幾黑......嗯.....查實又真係唔算好黑嘅....我都慣咗"踢波先嚟落雨...."....今次都係..."踢波先嚟落狗屎啫..."...
講番正題....正所謂一日之計在於晨....晨早起身梗係食番個早餐先啦....
食飽飽就執嘢check out再繼續去玩....今次我哋去咗"華僑城東部"玩...
其實華僑城嘅地方好大架...有3大個area(茶溪谷, 雲海谷, 大峽谷)...我哋一嚟就由大峽谷坐巴士去茶溪谷玩....齋坐車都要成半粒鐘咁滯....考誇張
....橫跨咗幾個山頭同無頭地盤(尚有其他部份興建中) 先到茶溪谷....
終於到咗茶溪谷喇...其實喺lee度又有幾個area有唔同主題...地方都幾靚架..可惜天氣太爛....啲相影得唔靚啦...大家不妨用少少想像力幻想吓......喺陽光普照嘅天氣底下啲相有幾靚........
lee忽以花嚟主題...度度都有啲花裝飾....重有間超細嘅教堂....
重有條類似濕地公園嘅穚...lee條穚真係水蛇春咁長呀...行到腳仔軟....
其實入面都有嘢玩吓架...不過就要另外收費....唔知lee個熱氣球係咪自費活動呢...
行到咁上下又係食飯嘅時侯....周圍都勁多人....由於時間嘅關係頭皮搵間冇乜人嘅地方食啦......好在個pizza都唔算難食啫....
之後就去咗睇歐洲建築物......唉.....落雨呀......
開頭落幾滴雨都忍你吖...點知越落越大.....一身都濕哂....唯有搵地方喱啦....
等咗陣細啲雨又再行過......最後行埋個茶園....唉.....又落過狗屎....頂!
我lee啲咪就係戰地記者囉...一身走難look!
hea到咁上下再搭咗轉觀光火車就閃喇.....好彩落山有lee架什麼什麼纜車啫....5分鐘飛落山...唔駛又坐半粒鐘巴士先落山......
落咗山又要再轉車去停車場....再轉多次巴士先到番東門嗰邊....攪得嚟又係食晚飯嘅時間........橫掂都係....喺附近食埋啦....
lee兜粥係咪好堅呢....十蚊兜咋..不過..真係明知食唔哂都叫...好似有點折墮添..
好好味嘅燒魚.......價錢當然比香港平啦....
不過...lee碟壽司又碓係麻麻...而且真係太多喇.....最後都食唔哂.....
又係食食吓先見有其他特價嘢...唔好執輸啦...再叫過...
...lee個係鮑魚壽司.....嗯.......都係一般啦....
lee碟先騎呢....以為係串燒啲肉啦(好似寫住什麼什麼什錦串燒)....點知......
點知有啲係串燒bird仔嚟架....好驚呀....點食呀....
好彩lee碟燒墨魚都幾正....餐飯都未至於爛尾....
食飽飽我哋先飛啲去羅湖搭火車番香港....真係攰爆.....
