5月之星飯@銀杏館

 5月係卜友仔Maggie嘅生日月...又係時候食生日飯喇...話時話...無論係舊同學,傻瓜同事或者係卜友仔....都冇乜人喺3,4月生日嘅(反而我啲家姐同姨甥都堆埋嗻3,4 月生日...所以...生日傻呢家嘢幾乎係年終無休架!!)....次次食完我餐生日飯之後都會隔3,4個月先再食下一餐....呢班卜友仔都一樣....自從農曆新年前食過一次LUNCH之後就幾個月都冇見喇...HAHA...雖然隔咗咁耐冇見...不過一見面一啲都唔陌生呀....

講番餐飯先....今次去咗食銀杏館....家常便飯...感覺好健康呢!!

熱辣辣吳哥窟精華遊~day 4

短trip嘅其中一個好處就係唔駛追卜追得咁辛苦...咁又LAST一DAY喇....寫吳哥窟真係要快手啲呀, 就咁睇啲相好似度度一樣咁, 再過多兩日我諗我真係完全唔記得去過邊度呀!

好...寫埋LAST一篇先....其實呢日早機走呀, 所以食飽早餐就搭VAN去機場喇....

呢度機場真係好細吓,係喎...我哋嚟嗰陣每人都要洗少少錢先入到境,你哋估吓走嗰陣要比幾錢? 答案係...唔駛錢(真係好驚喜囉...HAHA)!

我哋上機前30分鐘先去食嘢 (其實之喺機場HEA完一大輪)....點知....班機又提早咗登機(一嚟就FINAL CALL咁滯)...最後食到趕頭趕命...HAHA...無論同邊個去邊度...我啲朋友仔都係興"先HEA後趕"...吹啤!

 

咁又過咗4日...真快! 一路寫遊記一路諗住..."又好想放假呀!!"

熱辣辣吳哥窟精華遊~day 3

今日約咗司機哥哥9點喺酒店等...可以喺酒店食個豐富早餐喇....

第一個行程就係去變身塔(Pre Ru), 以前啲君王死後就係喺度進行祭祀宜式...嘩...駛唔駛咁高,重要四周都冇嘢圍住...爬咗上去之後真係勁後悔,腳仔軟呢! 好唔容易先慢慢碌番落嚟!

之後就坐一粒鐘車去女皇宮 (Banteay Sarei),呢程車已經係呢兩日行程最遠嘅一個地方....其他景點祗需十零分鐘就到! HAHA...都話睇呢啲嘢要先溫書架啦...."女皇宮"聽個名真係以為有"皇宮"睇添,殊不知...睇真啲...原來都係寺廟嚟嘅,真係失禮哂!超低能!

行完個女皇宮又一身都濕哂.....坐低抖抖先....又飲椰子冰....嗯...呢個怪怪的!不過其他食物又幾OK喎!算你啦!

食飽又開始流汗之旅...嘩...日日都35,36度, 超熱...就咁唔郁企喺度都流哂汗...成身慶合合咁! 呢度係寶劍塔 (Preah Khan), 熱到爆,又趕住睇日落...快快行過算喇!

行完去戰爭博物館(Siem Reap War museum), 重以為博物館係室內....重妄想有冷氣添...原來係全室外.....又係嘅全部都係飛機坦克同地雷, 邊可能擺喺室內.....

就係要嚟呢度睇日落喇....巴肯山 (Phrom Bakheng),司機哥哥話下晝4點零要開始上山...如果唔係上唔到去睇日落...之但係....6點幾先日落喎老細!! 重要喺度乾煎真係唔係辦法...最後喺度HEA咗陣就閃....閃去邊?!

又再戰吳哥窟囉...呢度影日落重靚呀...不過天氣都係麻麻....都係好多雲...睇唔到咸蛋黃!

影完日落再去pub street開飯...好難得搵到間有冷氣開放嘅食群,不過呢度啲食物認真麻麻....勝在有冷氣又有好坐嘅梳化!食飽又去吔雪糕, 之後就番酒店喇!

熱辣辣吳哥窟精華遊~day 2

前一晚12點幾先瞓,第二朝又3點幾起身睇日出(正確嚟講真係冇瞓過架...因為同張床唔係咁熟,碌嚟碌去都瞓唔到) ....由於要睇日出...我哋約咗司機哥哥4點零鐘喺酒店等....司機哥哥果然好準時喎!抵讚! 第一站就係去買吳哥窟嘅入場劵, 噢!5點先開門...我哋4點幾就到咗...企喺度等陣先! 由於我哋祗有2日時間行所以我哋買咗張3 day pass(佢冇2日PASS, 2日同3日一樣價錢呢!! )張門票有我張相架每次入場睇古蹟都係SHOW呢張入場劵! 所以要好好保管張入場劵喔! 買完入場劵我哋就向吳哥窟(Angkor Wat )進發喇, 嚟到已經有成堆人等緊喇....可惜呢兩日天氣都唔係太好...好多雲呀....遮住咗太陽伯伯添...

睇完日出先醫肚,肚仔餓...不過碗嘢好細吓喎.....

 食跑再戰吳哥窟,入去慢慢行....9點未夠天氣開始熱喇...超好天!

