行程嘅第4日係PLAN咗去南怡島嘅,經過呢幾日嘅觀察...睇嚟大家動作都好HEA吓...由於今日車程都好長....為咗節省時間...早餐就買三文治外帶....又幾好味喎!搭完地鐵再轉的士再搭多程船...終於到南怡島喇!!之但係。。。典解冇乜雪嘅？！乜貢快已經溶哂雪架？坦白講真係有啲失望，好在呢度啲環境尚算不俗。。。輕輕鬆鬆遊一遊都未嘗不可！！
南怡島唔算太大，不過入面都有一堆食肆可以選擇。。。我哋就去咗食麵喇。。。
食飽再ＨＥＡ多陣就閃喇。。。不過都成５點幾先閃。。。留入市區都差不多夜晚８點喇。。。好彩趕得切入場啫。。。由於太遲去到。。。得一個鐘影相咋。。。有啲趕呢！
影完相就去咗食燒海鮮。。。呢間啲海鮮都幾新鮮。。。正！食飽已經１１點幾。。。重諗住今晚去Lotte Mart買嘢。。。趕唔切添，最後去７仔買啲嘢食當手信咋！！
５日真係好快過。。咁就ＬＡＳＴ ＤＡＹ！食完早餐就閃喇。。。又食粥？！係呀。。。因為大家姐好鍾意食呢度啲粥囉。。ＨＡＨＡ。。。都好起碼我都冇介紹錯吖！
後記：自從玩ＦＢ之後每次去旅行我都起碼一日ＵＰＬＯＡＤ一張相去ＦＢ當向大家姐報平安。。。既然今次同大家姐一家一齊去。。。＂報平安＂嘅意欲真係相當低，加上。。原來做領隊一啲都唔容易架。。。超級攰。。。出發前一日又要整理一吓啲資料。。。完全冇時間上網同執相呀。。。所以除咗第一日有ＵＰＬＯＡＤ相去ＦＢ之外。。。其餘幾日都冇ＵＰＬＯＡＤ過嘢好似與世隔絕咁（唔知點解，去旅行我又真係比較喜歡與世隔絕嘅感覺，乜都唔諗淨係掛住食ＨＥＡ瞓感覺好輕鬆呢！）。。。點知番到香港。。。肥Ｃ奶問我點解旅行嗰陣唔ＵＰＬＯＡＤ相。。。個樣重有啲擔心咁話＂唔知係去咗邊吖嘛＂。。ＨＡＨＡ。。。好冧呀。。。好！應承你下次無論同邊個去都起碼一日一張相，好嗎？！
