不過呢個星期咁凍...加上我呢期條氣管超衰...天氣凍少少又咳...真係好擔心跑唔到啦!! 不過報得貢辛苦...又點捨得甩底唔去呢?! 好在今日氣溫稍稍回升...有雙位數字 (如果唔係我都唔敢跑呢!!)..之但係天文台又話會落雨...噢!唯有拎定雨褸去...見步行步啦!! (HAHA..不過最後都冇帶雨褸跟身...反而帶埋支Ventolin陪我跑! 天氣太凍真係驚頂唔住呢!!)
今日跑7點嗰輪...4點要起身梳洗...由於天氣凍(起身嗰陣得13度咋)...要著褸焗住要寄存行李又要再預早啲去寄行李...所以5點唔夠就要出門口喇!!
寄存行李真係嘥時間兼嘥腳骨力...行完一大段路再行去起跑區...嘩!!超大風超凍呀...個個都凍到滕滕震....鬼咩朝早氣溫都係得嗰13-14度左右...得件風褸真係吹到鼻都甩!見到啲人短褲+短袖衫...真係堅!! 好在起跑前啲人企埋一堆可以取暖...如果唔係真係凍到有力跑!!
頭兩公里都跑得好辛苦...太多人要避嚟避去跑快咗...不過啲空氣太凍攪到呼吸得好辛苦....揀直係呼吸困難, 嗰刻真係好驚扯蝦...唯有跑番慢啲...好在跑到一半路程開始適應番....呼吸慢慢暢順啲....最後都安全到達...而且時間應該快過上次少少呢!! 不過都要一粒鐘先完成到...最初都想一粒鐘內完成添...最衰呢期狀態咁差啦...希望下年再跑嘅話身體狀況會好啲啦!!
沒有留言:
發佈留言