 

下一站係荳蔻寺(Prasat Kravan)....呢度被破壞得好勁吓喎...爛淨一道牆咋.....

之後再去班蒂喀黛寺(Banteay Kdei)

 行完食LUNCH喇....杯椰子冰好好味...透心涼....其他食物就好一般喇....

 食飽又行過, 塔普倫(Ta Prohm),呢度又幾得意喎...好多建築物都比啲樹纏住,有趣有趣!

 之後就去咗巴戎寺 (Bayon),呢啲佛像嘅笑臉被譽為"高棉的微笑".....

行吓行吓無啦啦去埋巴芳寺 (Baphuon), 由於太攰又太熱又眼瞓,大家祗係門口影相留念算喇...再行真係會虛脫呢!

 跟住司機哥哥就車我地去南門....影吓到此一遊先!

之後再去殺戮戰場 (Killing Field), 乜得堆骨睇嘅?!噢....原來堅嘅萬人塚喺金邊呀(金邊同暹粒距離5個鐘車程)....話時話....好彩呢個唔堅啫....堅嗰個恐怕我未必想睇呀....HAHA!

 玩到3點幾我哋就番酒店梳洗兼稍作休息....嘩...真係攰到暈低咁滯...瞓咗一粒鐘先再出發!

 我哋搭TUK TUK出發去pub street開飯, 旅遊書推介呢間,又真係唔錯喎, 又平又好味!

 食飽周圍行陣...食埋雪糕再打道回府!

番酒店又有免費"雀仔按摩"廿分鐘咁多...都好過冇啦....今日行咗咁多路,鬆一鬆先!正呀!

熱辣辣吳哥窟精華遊~day 1

自從上個月韓國之旅後工作一直都係超級忙....又係一堆工作撞到嘭嘭聲嘅日子.....忙到連今之柬埔寨之旅嘅資料都冇時間溫....話明去吳哥窟就緊係要溫吓書架啦....唔係就真係睇完都唔知睇咗啲乜.....之但係.....出發前真係忙到顛....連去旅行嘅MODE都冇埋....超煩!!又點會咁好閒情去溫書呢!!頭皮溫咗少少卜就出發....

星期六下晝5點幾機....由於未PLAN行程, 所以約咗啲朋友仔點半喺機場集合諗住坐低傾傾佢啦...HAHA....好明顯....傾行程呢單嘢係大家嘅幻想.....邊有咁好閒情吖....食吓吹吓水卜定個私機咪算囉....好在關生有溫書....行程就由佢PLAN罷啦!HAHA!

點半到機場...班機又DELAY咗一粒鐘.....喺機場HEA咗半日先出發....堅!

去到暹粒機場已經係當地時間8點幾....入境果陣重發生咗段小插曲.....話說我哋排隊等過關入境,我見到排隔離隊嘅關生無啦啦比咗1蚊美金比個海關關員....噢!乜要洗少少錢先可以入境?! 輪到我喇....幫我嗰位關員真係用手指指一指佢枱面堆錢, 嘩!我啲美金得一百蚊紙幣咋喎,唔係要豪比佢掛!! 好在我見到佢堆錢有人民幣....我就問佢..."HONG KONG DOLLAR OK?" 好在佢受啫。。。我頭皮掉低十雞就閃喇。。。又真係估唔到今時今日真係重有呢家嘢！！吹啤！！

之後我哋就喺機場搵的士車我哋去酒店。。。。間酒店又唔錯喎！

酒店夜晚有shuttle bus車啲住客出去。。。我哋就搭車去night market附近開飯。。。朋友仔話呢度興食高棉菜，味道同泰菜有點相似，好多菜式都有basil味。。。我至like!正！

重遊舊地@曹公潭戶外康樂中心

前排大家姐話小童群抽會攪咗個BB蕉活動問我JOIN唔JOIN.....我同亞ME係FRIEND底嚟架嘛, 咁就緊係JOIN埋同佢一齊玩啦!

其實報完名之後我淨係MARK咗今日去BB蕉咋...完全唔記得去邊度燒囉...HAHA! 今日出發嗰陣先醒起原來去曹公潭, 嘩!!諗諗吓對上一次嚟已經係十幾年前嘅事喇...上次就係畢業旅行, 記得嗰次一行十幾廿人...陣容鼎盛! 印象中嘅曹公潭都OK好玩架....可以打吓波,燒嘢食又有繩網....

之但係....今次重遊舊地嘅感覺真係唔同哂.....可能今日唔係太好天啦.....原本BB蕉嘅項目被迫取消極之掃興....我哋一行40人...11個單位....得我哋同另外一組人堅持BB蕉....其他大部份人都投反對票呢.....其實下晝都冇落雨....啲小朋友見冇得燒烤都好失望呢....咁都算啦....想卜啲活動玩(好似乓乒波,氣塾球同羽毛球....),點知又因為安排活動嗰位社工亞姐安排不周MISS咗啲卜活動時間....攪到大家成日都無無聊聊冇嘢攪..... 其實我哋之前都JOIN過小童群抽會啲活動架...次次都OK唔錯...唯獨今次真係覺得啲安排好差囉...希望下次啲活動唔好搵呢位亞姐攪啦!